مطلوب كهربائى لزرار ماكينة زجاج جيتا 2010

**etrder63** · 17-05-2011 12:27 AM

اخوانى اعضاء منتدى الفولكس محتاج كهربائى متخصص فى الفولكس لعربيتى الجيتا 2010 خليجى لأن فجأة لقيت زرار زجاج باب السائق لايعمل فى فتح وقفل الزجاج
ولو كانت قوانين المنتدى لاتسمح بوضع الأسم ورقم الموبايل على العام رجاء إرساله على الخاص

**M.Mostafa80** · 17-05-2011 12:57 AM

لو ليك فى انك تشوف الموضوع بنفسك هتفك غطاء علبة الفيوزات اللى جنب باب السائق شمال التابلو وانت بداخل السياره هتلاقى مكتوب اماكن كل فيوز احتمال يكون الفيوز ضرب وهو فيوز 10 لو تقدر تشوف بنفسك شوف
وهل حضرتك غسلت العربيه فى المحطه بضغط مياه عالى

**SYD** · 17-05-2011 02:20 AM

اولا مفيش حاجة اسمها ميكانيكي متخصص فولكس ولا غير فولكس
ثانيا نصيحة لوجه الله ماتخليش حد يلعبلك في عربيتك وانت ماتعرفوش او مش واقف علي ايده
معظم الكهربائية مش بيفهموا زواخدينها فتنوة بالدراع والفهلوة وهتلاقيه راح واخد سلك وعامل توصيلة وكوبري ويخلي الشكل انا اسف زبالة
انا اعرف واحد بجد دكتور وشغله نظيف اوي اوي
وعلي العموم انت عمرك في حياتك ما هتروحله وتلاقيه فاضي اول لما تدخل عليه هيشتغل في عربيتك وبالتالي هيبقي عندك فرصة كويسة اوي تتفرج علي شغله وتشوفه بيعمل ايه في العربيات الي قبل منك
اسمه محمد عبدالقوي
هو اساسا بتاع تكيفات وبس
لكن لما بتبقي حاجة في الكهرباء مستعصية اوي او حاجة سهلة اوي ممكن يشتغلها وطبعا بيعمل كهرباء لزباينه وبس
هو ورشته او مركزه في فيصل محطة حسن محمد خلف كنتاكي
والله المستعان
،
،

**SYD** · 17-05-2011 02:29 AM

وعلي فكرة سبب اني قولتلك عليه
اني شوفت عنده (بعيد عنك وعن كل حد فينا، بعد الشر يعني) عربية جيتا 2011 مفككها 1000 حتة مفيهاش ولا فتفوتة سليمة وبيصلحها وبيجمعها تاني زي الفبريكة
والله المستعان
،
،