انا اشتريت ضمان لعربيتى الخليجى

**mohamedwahid** · 18-04-2010 04:57 AM

انا اشتريت ضمان لعربيتى الخليجى الكيا الكارينز هو من شركة ........*
ضمان شامل لمدة سنة واحدة او 20000 كيلو وموجود معاة اسماء مراكز الخدمة والصيانة
والى عندة اى استفسار ربنا يقدرنى واجواب علية ان شاء الله

ممنوع وضع اسماء شركات لانه يندرج تحت بند الدعاية نكتفي بتنبيهك فقط
الادارة

**medobob2** · 18-04-2010 10:04 AM

ممكن تفصيل اكتر عن السعر و منيين عملته و الاجراءات و كده

**sherifahmed** · 18-04-2010 11:59 AM

سعادنك مفيش حاجة اسمها ان شركة تدى ضمان على حاجة مش من انتاجها
كل اللى هاتعمله ان لو حصل للعربية حاجة هاتروح تصلحها فى مراكز الخدمة دى و مش من حقكك تشتكى من اى حاجة مش اصلية هاتركب فى العربية لانه ببساطة دا مش ضمان من الشركة الام
وانما احساس زائف بالامان بتبيعه الشركات دى مستغلة انتشار الخليجى
ربنا يهد التوكيل اللى مبهدل العربية معاه

**sherifmrabie** · 25-04-2010 03:34 AM

الضمان هو ضمان ضد عيوب الصناعة والمهم هو مصداقية الشركة مقدمة الضمان فى التعامل مع عيوب الصناعة. أنا شارى عربية سيراتو خليجى واشتريت ضمان من ........ والفكرة فى أن أى شركة تريد أن تقدم ضمان وجادة فى ذلك فإن الموضوع ممكن أن يكون مربح جداً لأن الخليجى مبيعاته فى السما والسيارة تمر على مراحل ضمان الجودة كثيرة وبالتالى فإحتمال حدوث عيب هو إحتمال ضئيل بالطبيعة وعند حدوثه يتم التعامل معه يتغيير القطعة المعيبة وذلك يحدث مرة فى الألف ولعل الشركة الأم وراء إنتشار هذه الشركات لتشجيع مبيعات الخليجى بما يعود بالنفع على الشركة الأم بغض النظر عن مكسب الوكيل!

ممنوع وضع اسماء شركات لانه يندرج تحت بند الدعاية نكتفي بتنبيهك فقط
الادارة

**chicobon** · 28-04-2010 01:10 AM

طيب مهو كده سعر العربية هتكون اغلي

**mohamedwahid** · 28-04-2010 03:56 AM

المشاركة الأصلية كتبت بواسطة sherifmrabie

الضمان هو ضمان ضد عيوب الصناعة والمهم هو مصداقية الشركة مقدمة الضمان فى التعامل مع عيوب الصناعة. أنا شارى عربية سيراتو خليجى واشتريت ضمان من ....* والفكرة فى أن أى شركة تريد أن تقدم ضمان وجادة فى ذلك فإن الموضوع ممكن أن يكون مربح جداً لأن الخليجى مبيعاته فى السما والسيارة تمر على مراحل ضمان الجودة كثيرة وبالتالى فإحتمال حدوث عيب هو إحتمال ضئيل بالطبيعة وعند حدوثه يتم التعامل معه يتغيير القطعة المعيبة وذلك يحدث مرة فى الألف ولعل الشركة الأم وراء إنتشار هذه الشركات لتشجيع مبيعات الخليجى بما يعود بالنفع على الشركة الأم بغض النظر عن مكسب الوكيل!

الكلام دة صح وبعدين فى الاول والاخر دةاطمئنان لملاك السيارات الخليجى لان الواحد كدة يبقى مطمن انة محمى من عيوب الصناعة

**karemof** · 02-05-2010 12:57 AM

أنا كنت في معرض عربيات بسأل عن الكارينز الهاي لاين التوكيل صاحب المعرض كان بيحاول يقنعني بالخليجي وقالي بالنسبة للضمان فهو حيديني شهادة ضمان تمن الضمان ده 2400 جنيه لمدة 3 سنوات من شركة .....أخدت نظرة على الشهادة لقيت أشهر المراكز اللي بتقدم الصيانات الدورية لكيا هي وليد توفيق و أمير&جوزيف , مش عارف الكلام دة صح ولا ايه ؟؟؟

**waelgeorge** · 08-05-2010 02:32 PM

كلام مظيوط انا لسه شارى ضمان مع سيارتى السعودى من شركة ..... بس هو 3 سنوات او 60000 وعلى فكرة هو بــ2080 مش بـ 2400

**ahmedsopehy** · 08-05-2010 02:48 PM

السلام عليكم ارجوكم تعطوني معلومات كافية عن موضوع ضمان الخليجي ده علشان انا نفسي افهم الموضوع كله
انا حاجز الكارينز الخليجي 2011 من جابر عبد الشهيد

**timtim77** · 08-05-2010 02:57 PM

المشاركة الأصلية كتبت بواسطة ahmedsopehy

السلام عليكم ارجوكم تعطوني معلومات كافية عن موضوع ضمان الخليجي ده علشان انا نفسي افهم الموضوع كله
انا حاجز الكارينز الخليجي 2011 من جابر عبد الشهيد

شوف يا باشا فى شركتين بيقدموا الخدمه ده بيكون ضمان ضد عيوب الصناعه فى العربيه
ليهم مراكز خدمه معينه بيتعملوا معاهم اذا كان فى عربيتك لا قدر الله اى عيب صناعه المفروض انهم بيتحملوا تكلفه اصلاحها او تغييرها على حسابهم
ده بتشترى على اساس سنه او 20 الف فى حدود 1000 جنيه
سنتين او 40 الف ب 1500 جنيه
3 سنين او 60 الف ب 2100 جنيه
ده بتشتريه من المعارض الخاصه بالخليجى او تشتري من الشركه نفسها