هام جدا جدا لكل المتعاملين مع توكيل ابو الفتوح

**amr1973** · 18-04-2010 12:06 PM

بسم الله الرحمن الرحيم

اخوانى الاعزاء امبارح كنت فى التوكيل بتاع ابو الفتوح فرع ابوروا و قابلت المهندس محمد هناك عشان العربية كانت فيها شوية مشاكل و اتفاجات لما جاب الورق لاقيتة طالب منى حوالى 1000 جنية و ده قابل للزيادة على حسب العطل و التكلفة كانت من غير الزيت و طبعا لما بدات استفسر لاقيت الموضوع كبير قوى اولا العربية عاملة عداد 22000 الف كيلو بس موديل 2007 و بسرعه جدا بدون اى تفكير ردو عليا بان العربية برة الضمان طيب لية لاقيت شرط فى كتالوج الضمان غريب جدا و هما ماسكين فية و طبعا عمر ما حد كلمنى على الشرط ده طالما الماكل بتتحل من غير تكلفة انما لما تكون فى مشكلة و هاتتكلف بيظهر الشرط و الشرط عبارة عن اية بقى على فكرة الكلام من الكتالوج و اللى مش مصدق يراجع كتيب الضمان عشان يتاكد من اللى هاقولة
اولا جدول الصيانات محدد ب 5000 كيلو و اذا لم تحقق ال 5000 كيلو قبل 3 شهور يجب عليك عمل الصيانة يعنى حضرتك بالبلدى عملت صيانة ال 5000 كيلو المفروض ان ميعاد الصيانة اللى جاى عند 10000 كيلو طيب لو حضرتك ما عملت ال 5000 كيلو لازم تروح بعد 3 هور حتى لو العربية ما اتحركتش 1 كيلو و هاتلاقو كده بالنص ان مواعيد الصيانة 5000 او ثلاثة شهور ايهما اقرب و بالتالى الموضوع ده مش كويس لان المشكلة الكبيرة لما تظهر بيتلككوا على الموضوع ده و طبعا رد عليا بكل سهولة ان كتيب الضمان هو العقد اللى بينى و بينك و م مشكلتى انك مش قريت الكتيب فرديت علية و قولت لة ان الكتيب ده حضرتك بترفضوا تسلموة للعميل الا بعد عمل صيانة الالف كيلو و بالتالى انا بكون اشتريت السيارة و خلاص الموضوع انتهى
فيا ريت يبقى فى وقفة مع الموضوع ده و كل واحد يشوف كتيب الضمان و يراجعه لانى معانا سيارة تانية و فيها مشكلة فى كمبروسيور التكيف بعد ما العربية عملت 300 كيلو و معمول بيها امر و لحد النهاردة الموضوع ماتحلش مش عارف لية و المشكلة اللى عرفتة انها برضوا هاتخرج برة الضمان عشان صيانات ال 3 شهور

**hugan** · 18-04-2010 01:33 PM

انا شايف ان موضوع الضمان وهم كبير يتم جزب العميل من خلا له انابطلت اروح كل 5000 لان بحسبه بسيطه الفلوس اللي ها تدفع كل 5000 وهما مش بيعملوا حاجه غير انهم يعملو تشيك علي العربيه ويضيعوا يوم كامل من غير فايده المبلغ اللي ها يتوفر تعمل بيه لنت الشغل اللي في العربيه وانا عامل 40000 وخرجت من الضمان لانهم كمان في الغالب بيحملوك انت سبب التلف يعني سؤ استخدام منعندك الشكمان عندي مثلا العلبه الخلفيه فيها تنفيث رحت علشان يصلحوها وكنت لسه في الضمان عملوا كونسلتو طبعا وفي الخر انا السبب انها بظت لاني حكيت في مطب اقو لهم يا بشمهندسين انا ما اكلتش مطب لا يا عم انت اكلت مطب ورفعوا العربيه وتخيلوا وراني ايه خربوش صغير في العلبه قولتلهم هو ده المطب قا لو اه انت السبب في الا خر ما عرفتش اخد معاهم حق ولا باطل الفايده ان الضمان في مصر غير معترف بيه الاازا كان العيب ظاهر جدا وتكون فاضي علشان تلتزم بل المواعيد زي ما مكتوب في الدليل

**evram** · 18-04-2010 03:45 PM

انا كدة عربيتي اوت من الضمان عاملة الصيانة في شهر 11 الي فات و المهندس قالي الكلام دة بس انا احسنلي مروحش و اروح لواحد زي احمد مهران

**teha** · 18-04-2010 06:26 PM

معلش ممكن تقولي مين احمد مهران ده و بيفهم في ايه بالضبط يمكن نحتجله في يوم.

**evram** · 18-04-2010 10:14 PM

دة ميكانيكي استاز اسبرانزا كان شغال في التوكيل و سابهم و فتح ورشة و حاليا قبل الورشة بيروح توكيل تويتا في مصر القديمة الملك الصالح

**amr1973** · 18-04-2010 11:27 PM

اتمى ارسال معلومات و رقم احمد مهران دة لانى بجد محتاج اوديلة العربية يشوفها لانها فيها زنة من عند الفتيس

**amr1973** · 18-04-2010 11:29 PM

المشاركة الأصلية كتبت بواسطة emad7759

اولا ايه نوع العربيه الى معاكم يريت تقوللى نوع العربيه
احنا معنا الام 11 وعملين موضوع كده علاشان العيوب اللى بيها يريت

لو فيه حد معا اللام 11 يشترك معنا

وبعدين انتم عندكم حمايه المستهلك اشتكى فيها ولله بامر لله هتاغد حق

وربنا المستعان فيهم

اخى العزيز حماية المستهلك مش هاتعمل حاجة لانهم مظبطينها صح و اول كلمة فى جهاز حماية المستهلك انك تبعت لة صورة من الضمان و طبعا المواعيد اللى موجودة مختلفة عن موضوع ال 3 شهور ده و بالتالى بيكون اخلال منك بشروط الضمان اتمنى انى اكون قدرت اوصل المعلومة