موضوع اكثر من رائع
جزاك الله كل خير
انا افكر فى شراء اف اس اى.
فمادا رايكم؟
و انا اطلع على كل صفحات " عدد14 صفحة الى الان و بإستمتاع كبير " موضوع شدنى كثير.
عرض للطباعة
موضوع اكثر من رائع
جزاك الله كل خير
انا افكر فى شراء اف اس اى.
فمادا رايكم؟
و انا اطلع على كل صفحات " عدد14 صفحة الى الان و بإستمتاع كبير " موضوع شدنى كثير.
تقرير اكثر من رائع ومجهود جبار وربنا يبارك ليك في السيارة ويكفيك اي سوء فيها وياريت توضح موضوع عيوب الفتيس
لان فيه ناس كتير بتشتكي منه
شكراااا
مشكوووووووووووووووووووووو ووورين
طبعا المواضيع اللي ناقشت مشاكل الفتيس الجديد كتيره ..بس انا حاقول على تجربتي الشخصية مع العربية من الزيرو
1- العربية جابت اول طقم دبرياج يمكن بعد 15 الف كيلو و عقبال ما رحت التوكيل و كشف و تحديث و المانيا و قرايات و اللازم منه تم تغيير الطقم على 25 الف
2- بعد 20 الف كيلو حصل نفس الكلام برضه رعشة و رجه ما بين الغيار الأول والثاني ..اعراض تلف اسطوانة الدبرياج للمرة الثانية و تم التغيير على 45 الف كيلو
3- سألت المهندس عن سبب تكرر تلف طقم الدبرياج الراجل مشكورا شرح لي باستفاضه طريقة عمل الفتيس و سفف تآكل الطقم بسرعة ...و من سا عتها قررت اني استخدم الستيبترونيك في الزحمة و المطبات الصناعية و الطبيعية و عند التوقف في الإشارات لمدد طويلة اقوم بوضع الفتيس في n و الحمد لله و حتى الآن لا توجد مشاكل و السيارة عاملة 87 الف كيلو
السلام عليكم ورحمة الله و بركاته
الحقيقة ان بعد مرور سنتين على شراء السيارة و انتهاء فترة الضمان الرسمي ...تشجعت بعد التوكل على الله و قررت البدء في سلسلة من تطوير سيارتي البيزلاين ...و انا بطبعيتي من الناس اللي بتزهق بسرعة من العربيات و "كنت" بغير العربية كل سنة او سنتين ...قلت لنفسي ان موضوع التطوير ممكن يقضي على الشعور بالزهق و قد كان فعلا بحمد الله
ولآني من الناس اللي بتحب تجيب كل حاجة ستوك او أصلي وماليش في الشغل الصيني عن تجربة مريرة..فكان قراري اني اعمل ال upgrade بقطع اصلية كلها من خلال رقم القطعة او VW Part Number من خلال النت جوا و بره مصر بعيدا عن التوكيل و اسعاره الخرافيه
خلال السنتين اللي فاتوا ربنا سبحانة وتعالى وفقني لإجراء بعض التطويرات كانت على الترتيب:
1- استبدال الجهاز ال RCD310 وجهاز الكاركيت البلوتووث العادي ب جهاز RCD510 و كاركيت بلوتووث بريميم
طبعا سعر ال RCD510 بالتوكيل كان حوالي 13 الف جنيه و سعر الكاركيت البريميم بالتوكيل 4500 جنية و دي صورتها
http://i785.photobucket.com/albums/y...psdfc5676d.jpg
وكان الحل اني دخلت على Ebay و ربنا وفقني في شراء الجهاز و الكار كيت بأقل من نصف ثمن الوكيل...و لأن تركيب البلوتوث البريميم شغلانة تقيلة و تحتاج فك فرش السقف و فك الكرسي بجانب السواق لآن الوحدة بيتم تركيبها تحت الكرسي و بتتصل بسلك لوحدة RCD510 في التابلوه و سلك اخر للميكروفون اللي بيركب في فتحة مخصصة بجوار انوار السقف من ناحية السائق....قمت بالذهاب للتوكيل لتركيب القطع و تكويدها و الحمد لله تم الموضوع على خير و طبعا عوروني في 700 جنيه
ده شكل الجهاز بعد ما ركب
http://i785.photobucket.com/albums/y...ps235cab71.jpg
IMG-20130525-01427_zps068e2693.jpg Photo by mshamy | Photobucket
ودي وحدة البلوتووث
http://i785.photobucket.com/albums/y...psdd3b5c83.jpg
الحاجة اللي عايز أقولها ان لازم الواحد يكون متأكد 100% من الحاجة اللي بتشتريها من النت من خلال رقم القطعة و رقم شاسية السيارة لآن بسهولة ممكن تشتري قطعة وبعد كده ما تركبش لأن موديلات الباسات من 2005 و حتى 2008 بتنزل بسوفت وير مختلف عن 2009 و طالع
و كمان مهم جدا انك تتأكد ان وحدة البلوتووث تقدر تشغل جهاز التليفون بتاعك لان في بعض الوحدات ما بتقدرش تقرا بعض الموبيلات مثل الأيفون
نكمل ان شاء الله بعد صلاة العشاء
سلام مؤقت
2- تركيب فرش جلد كامل
طبعا بما ان العبد لله اصلا بورسعيدي كنت كل شوية لما انزل بورسعيد اسأل التجار و هما 3-4 تجار فولكس كبار في بورسعيد و محدش منهم كان عنده اي فرش جلد للباسات لدرجة اني خلاص كنت اتفقت مع جينزكار اني اركب عندهم ب 2800 و قبل التنفيذ بيوم كلمت مجدي البيومي في محاولة يائسة و فوجئت بيه بيقولي البضاعة الجديده وصلت وفيها طقمين فرش جلد أسود بس البضاعة في الحرفيين بالقاهرة
أستغليت يوم في أجازة نص السنة و نزلت الحرفيين - نزلة الريحاني- و كانت بصراحة تجربة مفيده بكل المقاييس لأني أكتشفت ان سوق الفولكس الإستيراد في القاهرة وليس بورسعيد على الإطلاق من كمية المحلات و البضاعة الرهيبة الموجوده
طبعا في طريقي لمجدي البيومي توقفت عند محل كبير جدا اسمه الشهاب عنده برضه فرش جلد و لكن للأسف طلب سعر غالي جدا و حالة الفرش مش 90%...فقلت اروح اشوف حالة الطقم اللي عند مجدي البيومي و بعدين أقرر اركب عنده ولا عند الشهاب ولا اخدها من قصرها واطلع على جينزكار
المهم وصلت عند مجدي البيومي و قابلت مدير المحل الحاج مدحت و الراجل كانت مقابلته زي الفل بصراحة ..المهم الراجل نزل لي كرسي السواق بتاع الطقم الأول و كانت المفاجاءة ان ده الطقم الإسبور "هاف ريكارو" + كهرباء بالكامل + 3 أوضاع ذاكره
طبعا انا بصراحة كنت فرحان بس تمالكت اعصابي علشان اصحبنا ما يطلعوش في العالي ...وبدأت "أفلي" في الطقم و اطلع القطط الفطسانة و طبعا قولتله دانا شفت طقم عند الشهاب برقبة الطقم ده....هو سمع الشهاب من هنا و راح منادي على الرجالة ينزلوا الطقم الثاني...و قالي نقى اللي يعجبك...
http://i785.photobucket.com/albums/y...psfc902583.jpg
طبعا جبنا واحد كهربائي علشان يجرب الكراسي الكهرباء و الذاكرة و لما طلعت شغالة ولله الحمد..رشحلي واحد سروجي أسمه أحمد عواد عنده ورشه جنبهم ب 30 متر ...رحت قابلت الأسطى أحمد لقيته شاب في اوائل الثلاثينات يلبس اسود في اسود و حاطط فوق راسه قبعة من بتوع رعاة الأبقار -فعلا- ...قلت في نفسي ربنا يستر
بس لما بدأ الأسطى أحمد في الشغل عرفت فعلا انه صنيعي "حريف" ...مفيش مفك اتضرب في حتة بلاستك و جرحها او خربشها ..عارف و فاهم هو بيعمل ايه
http://i785.photobucket.com/albums/y...ps5a96d5d8.jpg
http://i785.photobucket.com/albums/y...ps3747d42b.jpg
و الحاجة اللي بسطتني انه طلع من الثلاث فروشات(2 جلد+ فرشي) فرش واحد مافيهوش غلطة ..هو طبعا اخد البلاستيكات من الفرش بتاعي علشان الإستيراد كان مخربش
طبعا اثناء التجهيز كان الكهربائي بيوصل الفيش بتاعة الكراسي الكهرباء بالظفيره
http://i785.photobucket.com/albums/y...pse073a738.jpg
الحاجة المهمة ان اللي بيركب كراسي كهرباء لازم يغير فيوز الكراسي العادية من 15 ل 30 علشان حيضرب...و بعد كده الكهربائ جه و معاه اللاب و راح مكود الكراسي الجديد و شايل الخطاء بتاع الإيرباجات
طبعا انا اصريت اني اخد الطقم كاملا شامل فرش الأبواب (شامل الستايرالخلفية الأصلية) و مسند اليد كمان و الشهاده لله الأسطى احمد عواد كان نفسه طويل معايا و عمل كل اللي قلتله عليه وزياده علشان الشغل يطلع مظبوط
ودي صورة مع انتهاء عملية التركيب وبدأ التلميع
http://i785.photobucket.com/albums/y...psae81cc70.jpg
http://i785.photobucket.com/albums/y...ps142ac0b6.jpg
http://i785.photobucket.com/albums/y...psb6aadaa5.jpg
http://i785.photobucket.com/albums/y...ps295d474d.jpg
الشغلانة اخدت وقت طويل على ما خلصت ..يعنى بدأنا 11 ونص الظهرو خلصنا مع اذان المغرب ..
التكلفة: الراجل كان عايز 5 الاف و اتفقنا انه ياخد 3 و الطقم القماش بتاعي
السروجي : 400 جنيه
الكهربائي: 100 جنيه
التكلفة الكلية:3500
الخطأ الفني: الوحيد اللي وقعت فيه اني نسيت أفك اللوكات بتاعة الكنبة الخلفية الخاصية بسيارتي و استبدالها باللي جايين في الطقم الإستيراد لآن بيشتغلوا بمفاتيح العربية...و عقبال ما استوعبت الخطاء ده نتيجة سماعي صوت صرير في المطبات نتيجة عدم غلق القفل و اتصلت بالحاج مدحت كان الطقم بتاعي اتباع للأسف ..و عالجت الموضوع بوضع قطع اسفنج صغير داخل فتحات القفل فمنعت الصوت
...يتبع ان شاء الله
3- تركيب جنوط اسبور
الموضوع ده كان المفروض انه اول حاجة حتتعمل في سلسلة التطوير و لكن يشاء الله انه يتأخر
القصة اني اشتريت طقم فولكس 17 اصلي من عندنا في بورسعيد استيراد مافيهوش غلطة و كانت الرسمة عجباني جدا
http://i785.photobucket.com/albums/y...psd24ce1d8.jpg
الطقم ده اسمهVW Porto و بينزل على الجولف 6 بره...و مرضتش اركبه في وقتها لآني كنت لسه مغير كاوتش الإستوك ال16 و الكاشات كانت مقصره حبتين ...المهم و انا باعمل صيانة ال 45 الف في التوكيل وب ادردش مع صديقي صاحب توكيل الغردقة ..نصحني بعدم تركيب الجنط ال17 لأن حيعمل بلالين بسبب المطبات اللي موجوده في الغردقة و هو شخصيا ركب في الباسات بتاعته 16 بدل 17 ...المهم قلت مش وقته لما يجي موعد تغيير الكاوتش ابقى اتصرف
وفعلا بعد سنتين من هذا اللقاء العربية وصلت ل 90 الف قلت اعمل اعلان لبيع الحنط ال17 او البدل ب 16 و الحمد لله اتصل بي شاب محترم من اسكندريه معاه باسات 2012 بجنوط الفابريقة الشكل الجديد و كان عايز يبدل لآن شكل الطقم 17 بتاعي عجبه...و ربنا وفق و تم التبديل
و ده شكل العربية قبل التبديل
http://i785.photobucket.com/albums/y...ps6016a293.jpg
http://i785.photobucket.com/albums/y...ps906376ef.jpg
طبعا اتأكدت ان الطقم ألماني اصلي
http://i785.photobucket.com/albums/y...ps53767f1b.jpg
وبرقم القطعة أسمه Aluradsatz Perugia
http://i785.photobucket.com/albums/y...psb408be4c.jpg
و ده شكل العربية بعد التركيب
http://i785.photobucket.com/albums/y...ps1cbd6382.jpg
http://i785.photobucket.com/albums/y...ps41fe1dc5.jpg
الباسات ال B6 كانت بتنزل بكاوتش 205/55/16 لكن الباسات الجديدهB7 بتنزل ب 215/55/16 طبعا حسيت بالفرق اول ما ركبت حسيت ان العربية عليت شويه و فعلا لما عملت مقارنة ع النت لقيت ان الكاوتتش في فرق علو 5 ملي
http://www.tacomaworld.com/forum/tir...215x55xR16.png
كان عندي طقم اغطية بلوف فولكس ضد السرقة جايبة من بره قلت اركبه بالمره
http://i785.photobucket.com/albums/y...ps5a4c8fcc.jpg
http://i785.photobucket.com/albums/y...ps9b3c3f9a.jpg
http://i785.photobucket.com/albums/y...ps5110e09e.jpg
http://i785.photobucket.com/albums/y...ps19c1af8c.jpg
وكان في جنطين علامة الفولكس اللي عليهم متآكلة رحت اشتريت اتنين م التوكيل و ركبتهم علشان وجع الدماغ بتاع التقليد وسعر الواحدة بعد الضرايب عامل حوالي 80 جنيه
http://i785.photobucket.com/albums/y...ps7f9f7213.jpg
...هذه هي الأشياء التي تمت حتى الأن بفضل الله....