ربنا يبارك فيك يا باشا ,,تقرير اكثر من رائع بكل المقاييس...
فين التثبيييييييييييييييت؟؟؟؟ !!!
عرض للطباعة
ربنا يبارك فيك يا باشا ,,تقرير اكثر من رائع بكل المقاييس...
فين التثبيييييييييييييييت؟؟؟؟ !!!
معاك حق يابو حميد :S_thum1[1]: ... إنت صح.
فعلا ال 1.4 TSI إللي بيخرج 122 حصان ده تيربو فقط.
New VW 122 PS TSI Engine In Detail
بس ليه ال CVT مش بتاع جري؟ ... تلاحظ دائما العزم و القدرة بيزيدو مع ال CVT على نفس الموتور مقارنة بالأوتوماتيك العادي ... هوندا مثلا نزلت نسخة من السيفيك 1.4 بس حطو فيها CVT و النتيجة 122 حصان! رغم إن 1.6 مع فتيس أوتوماتيك عادي بيخرج 125 حصان ... إيه رأيك؟ ... بالمناسبة ده كان إختراع ألفا روميو في الأول.
بصراحه تقرير رائع بجد
والسياره اروع ماشاء الله
انا ركبتها كتير
وبصراحه باستغرب من اللي بيقول ان السيارات الالماني لازم تكون ناشفه وان هو ده طبيعتها
اخدنا بيها حفر وماتحسش باي حاجه
حتي الاحساس بالمطبات وانت جواها يكاد يكون منعدم
تحس انك قاعد في مهلبيه :)
ماشاء الله ولا قوة الا بالله
وربنا يباركلك
الcvt بتوع جري المفروض لكن لسه محتاج تطوير عشان يغلب الإيزي ترونيك والي شبهة (إختراع فيات برده) لكن مشكلة الcvt الأساسيه إن لو على طول بتحرق علية الموتور هيفوت بدري أوي يعني تخيل بتقيس على من صفر لحد تقفيل العداد كل الوقت ده هتلاقي الموتور بيلف حوالي ٦ ألاف لفة وثابت عليهم!!!!!!!!
تقرير رائع يا مان الف الف شكر و عن تجربه باسات سياره ليس عليها غبار حتي ال1600 خرافه ثواء فخامه او جري
تقرير رائع يا باشا و الف شكر ليك
أستاذ محمد...حضرتك بالنقاط اللي ذكرتها بخصوص موضوع التكييف...خلتني أوصل لحل لمشكلة مماثلة كنت أقابلها في الأوكتافيا...اقتباس:
المشكلة التي حدثت معي بخصوص التكييف هي عدم تدفق الهواء من الفتحتين في منتصف التابلوه و قد ظننت أن الموضوع "جهل" مني و قمت بقرآءة المانيوال عدة مرات للتأكد من كيفية التشغيل و بعد أن "غلب حماري" توجهت لمركز الصيانة الخاص بالوكيل في الغردقة و قد فوجئت أن هذا العيب قد ظهر في سيارة أخرى و هو عيب في التحكم الإلكتروني لبوابات خروج الهواء من المنتصف و يستلزم قطع غيار جديدة تم إستيرادها بالفعل من ألمانيا و في إنتظار و صولها من القاهرة للغردقة.
المشكلة كانت من ساعة ما الجو بدأ يشد في الحرارة من حوالي شهرين كده...أشغل التكييف الاقيه طالع من الفتحات الجانبية زي الفل... أما الفتحتين اللي في المنتصف...كانت بتطلع ضعيف جداً و مش بيوصل للوجه أو الجسم أبدأ!
محطتش في بالي...خصوصاً ان الجو مكانش لسه شادد...لكن النهاردة الواحد بصراحة الحمد لله انه وصل سليم....درجة الحرارة الخارجية كانت 51.5...و واقف على الدائري فوق الساعة و نص بدون حراك...الوقفة و الحر خلوا دماغ الواحد تشتغل...قمت قلعت الحزام و النضارة و بصيت من خلال الفتحات الوسطية...و لاقيت حاجة زي بوابة مفتوح منها حتة صغيرة جداً بالكاد تعدي شوية هواء لا يسروا عدو ولا حبيب...رغم ان في إعدادات التكييف كنت عامل إتجاه الهواء على الوجه...حتى بعد العديد من المحاولات لتغيير الإتجاه...
مكدبتش خبر...جبت قلم جاف كان معايا... و دخلته بين فتحات التكيف و فتحت بيه البوابة على مصرعيها...
طبعاً لك ان تتخيل كم الهواء اللي كنت محروم منه...و اللي خلاني أقول ان العربية دي تكيفها وحش....لكن بعد اللي عملته النهاردة...الموضوع إختلف تماماً تماماً...بعد ما كنت بجيب التكييف على سرعته الخامسه علشان أبدأ أحس ببرودة...دلوقتي الحمد لله مش مستحمل السرعة التانية...
و بكده البوابة دي هاتفضل مفتوحة علطول...لأن من الواضح ان العيب ميكانيكي...و لازم الدنيا تتفك و نشوف إيه اللي معصلج جوه...بس إيه المشكلة يعني؟؟؟ خليها مفتوحة:shyy:
شكراً مرة أخرى يا محمد بك :B4_388:
نادر باشا
والله انا ليا الشرف انك كنت اول واحد علق على الموضوع ده
والحمدلله ان الموضوع كان له تأثير إيجابي في حل مشكلة التكييف عندك برضه ...
بس من كلامك كده واضح انه محتاج برضه ظبط بجهاز كشف الأعطال
لأن على ما أعتقد ان الشركتين بيستخدموا نفس السوفت وير
دي حقيقة...
و فيه حاجة تانية نفسي أفهمها... إزاي ماينفعش أقفل بوابة دخول الهواء من خارج السيارة لو التكييف مقفول؟؟؟!!! يعني لازم أفتح التكييف علشان زرار الRecycle يشتغل...و طبعاً في أوقات مش محتاج فيها التكييف و ببقى قافل الزجاج و كل الراوائح و عوادم السيارات بتخشلي جوه...!!!
معرفش عند حضرتك كده برضو ولا إيه؟