الموضوع: سؤال هام لخبراء كهربة العربية والتكييف

التكييف اتحسد
كنت عامل موضوع عن اداء التكييف لما كنت رايح اسكندرية و كانت الامور زي الفل بس الظاهر القاهرة خوفت العربية اليكم الي حصل :-

كنت رايح مصر عشان المقابلة بتاعت ملاك m11 وكان يوم حر وكنت مشغل التكييف علي الهادي من دمنهور حتي القاهرة واداءة زي الفل و في دخلة القاهرة لقيت العربية مش بتسحب خالص وشميت ريحة شياط رحت راكن وبطلت العربية بسرعة وفتحت الكبوت ملقتشي حاجة و الحمد لله

بعد كدة ركبت وقلت الموضوع عارض و دورت العربية ومشيت شوية وبعد كدة شغلت التكييف تاني لقيت نفس الحكاية العربية اتبرجلت و التكييف مش راضي يطلع برودة خالص مع العربية سحبها مش مظبوط خالص تسحب شوية وتقفش شوية

المهم رحت لغاية حديقة الازهر وانا فاتح الازاز وبنفخ وبدعي علي ابوالفتوح

المهم بعد المقابلة دورت العربية وتوكلت علي الله وجربت التكييف تاني لقيت الامور تمام و فضلت مشغلة طول الطريق وانا مروح ومحصلشي مشكلة

السؤال هنا :- المشكلة ممكن تكون اية؟ هل في التكييف نفسة ولا حاجة في الكهربة واية ريحة الشياط دي و البرجلة الي حصلت ؟ ولما العربية بردت مشت زي الفل و تكييف وكهربة العربية اتظبتت ؟؟؟؟؟ طيب يكون اية واية الي شاط دة ؟؟؟؟؟؟؟؟؟؟؟

تكنوسيرفس اتصلوا بيا من شوية عشان ترمبة الباور جات وحيغيروها وأعطولي معاد بعد بكرة الساعة 10 ص

عاوز منكم ردود مقنعة عشان وانا هناك اعرف اتكلم معاهم في المشكلة دي واسجل في الشيت ملاحظاتي عشان لو معلوهاشي يبقي سبت حالة في الشيت بتاعي بالمشكلة عشان قدام ولما تحصل حاجة وتبوظ ميقولشي استهلاك


واسف علي الاطالة و منتظر الردود