الموضوع: إستفسار بخصوص تابلوه الايبيزا موديل 94

[quote=m_o_b_i;3872604403]

المشاركة الأصلية كتبت بواسطة ehab_mansour

ايوه هي دي وحدة الكنترول يونت لأني الي اعرفه ان ابيزا 94 نصف انجيكشن مش زي ال 98 وفعلا هو ده مكانه حتي عندي في نفس المكان بس كنترول مختلف عشان عندي انجيكشن كامل
وطالما العربية مضبوطة ومافيش فيها مشاكل تبقي مش محتاجة تتحط علي كمبيوتر عشان تتظبط الا لما تحتاج
شاكرين على الشرح الوافى
بس انا استهلاك البنزين عندى مش مظبوط بتعمل 160-150 كم فى الصفيحة بنزين 80
الموتور 1600 بحالة جيدة جدا بفضل الله واحيانا بحس ان العربية مخنوقة وبعد لحظات بتسحب وتبقى ذى الفل
والكلام دا مع بنزين 90 و80 جربت الاتنين فى الاصل كنت ماشى على 90 وقولت لو حطيط ب 8000 ج بنزين 90 يبقى الافضل احط 80 ب4000 واجيب مكنة جديدة بعد فترة ب4000 ج )

هل ممكن عن طريق الكنترول اعرف المشكلة سببها اية

ايوه طبعا ممكن ولكن فيه شوية أسئلة
1- مين اللي سقط المحرك ده في العربية
2- لما سقطه هل ركبله ضفيرته وكنتروله لو كان حقن الكتروني ولا لأ
3- ايه موديل الموتور ممكن تشفلنا الثلاث حروف اللي قبل رقم الموتور المحفور عليه وهل هو انجيكشن ولا كاربيراتير

لأن كل الحاجات دي لازم تعرفها عشان تكون شغال صح وعارف بتعمل ايه لأن ممكن اللي سقط عك الدنيا وخلاص........... الله اعلم

المشاركة الأصلية كتبت بواسطة egman

السلام عليكم ورحمة الله وبركاته

تحياتى لكل الاعضاء الكرام وللأستاذ / ايهاب منصور ربنا يكرمه .

ما قمت به فى اليومين الى فاتوا :

1- الحمد لله قمت بإصلاح الشرخ فى الزجاج وكلفنى 80 جنية والحمد لله شكله تقريبا اختفى .

2- قمت بتشحيم الكوبلن وفعلا لما الراجل كشف عليه لاقى ان أفيز كاوتشة الكوبلن كانت طايرة غيرها وكرب مكنها اتنين وشحم الكوبلن لكن الحمد لله الكاوتشه بتاعه الكوبلن كانت سليمة .

3- قمت بضبط السنتر لوك كل الى كان محتاجه نظافة مش اكتر الراجل رش عليه اسبراى وكله بقى تمام .

* طيب انا كنت عايز اعرف وظيفة الكنترول يونت ده اية هى مسئولة عن اية وبيتظبط فيها ايه ومين الى بيعمل الموضوع ده وبيتكلف كام ؟

* هل فعلا سعر العدادت الاستيراد بيعمل حوالى 200 الى 250 طيب الاقيه فيه وهل فى نوع او ماركة كويسة ولا انا بكون مقيد بموديل السيارة ؟

وتحياتى لكم جميعا ،،

بالنسبة للكنترول يونت فده تعرف بسيط وعام عنه موجود في الموضوع ده بالقسم التعليمي
http://www.nilemotors.net/Nile/320-3...trol-unit.html

بخصوص بيتظبط ازاي عند اي ميكانيكي عنده جهاز وكابل كشف أعطال وبيتكلف 50 جنيه للكشف ومسح ال faults الموجوده عليه وتوضيح العطل فين ان أمكن

سعر العدادات تنزل تدور في الحرفيين وانت وشطارتك لكن اعتقد ان سعرها كده فعلا وعلي حسب معلوماتي البسيطة ان ما ينفعش اي موديل عدادات مكان موديل تاني والسبب ان مثلا العدادات الديجيتال مختلفة غير الأنالوج ودي ليها فيشة وكنترول مختلف غير التانية والله أعلم اسأل وشوف لأني معملتش الموضوع ده قبل كده
وانتظر رأي باقي أهل الخبر .......فينك يا ابيزا ؟؟؟؟؟