الموضوع: لغيت حجز الفيرنا

الاخ صاحب الموضوع انا قريت موضوعك قبل ما نحجز الفيرنا وقريت كل المواضيع عن الفيرنا قبل ما نحجزها
لكنى لقيت كل الشكاوى منها شكاوى غير ذات معنى بالنسبة لينا

وانا كتبت الكلام ده قبل كده بس فى رد ع موضوع مش عنوان قائم بذاته

ولقيت ان كل اللى اشتكى.. من التسارع ..من انها بتعوم بعد 120 ك..الزوايا مش متظبطة..واصحاب مشكلة الزوايا حلوها كلا بطريقته واحد قال بتغيير الجنوط او تغيير نوع الكاوتش او ظبطها عادى
فأنا لقيت انى دى مشاكل بالنسبة لينا مش مشاكل
خصوصا اننا برضة عايزين اتوماتيك ودى فعلا ارخص عربية اتوماتيك فى فئتها
فتوكلنا ع الله
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــ
بالنسبة للتوكيل اكيد مش عايزين يخسروا ويبوظو سمعتهم
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــ
هى بس ان اى حد بيتكلم عن تجربته وبيحكم ع طول بسرعه
يعنى احقاقا للحق انا اخدت موقف سىء من كونتاكت عشان ماطلونى فى الاستلام وع قولهم ان العربية (موجودة )وطلع ان العربية( مش موجودة اصلا) والتاخير عشان كده بس ماقالوش
حركة زى دى من موظف عادى فى كونتاكت خليتنى انا احكم ع كونتاكت انها معندهاش مصداقيه
بس اما رحت واتكلمت مع مدير المبيعات هناك وفهمته ان اى موظف عنده لازم تبقى فى مصداقيه فى كلامه عشان انا بحكم ع شركة بحالها من موظف عايز يكلبش زبون وخلاص
يعنىبلاش نحكم ع الفيرنا انها سيئة السمعة بمقارنتها بعربيات تانية فى مقارنة ظالمة
انا شوفت الفيرنا اتعمل منها تاكسى اكيد التاكسى محتاج عربية تستحمل
لكن المشكلة تبقى فين بقى :
زى ما بتروح لدكتور وربنا يوفقه ويعرف يشخص صح من اول مرة ويديك العلاج الصح من اول مرة
او تروح لدكتور(ع ما تفرج)رايح جاى رايح جاى
فمشكلة هيونداى اعتقد من رايى فى (الدكتور اللى ع ما تفرج)
والله اعلى واعلم:)

يعم كنت اصبر شويه يعني انت شايف كل حاجه حولينا عدله .. الدنيا في مصر كلها عوجه .. انا برده فضلت مستني واسمع حجج قلت خليك ورا الكداب لحد باب الدار .. بس اول ما استلمتها وركبتها .. نسيت كل عذابي مع التوكيل برده فرع المهندسين المنيل بنيله ده . الصابرين بخير . وربنا يرزقك إن شاء الله خير ومنصحكش تشتري من المعارض لأنها مشكوك في امرها مفيش احسن من التوكيل بتاخد الحاجه مزبطه ومضمونه .