لا ما هو مش موضوع فانوس مش عارفين يركبوه وبس الموضوع اكبر من كدة بشوية
افهم حضرتك ايه الحصل .... لما عملت الحادثة اول امس طبعا حادثة جميلة اوى راجع من الشغل
وعاديت الصحراوى عادى زى كل يوم .... وبعد كدة عديت البحر عادى ووصلت لمنطقة سيدى بشر
اللى انا ساكن فيها وفى شارع عبد الناصر عملت الحادثة بسبب اسعاف وكنت على سرعة 10 كيلو / الساعة :pointiy2[2]: حاجة جميلة يعنى
.................................
المهم طبعا بعد الحادثة لاقيت الاكصدام اتكسر ناحية الخبطة شمال الاكصدام
حاجة كدة زى خورم والفانوس اتكسر (الباغة بتاعته ) والاكصدام بقى مدلدل كدة من الجنب المخبوط
طبعا رتبت افكارى فى نفس الوقت ... جاه فى دماغى اروح التوكيل وانا عارف ان لو روحت التوكيل حيقولولى يتغير ومنعرفش نعمل فيه حاجة
روحت لواحد بتاع فيبر علشان يلحم الاكصدام قالى لازم الجزء المخبوط من الرفرف يترد على البارد علشان الاكصدام يتعمل ويركب كويس
روحت لسمكرى ردلى الرفرف (وهى ردة لا تذكر اصلا )وروحت عملت الاكصدام بعد كدة عند بتاع الفيبر والنتيجة مرضية جدا
...................................
اللى حصل بقى فى التوكيل فى قسم الزفت الهياكل .... ان المعلم بتاعهم مش عاجبه ان عملت شغل برة وبالتالى التعقيد اشتغل
والكلام بينى وبينهم كان كالتالى .. الاكصدام لازم يتغير ... طيب انا مش عايز اغيره انا عايزكوا تركبولى الفانوس وترشولى الاكصدام علشان انا عايز الم الموضوع مؤقتا
لا ما ينفعش لازم الاكصدام يتغير ... يا عم لأ انا مش احول الكصدام اهو اودامك كويس وينفع يركب وعلى ضمانتى
طيب
....................................
بعد شوية ندهوا على اسمى تانى .... الفانوس بتاع حضرتك مش راضى يركب (الفانوس الجديد) ... اول حاجة لاقيتها ان الفانوس مشروخ من الجنب قولته اولا انا مش حستلم الفانوس دة وهو ماركبش علشان ربنا بيحبنى وفلوسى مش حرام علشان لو ركب كان ممكن ماخدش بالى ان هو مشروخ
...................................
تانى حاجة ليه الفانوس مش عارفين تركبوه .. اصل حضرتك الرفرف عايز يتسمكر ... يا جدعان هو انتوا ليه بتتعاملوا معاية على انى احول
الرفرف سليم اودام عينية اكيد فى حاجة غلط .... راحو جابوا بتاع الزفت المعلم بتاع الهياكل ... اكد ميت مليون مرة ان الرفرف عايز يتسمكر
..................................
طبعا انا على ما اعتقد ان انا مش عبيط وحسيت ان فيه نوع من انواع النصب او العقاب علشان عايزين يطلعوا اللى سمكرلى الرفرف دة حمار ومش بيفهم وبوظلى الدنيا
.................................
طبعا سمعتهم شوية كلام حلو وقولتلهم اقفله العربية زى ما كانت ... وانا حركب الفانوس وحظبط العربية وحاجى واوريكوا شغل الناس الوحشة اللى خارج التوكيل عاملين ازاى
.................................
بس وخرجت من التوكيل مضايق جدا من التفكير السطحى للعاملين فى التوكيل وروحت لراجل جنبى
يدوبك فتح الكبوت بس والله زى ما بقول لحضرتك كدة ... قالى العلامة بتاعت مسمار الرفرف باينة ودى بس حنريح المسمار شوية ونقفل على العلامة بتاعته ونظبطة زى مكان
ويدوبك لفة صغيرة للمسمار وركب الفانوس زى الحلاوة وجربته وقفل و100 100 واتأكدت ان الفرق بتاع الكبوت من ناحية الشمال زى بالظبط الفرق فى اليمين
والحوار دة ب 20 جنيه
................................
بعد كدة اتصلى ببوهيجى نضيف وكلامه مقنع وواضح وصريح جدا ... طلعت وراه للورشة بتاعته لاقيت عنده عربيات حديثة بتتدهن .. اوبترا ولانسر ..واتفرجت على شغلهم وكان حلو جدا
وتوكلت على الله وان شاء الله العربية حتخلص على يوم الخميس او الجمعة وحروح اعمل صيانة ال 10000 كيلو ان شاء الله بس علشان اطلعلهم لسانى وبس
وينحرق التوكيل على الصيانات بتاعته هم يعنى كانوا بيخترعوا
........................
(الجدير بالذكر ان الحادث كان مع تاكسى لادا وكان ماشى على سرعة لا تقل عن 90 كيلو / ساعة
لكن والله العظيم اللوجان فى هذا التصادم اثبتتلى حاجات كتير بجد العربية دى قوية جدا وصاجها قوى جدا
وامان جدا جدا داخل الصالون لان انا ماحستش بالحادث رغم صوت الانفجار اللى حصل ساعت الحادث الحمد لله
وانا راضى عنها كل الرضى وربنا يباركلنا فيها جميعا ... وتبقى مسلسل علامات الاستفهام تدور حول افضل توكيل فى مصر
وربنا يكفيكوا شر الطريق جميعاحمد لله على سلامتك يا عمرو وفداك المهم انك بخير ومتزعلش نفسك من اللى حصل فى التوكيل بس صوت انفجار إيه ؟؟؟
المفضلات