ويبقى بدل ما الناس بتكره البومه يابانى
هتكرها مصرى ويابانى , وتبقى اسطوره البومه قائمه , لن تموت , لن تموت , لن تموت
ومين عارف يمكن اخيرا تتحل عقده البومه بالشارك , ولا حتى ربنا ينفخ فى صوره فتوح ويركبنا كلنا باجيرو :)
قول يارب :11:
عرض للطباعة
وكيل ميتسوبيشى فى مصر يقيم دعوى قضائية ضد الشركة الأم
-------------------------------------------
أقام وكيل شركة ميتسوبشى فى مصر دعوى قضائية ضد شركة ميتسوبشى اليابانية يطالب فيها الشركة الأم بتعويض قدره 900 مليون دولار وذلك بسبب رفضها تجديد عقد الوكالة دون أى مبرر.
كما أقام الوكيل دعوى أخرى أمام محكمة جنوب القاهرة لازم الشركة بتجديد عقد الوكالة له، وصرح "فرج رواس" رئيس مجلس إدارة شركة مصرية وكيل ميتسوبيشى فى مصر أنه فوجئ بالشركة الأم تخطره بعدم تجديد عقد الوكالة الذى من المقرر أن ينتهى يوم 21 من شهر يوليو المقبل وذلك دون مبرر.
وأوضح الرواس أنه الوكيل الوحيد لشركة ميتسوبيشى منذ أكثر من 28 عاما وأنه قام باستثمار ملايين الجنيهات فى إنشاء مراكز خدمة ومعارض له فى معظم أنحاء الجمهورية.
موضحا أن قرار إنهاء التعاقد معه وإلغاء الوكالة يعد أمرا تعسفيا ولا سيما أنه جاء دون مبرر أو أى أخطاء من جانبه.
وأوضح الرواس أنه تم إخطار الشركة الأم بكل هذه الإجرات وأنه متمسكا بإقامة هذه الدعوى المقامة من جانبه وذلك تنفيذا لقرار وزير الصناعة والتجارة المهندس رشيد محمد رشيد والذى صدر لحماية الوكيل المصرى من تعسف الشركات الأجنبية وإلحاق أضرار بالعملاء المصريين.
وأشار الرواس إلى أن قرار إلغاء عقد الوكالة سيكبده خسائر كبيرة وتشريد أكثر من 6500 ألف عامل ومهندس وإدارى.
المصدر : جريدة اليوم السابع
:11:
ان شاء الله ابو الفتوح ياخد التوكيل و يقفل الevolution هنا و تبقى ب 100 الف هههههههههههههههه
و اللي اشتروا عربياتهم من الوكيل القديم
الزغلول الجديد هيرضى يعمل لهم صيانة و ضمان
و لا هيتعوج عليهم زي eit ماهي معووجة على خلق الله؟
6500 عامل و مهندس و اداري؟؟؟؟؟؟؟؟
ليه ان شاء الله؟
مركز الصيانة في قليوب موظفين باداريين بعمال بمهندسين ما يجيبش 150 واحد
قول 200
و قول زيهم في جسر السويس
400
قول زيهم في المخازن و قطع الغيار
600
قول 200 كمان مستخلصين و جمارك و بتاع
800
و قول 100 مبيعات في المعارض و سواقين و بتاع
900
ما كملوش 1000 اصلا
6500 ايه بس؟ هو بيصنعها او بيجمعها؟ هنصيع و لا ايه؟.
اه ونيجى كل ليله نقول محدثكم من فوق المطب الثالث المرحله الاولى , طيران حر بسرعه 140 كم فى الساعه ومن ثم هبوط حاد مع تهييص شديد من الجمهور :) , اوف رودر بقا يا باشا
ههههههههههههههههههههههههه هههههههههههههه :)
حته ضمان لعربيات الوكيل القديم دى ترجع للشركه الام , لو عالم محترمه بتلزم الوكيل الجديد يضمن العربيات بتاعتها وهو مش خاسس عليه حاجه بالعكس هيكسب عميل وفى نفس الوقت القطع الشركه بتحاسبه عليها
المشكله بقا انه هيقولك حقى انى اخد مصنعيه علشان دى عطله على الفاضى وما شاء الله يعنى البومه زى الرز وفعلا هتهلكه وهتفرق معاه , ويبقى وصلنا لفيلم مصرى جديد اسمه المصنعيه عليك والقطعه علينا
فعلا ...... يعني فورد اما نقلت من رجب لفكري, عملت كده و الزمت فكري بضمان و صيانة السيارات المباعة من رجب
اما كيا ...... ادت عملاء وليد توفيق اكبر مقلب محترم في حياتهم ......مفيش ضمان و الله اعلم بعد حركة وقف الصيانة على السيارات الغير مباعة بمعرفة الوكيل هيرضوا يصينوا عربيات وليد توفيق و لا لأ !!!
يا ترى هتعملي ايه يا ميتسو !!!
يعني دلوقتي انا بعد كان شهر هعمل صيانة 10000 كيلو يا ترى ايه اللي هيتم...؟؟؟؟؟
تاني حاجة بالنسبة للموظفين اللي في الشركة ايه اللي هيحصل..؟؟؟؟؟
معقول يمشوا الناس دي كلها....؟؟؟؟؟
ياريت بجد يمدوا العقد مع وضع قوانين وشروط صارمة (لتلاشي العيوب الحالية من ناحية التوكيل) ليتم الاستمرار مع مصرية. ....مع تسريح من كان له الدور الاكبر في جعل التوكيل بهذا السوء كما نراه حاليا (اللي وكلنها ولعة) ؟؟؟؟ ولا ايه رأيكم