لو ميتسوبيشي انفصلت عن المصرية ,, يبقى المطلوب شركة كبيرة لها ثقل وحجم كبير عشان تشيل الحمل .
عرض للطباعة
لو ميتسوبيشي انفصلت عن المصرية ,, يبقى المطلوب شركة كبيرة لها ثقل وحجم كبير عشان تشيل الحمل .
المقلق دلوقتي اننا عايزين نطمن على الاستاذ طارق يا ترى ايه اللي هيتم مع الموظفين.؟؟؟
يا سلام لو ابو الفتوح اخدها او الاشاعه بتاعت ان ساويرس هيدخل سوق السيارات حصلت !!!
ونرتاح من التوكيل العجيب ده اللي من سنة 83 متطورش في اي حاجه
لا اعتقد انه هناك اسوء من توكيل متسوبيشي الحالي
بعني اي حد هيكون احسن بكثير من التوكيل الحالى
متسوبيشى في مصر بالزات لو مع توكيل محترم ودعاية كويسة ومراكز خدمة علي مستوي
اتفرجو علي المبيعات في ظرف سنة(اعتقادى) واحدة هتكون السيارة رقم واحد فى المبيعات فى مصر
دة ياراجل انا عمرى ما سمعت في حياتى انهم عملو صيانه مجانية ولاتخفيض على قطع الغيار لفترة زي اى توكيل
دة حتى غبور الضايع بيعمل كدة وبعض السيارات الصينى اللى اتباع منها 3 عربيات ونص :F_eyeb1[1]:
والله انا شايف ان الموضوع ده لو حصل هيبقى فى مصلحتنا مش العكس , حتى الناس الى لسه ضمانها سارى .
مفيش حاجه مقلقله زى ما قال مهندس طارق , بس الناس متحامله على التوكيل الحالى بعض الشئ خصوصا ان معظم وكلاء السيارات فى مصر دون المستوى , السبب معروف " ثقافه شعب معظمه غير ملتزم "
900 مليون دولار اكتر من نص اصول الشركةاقتباس:
900 مليون دولار بما يعادل 56 % من صافي أصول ميتسوبيشي.
ده غبور عنده اكتر من كدة
مجموعه ميتسوبيشي مجموعه عملاقة بكل معنى الكلمة
فيها بنوك وشركات معدات تقيله وابحاث وجامعه
دول حتى بيصنعوا طيارات
الناس دي اجمالي اصولها في 2008 كان 2 تريليون دولار
ترييليون واحد وجنبه 12 صفر (حاجه تفرح كدة)
Stock:Mitsubishi UFJ Financial Group (MTU)
غير أن الشركة اليابانية، قالت فى بيان لها أمس: «ستتصدى ميتسوبيشى موتورز بشدة لهذه القضية»، فى الوقت الذى قال فيه متحدث باسم الشركة: «لا تتوقع أى تأثير للقضية».
واضح ان الموضوع مش جاى بين يوم وليلة زى ما التوكيل فى مصر بيحاول يبين
طريقة رد الشركة الام على التوكيل بيبن ان الموضوع قديم وليه تراكمات من مدة
يعنى واضح ان الشركة الام حاولت مع التوكيل لحد ما جابت اخرها معاهم فقررت تلغى العقد وتخلص
لو الاشاعة طلعت صح وابو الفتوح خدها معناها انو حيرجع يقف على رجله تانى واكتر كمان من ايام ما كان معاه توكيل بى ام
ومين عارف ممكن يكون اللى حصل ده تعويض على سحب توكيل بى ام منه زمان
يا جماعة انا مش فاهم ليه التحامل الجامد ده علي الوكيل - انا مش شايف انهم مقصرين في حاجة و بعدين ميتسوبيشي واخدة وضعها جدا في السوق المصري و متربعة كمان
ايه اللي مطلوب من الوكيل طالما العربيات ماشية بدون مشاكل و الحمد لله و مافيش مفاجآت بتلاقيها في اللانسر او الكولت او الباجيرو زي ما بتلاقي في معظم السيارات في مصر و الحديث جدا منها كمان
يعني مثلا عرض قيمته 100 جنيه او اكتر شوية هو ده اللي حيقيم الوكيل و بعدين معظم التوكيلات الكبيرة مبتلاقيهاش عاملة عروض يعني مثلا عندك تويوتا (قبل المشكلة الاخيرة) عمرها ما عملت عروض او المرسيدس او البي ام
اللي بيعمل عروض ده محتاجة دعاية و تسويق لكن طالما انا شغال كويس و عربياتي مرطرطة في السوق حعمل عروض ليه و الناس اللي فاهمة تسويق كويس ما بيفرقش معاها موضوع العروض ده المهم عندي اني احصل علي سلعة جودتها عالية و احس ان الفلوس اللي ادفعت فيها ما ضعتش
يعني ايه فايدة اني اعملك عرض مجاني في اول صيانة و بعد كده الاقي العربية بتبطل لوحدها و انا ماشي و العربية لسه زيرو تساوي كام حرقة الدم وقتها بقي
انا شايف ان العربيات اللانسر البومة و الشارك واخدة حقها كويس جدا في الصيانة