ممكن نكون كمصريين بنمشي مع الهوجه وخلاص؟

**AMA** · 21-04-2010 02:04 AM

المشاركة الأصلية كتبت بواسطة m.osman

بصراحة ...
انا بلوم الناس اللي بتشرتي عربيات صيني (و مش عايز حد يزعل مني) ... و يوجد بديل في نفس السعر (يمكن يكون اقل في كماليات و الوسع لكن اسمه بديل "مش صيني..... لأن بسببهم العربيات في المستقبل هتبقى كلها صيني و ربنا يستر

فين دا يا دكتور ؟؟
انا شايف ان احنا كمصريين معندناش حتة العمل الجماعي دي خالص... كل واحد نفسي نفسي (إلا نادراً!)

يا باشمهندس لو على السعر المفروض الجمارك ترحم أبونا شوية و الضرايب ترحم إلى جابنا و الوكلاء يراعوا ضميرهم و دا مش موجود و لو كان موجود كان الصينى دة سعرة لا يتجاوز ال30 ألف مش عشان قلة الجودة ولا حاجة لأ عشان هما بيعملوا جودة متوسطة و بسعر منافس و دا إلى بيميز المنتج الصينى و كمان له أستخدامه يعنى فيه ناس هاديه كدة بتمشى بهداوة و مادياتها على أدها و عايزة تركب زيرو فمفيش بديل مثلا لأن الزيرو يختلف أختلاف كلى عن المستعمل لأن مستعمل = صرف و زى مابيقولك لو مكانش فيه خير مكانش رماه الطير
و بالنسبه لدكتور محمود بيتكلم عن أننا شعب بنخاف من التجارب مش على أننا أيدنا واحدة
يعنى مثلا عندك فيات 128 لما أنتشرت كله جابها على طول من غير تفكير و دا قصد الدكتور محمود و دا على فكرة غلط من الميكانيكا و الوكلاء و غيرهم و غيرهم و برضة من المستهلك لأن معندناش ثقافة تجارية ممكن تكون حاجة أقوى بكتير و بنفس السعر لكن فى نفس الوقت خايفين منها و من الوكيل و من قطع غيارها
معلش طولت فى ردى رغم أن عندى كلام كتير بس عشان مكونش تقيل عليكم
و فى الأول و فى الأخر الموضوع وجهات نظر

**icetak** · 21-04-2010 04:15 AM

أنا عمري مابتكلم في المواضيع ده علشان المشاكل
بس لازم أقول حاجة مهمة اتعلمتها وأنا بدرس technical analysis
و ده علم من علم البورصة بيختص بتوقع حركة الاسهم

The crowd psychology
يعني علم النفس الجماعي )القطيع(
وده ملوش دعوة في مصر أو أي مكان .
طبيعي جدا أي واحد هيحب ينضم لجماعة -حزب -فريق كرة
وده جوه الناس كلها

Al Moqatel - السلوك الجمعي