عملت صيانة لعربيتي

**koko2sue** · 19-04-2010 09:38 PM

عملت من أسبوع شغل في العفشة و التكييف لعربيتي السيفيك 1993 - 1500cc
قطع الغيار أغلبها من عند حفني اللي في السواح
الميكانيكي كان هاني وتامر اللي جنب حفني في السواح
خليني أقولكم الأسعار
علما بأن حفني كان عنده قطع غيار أصلي و جديدة و رخيصة عشان كان شاريها من توكيل هوندا في الكويت بعد ما إستغنوا عنها

1- عدد 2 مساعد أمامي أصلي بالسوست و جديدة 1000 جنية
2- عدد 2 مساعد خلفي kyb ياباني من غير سوست و جديدة 650 جنية
3- عدد 2 مقص علوي ياباني جديد 750 جنية
4- عدد 2 بيض شمعدان سفلي ياباني 250 جنية
5- جلب عفشة أمامي كاملة تايلاندي 140 جنية
6- جلب عفشة خلفي كاملة تايلاندي 500 جنية

7-كمبريسور تكييف موديل سيفيك 1999 بالقاعدة بتاعتة إستيراد 750 جنية
8- خرطوم تكييف ضغط عالي أصلي إستيراد 250 جنية
9- سير تكييف ياباني 40 جنية

**mido_soliman** · 19-04-2010 10:12 PM

مبروك عليك العمرة للعفشة وياريت تقولنا العربية بقت عاملة ازاى مع الحجات الجديدة دى والتكيف اخبارة اية مع الكمبريسور الجديد

**koko2sue** · 19-04-2010 11:35 PM

العربية بقت أعلى و خلاص كده مش بتحك في المطبات خالص حتى و أنا مركب تلاته ورا .... ثبات أحسن بس بقت ناشفه.... يعني بحس إن الدايو لانوس مثلا عفشتها أنعم كتير

بالنسبة للكومبريسور ... العربية مش بتتخنق لما التكييف بيشتغل و التبريد طبعا أحسن و أثناء الإشارات في الشمس مش بعرق زي الأول... طبعا دلوقتي بتاخد فريون 134 مش 12 زي ما كانت الأول

**khaled_rafea** · 20-04-2010 12:47 AM

يااااااااااااه, انا بدور على حد عمل نفس الحركه بتاعتى, انا يا باشا غيرت الكباس الصيف اللى فات بواحد 97, وعملت الخرطوم فى رمسيس عند واحد يتاع خراطيم, بس للأسف التكييف مظبطش معايا خالص, وعرفت انى المفروض اغير الفلتر والاكسبانشن والسربنتينة هما كمان علشان يمشو مع الكباس, المشكلة ان الكباس بيفصل بسرعه جدا, مبيكملش 5 ثوانى, وبالتالى مش بيلحق يسقع, انت ظبط التكييف فين ؟؟؟

**koko2sue** · 20-04-2010 08:54 AM

التكييف عملته عند تامر و هاني اللي في السواح.... هما مش بيصلحوا إلا هوندا بس ...سواء ميكانيكا أو عفشة أو كهرباء أو تكييف.... هما فاهمين كويس و شاطرين و كانوا بشتغلو في توكيل هوندا من 20 سنة... ده رقمهم لو حبيت تكلمهم
تامر 0111916731
هاني 0106919301
أنا جربت التكييف إمبارح تحت الشمس في الظهرو العربية ثابتة مش ماشية.... مش هكدب عليك و أقولك التكييف كان تلاجة لكن مكنتش عرقان ولا حران خالص... لاحظت إن تحت الشمس الكمبريسور مفصلش ... و لما جربته تحت الضل كان بيفصل عادي بس مش كل 5 ثواني.... كل 30 ثانية مثلا.. مخدتش بالي قوي

أنا رأيي تكلف نفسك و تروح لتامر و هاني دول و إسمع منهم هيقولوا إيه هما مش بتوع عك و نصب... قولهم من طرف خالد بكار اللي جبتوله كمبريسور 1999... أصل هما اللي بينزلوا يجيبوا قطع الغيار الإستيراد بإيدهم من بورسعيد

**ahm128** · 20-04-2010 10:02 AM

معليش انا دخلت فى الخط بس طالما بتتعامل مه هانى وتامر يريت لو تطمنا على صحة م/ يحيى اللى هو صاحب المكان وقائد المجموعة والخبير الاصلى فى كهربة الهوندا