الموضوع: الفوطة الزفرة (عفوا من العنوان )

المشاركة الأصلية كتبت بواسطة أحمد كمال

ما تودينيش في داهية انا مش عايز اقضي على الهوية الاسلامية و لا الدينية :)
فيه مسلمين غير عرب كتير جدا ..... الاسلام مش حكر على العرب
و انا مش علماني نهائيا ....
كل اللي باقوله .... انا مصري ...... مش عربي ..... و لا عمر المصريين ماكانوا عرب ..... و لا هيبقوا عرب ..... و لا العرب هيبقوا مصريين ..... بس ..... و مش عشان باتكلم عربي ابقى عربي ..... الامريكاني بيتكلم انجليزي و هو مش انجليزي ...... و النمساوي و كذلك السويسري بيتكلم الماني وهو قطعا مش الماني .....
و اما اخويا عشان ربنا رزقه بقرشين يدوس عليا بجزمته هاتبرى منه و من اللي جابوه كمان !!!

سلام عليكم
مجرد رأي عايز اقوله لأخ بتعجبني اغلب ان لم تكن كل تعليقاته و باتابعها باهتمام شديد
العرب اغلبهم حاليا فيهم بلاوي , و احنا - المصريين - لم نختلف عنهم
فاحنا لا انضف ولا حاجة , كل الفكرة ان كل فئة من العرب - و احنا منهم - لها بلاويها اللي بتختلف باختلاف الظروف اللي كانوا فيها في ال20 سنة او ال30 سنة الأخرانية , مش عايز اذكر امثلة كتير بس اقربها ان الخلايجة منتشر بينهم الكبر و البذخ و الكسل و احنا هنا منتشر بيننا التسول و الاستجداء و ربما التنطع , يعني كل فئة فسدت طبقا لظروفها , و هاتلاقي شوية محترمين فيهم و هاتلاقي شوية محترمين فينا , صدقني , لا هما اوحش ولا احنا احسن , ولا العكس صحيح , كلنا مليانين بلاوي , و ان كنت انت انسان كويس , ففي مجتمعنا بلاوي كتير اوي

و على فكرة , كلامك ده هما كمان بيقولوه علينا , و برده غلطانين