أكل سمك فين فى الأسكندرية؟

**بحري** · 20-04-2010 03:26 PM

المشاركة الأصلية كتبت بواسطة hany_mohamed

أما المكان الثانى فهو فى ابو قير بعد نهاية محطة القطار أول شارع شمال
اسمه منعم ألامبراطور ... بصراحة هتاكل أحلى حاجة بس يا معلم الفرد هتدفعه عليه من 250الى 300جنية

مش للدرجة دي ولو كان عمل كده معاك تبقى جريمة...لما تيجي ترح هناك خليك ابن بلد على قد ما تقدر مهما حاولوا يتعاملوا معاك على إنك بيه وباشا...ولما تسأل عنه تقول منعم الأمباراطووور...بفتح الهمزة وألف مد بعد الباء والراء مع إشباع الواو بعد الطاء زي ما أنا كاتبها كده...لإن لو قلت إمبراطور عادي كده فده يعتبر فافي وباشواتي نوعا ما وبالتالي كل حاجة لها تمنها

المشاركة الأصلية كتبت بواسطة hany_mohamed

لو الموضوع ميفرقش معاك انزل اشترى السمك بنفسك طازج من اى سوق قريب منك
وفيه محلات بتجهز الطلب وتبعته برزة بسلاطاته بلوازمة ويوصلوه لحد بيتك أو شاليهك اللى قاعد فيه
وده هيوفر معاك اكثر من 50% الى75% من الثمن عن الاكل بالمطعم

حل كويس جدا على فكرة

**أحمد علاء** · 20-04-2010 03:35 PM

المشاركة الأصلية كتبت بواسطة بحري

الأمباراطووور...بفتح الهمزة وألف مد بعد الباء والراء مع إشباع الواو بعد الطاء زي ما أنا كاتبها كده..

حلوه اوي وصف إمبراطور ديه وخاصة إشباع الواو:)
شكلي هاجي المقابلة بتاعة إسكندرية ن شاء الله عشان اتعرف على الناس المحترمة الي زي حضرتكم.
بس انا ابيض في إسكندرية بإذن الله يكون بيننا إتصال قريب

**hany_mohamed** · 20-04-2010 03:36 PM

المشاركة الأصلية كتبت بواسطة بحري

مش للدرجة دي ولو كان عمل كده معاك تبقى جريمة...لما تيجي ترح هناك خليك ابن بلد على قد ما تقدر مهما حاولوا يتعاملوا معاك على إنك بيه وباشا...ولما تسأل عنه تقول منعم الأمباراطووور...بفتح الهمزة وألف مد بعد الباء والراء مع إشباع الواو بعد الطاء زي ما أنا كاتبها كده...لإن لو قلت إمبراطور عادي كده فده يعتبر فافي وباشواتي نوعا ما وبالتالي كل حاجة لها تمنها

المشكله يا باشا اللى عرفنى عليه وعلى مكانه واحد باشا بصحيح ومن ساعتها وانا بتعامل بنفس التسعيرة .
ان شاء الله أقرب وقت أروح هناك تكون معايا يا باشا ونوريهم العين الحمرا