الموضوع: مركز محمد سمير ؟؟

روحت مره لمحمد سمير علشان اركب مروحه رادياتيير من سنتين
خد مصنعيه 90 جنيه
اكيد حرام
علشان 3 مسامير فى 5 دقايق
انا شايف ان هانى عصمت اكتر واحد بيفهم فولكس فى مصر ودى وجهت نظرى علشان انا جربت كتيييييير
مع العلم ا محمد سمير محترم جدا فى تعامله ومقابلته

وكمان انا سمعت حاجه غريبه ان هانى شريك محمد سمير فى المركز
والاكد الكلام دا هانى عصمت كنت مره بعمل عنده حاجه وبعدين طولت جدا ومفيش
حد جه عمل حاجه وتقريبا كانت المروحه بتاعت الرادياتير فمشيت ورحت
لمحمد سمير فكان بيجرب عربيه وشافنى فوقف وضحك و قالى دا بتاعى كمان وبشوفه باستمرار بيعدى ويقف مع محمد سمير

المشاركة الأصلية كتبت بواسطة newman3000

محمد سمير اسعارة غالية جدا وللاسف انة معندهوش قطع غيار ولما تعطل العربية يقولك اصل قطعة الغيار مش اصلى وهو بيبعت يجيبها من عند عاصم وهو متفق مع عاصم ان اسعارة زيادة 100 جنية عن السوق وللاسف ان الصنايعة عندة كان فى مرة قطعة غيار قالى عليها ب 1700 لما اعطيت الصنايعى اللى عندة 10 جنية قالى ممكن تجبيها 1100 من نفس المحل او المحل اللى جنبة بس متقولوش ان جاى من عند محمد سمير وبردوا مصنعيتة غالية جدا وايضا فواتيرة مضروبة يعنى معلهاش اى حاجة تدل على انك عملت حاجة عندة عبارة عن ورقة بيضاء مطبوعة يعنى لو رجعت لة باى مشكلة مالكش الحق فى اى حاجة ولما قلت لة اختمها او فاتورة معتمدة هرب والموضة الجديدة لما تروحلة هيقلوك هات بيانات السيارة من تانى لان الضغط العالى حرق الجهاز ودة غلط هو لاغى البيانات لان حصلت مشكلة مع واحد ووعملة محضر ودايما خلى بالك هتلاقية بيخلى الصناعية يقولوا لك فى الاول الجاحة دى موجودة وباسعار اغلى او هو بيقولك هبعت الواد يجيب قطعة الغيار ويقولة امامك خلية يجيب فاتورة وبعدين بعد الاصلاح يقولك عربيتك عاوز يتعمل فيها المرة الجاية الحاجات دى ازاى لو مركز محترم وشايف ان العربية فيها حاجة يخرجها من عندة من الاخر اشتغالات مش كفاية المصنعايات الغالية لو رحت الحرفين لسيد جولف عندة قطع غيار واللى مش عندة بيوجهك تجيبة من فين وبيطن شغلة ولو ممكن تجيب الحاجة استعمال بيقولك وبيقولك سعرها كام ويخليك انت اللى تجبيها من عند اى واحد وكشف الكومبيوتر مجانا على الشغل ولاكتر من مرة لو الموضوع مش مستاهل مش بيفتح شغل محمد سمير بيزود الكومبيوتر على المصنعية وبردوا خلى بالك من مفردات الفاتورة علشان بيزود حاجات او حاجات تكون جايبها يحسب انة اللى جايبها واوعى تغسل ماتور عندة هو بيعتمد على ان الناس مش عارف وطالما فقدت الامانة انتهى الموضوع والناس اللى بتشكر فية على النت اصدقائة وروح وجرب بنفسك وشوف الوضع

يا جماعة الشهادة لله . . . محمد سمير ده راجل عشرة على عشرة فى الناحية الادارية و الفنية ، عملت عنده من سنة الاسكترا بتاعت عربيتى لما باظت ، ساعتها قالى شوفها عند واحد و لما روحتلو ا و جبتها قالى روح خد فلوسك و رجعها لأنها مش حلوة و عملت كده، بعدها بعتنى لواحد فى الحرفيين جبت من عنده و شغاله ما شاء الله دلوقتى 40 ألف كيلو من غير أى مشاكل ، و للعلم خدت القديمة معايا ، و كمان اليومين دول جايب معايا طاقم مقصات من ألمانيا لعربيتى الباسات 99 و بتحايل عليه يركبها هوا اللى مش راضى ، بيقولى لما تهلك اللى معاك 100 % نبقى نغيرهم ، ماهوا لو راجل مش مزبوط كان فتح شغل و ضيعنى ، و كمان كان عندى مشكلة خفيفة فى الفتيس بعد ما جربهالى قالى روح غير زيت عند و احد فى المعادى و تعالى و أظن سعر الزيت ثابت لأنى جايبه من الشهابى و مش مغيره عنده يعنى مش عيب فى العربية هيتعمل عنده و هيكسب هوا منه. . . الراجل ده ممتاز و أمين كمان ، يمكن مصنعيته غالية بس أنا أدفع مصنعية غالية لواحد فاهم شغله احسن ما واحد يبسطنى بمصنعية خفيفة و سرقة و عك ، أنا دكتور جامعة يا جماعة . . مش بصمجى و لا صنايعى و مش من القاهرة أساسا و كل واحد يفتكر ان الكلمة أمانة و هيتحاسب عليها

انا بقالى سبع سنين بركب فولكس وبصراحة عمرى ما سمعت عن محمد سمير ده وبصراحة انا اتعاملت مع ناس كتير اوى كلهم حرامية ومنهم سيد جولف ده اكبر حرامى انا كنت بتعامل معاه لمده سنتين وفى الاخر كان عايز يقلبنى فى 400 جنيه ولحد دلوقتى مش لاقى واحد سعره كويس وامين و شغله كويس

المشاركة الأصلية كتبت بواسطة a7med_3bdalla

روحت مره لمحمد سمير علشان اركب مروحه رادياتيير من سنتين
خد مصنعيه 90 جنيه
اكيد حرام
علشان 3 مسامير فى 5 دقايق
انا شايف ان هانى عصمت اكتر واحد بيفهم فولكس فى مصر ودى وجهت نظرى علشان انا جربت كتيييييير
مع العلم ا محمد سمير محترم جدا فى تعامله ومقابلته

وكمان انا سمعت حاجه غريبه ان هانى شريك محمد سمير فى المركز
والاكد الكلام دا هانى عصمت كنت مره بعمل عنده حاجه وبعدين طولت جدا ومفيش
حد جه عمل حاجه وتقريبا كانت المروحه بتاعت الرادياتير فمشيت ورحت
لمحمد سمير فكان بيجرب عربيه وشافنى فوقف وضحك و قالى دا بتاعى كمان وبشوفه باستمرار بيعدى ويقف مع محمد سمير

انا اتعاملت مع هانر عصمت ده اكتشفت انه اغلى واحد 250 جنيه مصنعية سيرفيس وتيل ليه مش فاهم
بصراحة انا اعمل في التوكيل احسن

اتعاملت مع محمد سمير فى اوكتافيا a4 2000 وفى اول مره كان مهتم وعمل الصيانات الازمه وعمل تخفيض بسيط وتانى مره غير ديسك واسطوانه وبعت هو اشتراهم وكانوا على ضمانته وهو قال ان فيه قطع غيار درجات وقال دول مش الدرجه الممتازه ولاكن مش اقل كفاءه وعملوا فلوس حوالى 900 جنيه تقريبا مش فاكر كام بالظبط وقال الاصلى بيزيدوا حوالى 130 جنيه بس نفس الكفاءه بعد كدا فى الزيارات التاليه حسيت انو غير مهتم ومصنعيته عاليه قوى وبصراحه بفكر اغيره . بس للاسف مافيش الصنايعى المتكامل . بس كلمة حق هو كفاءه وبالنسبه لقطع الغيار دا براحتك ممكن انت تشتريها من اى مكان ومقابلته ممتازه

على فكره انا مهندس سيارات واتعملت مع محمد سمير فى سياراه صديق لى وعلى فكره هو مركز محترم جدااااااااااا واولا هوا مبيشتغلش الا فى الالمانى فقط هوا وهانى

أنا كمان رحت لمحمد سمير وقابلنى مقابلة تمام وكمان كنت بشتكى من نتشه فى العربية على الاول وركب العربية وطلع معايا وقالى العربية زى الفل ومش محتاجة حاجة نهائى وكمان مأخدش ولا مليم وراجل 10 / 10 بصراحة شكلهم عيال شغالة وبتفهم وده له ثمنة حتى لو غالى شويه ما انا بتعامل مع ميكانيكى بس كل شويه يخلينى أروح أجيب للعربية حاجة وتطلع مالهاش علاقة بالعيب ومصنعيتة رخيصة كسبت ايه بقى