الموضوع: نفسي كل واحد يخلي في حاله

اسيبك من كلام الناس
على مهلك فى المطبات والنقر
وان شاء الله كله يكون تمام

المشاركة الأصلية كتبت بواسطة alzwawy

امبارح و انا ماشي في صلاح سالم الناس جننتني و خنقتني انا و انا ماشي ببقي مشغل الكاسيت و معلي علي الاخر علشان مش ببقي عاوز اسمع صوت الداوشه الي في الشارع فكنت مشغل اغنيه ل سلمي صباحي فلقيت واحد ماشي جمبي و عمال يشوارلي وطيت علشان اسمعو
نعم في ايه ؟؟
علي شويه علشان عاوز اسمع
قلتله نعم قالي مش ده عمرو دياب قلتله يعني واحده الي بتغني و هيبقي عمرو دياب
قالي لأ هو عمرو دياب
قمت سايبه و خالع
روحت علي طريق الاستوراد واقف في اشاره رابعه
واحد تاني راكب تاكسي قام مشوارلي قمت موطي الكاسيت تاني
نعم ؟؟
علي فكره العربيه الكيا دي وحشه اوي وعفشتها زباله
قلتله هي بس في النقر علشان الجنط ال 17
قالي لأ يا عم انا معايا جنط 16 وزباله
قلتله يعني انا اعملك ايه انزل اسبها في وسط الطريق يا عم و اولع فيها
ولقيت الاشاره فتحت و قمت خالع
يعني انا مش فاهم هو انا اشتكيت له نفسي كل واحد يخليه في نفسه شويه
انا اتخنقت يا رجاله ويسلام لو في بنت راكبه معايا في العربيه بلاقي الناس قاعده معايا جوه انا خلاص اتخنقت
انا قررت اركب ستاير كابس علشان مش هقدر اركب فاميه علشان مرورنا الجميل

انت اللى غلطان يا واوى لانك كنت بتسمع عمرو دياب وماخدتش بالك علشان معلى الكاسيت على الاخر
وبعدين انا سمعت فعلا ان العربية مش كويسة لو منك اخلص منها
وبعدين عيب تركب معاك بنات فى العربية

هههههههههههههههههههههههه اكيد باضحك معاك اصل موضوعك ضحكنى جدا
للاسف ده الشعب المصرى شعب طيب وبيحب يساعد حتى لو بنصيحة وحتى لو م انت مش عايز المساعو
زى جملة هتنباس يعنى هتنباس اهى دى كده هنساعدك يعنى هنساعدكlol

المشاركة الأصلية كتبت بواسطة alzwawy

قالي لأ يا عم انا معايا جنط 16 وزباله قلتله يعني انا اعملك ايه انزل اسبها في وسط الطريق يا عم و اولع فيها

أنا لو مكانك تمسكه من رقبته وتقوله وجبتها ليه طالما بايظه ، وتديله عنوان شركه حسن وحسنى وحسنين ههههههههههههه .
العالم بقت غريبه اخر حاجتين تلاته فى الشارع لسه من يومين واحد واحد كان هيخبطنى عشان طلعت منه وراجل كبير بعد معديت بقوله ليه كده يا حاج قالى أنا عربيتى تعبانه ومش بتمشى، أنت بتجرى ليه هو كل واحد جايب سيراتو هيجري ، مفهمتوش صراحه

معلش تقبل نقدى............ الناس قاصده تعاكسك عشان معلى الكاسيت قوى و أنا شخصيا لما بلاقى حد عامل زيك كده بتريق عليه بس مش برخم عليه لكن ممكن اتريق عليه مع المدام او أى حد راكب معايا فى العربيه و بشبهه ببتوع الميكروباص و التوكتوك و بعدين متقوليش ده حرية شخصيه لأنك ساعتها بتجبرنى انى اسمع معاك اللى انت بتسمعه و انا ممكن اكون مشغل حاجه تانيه جوه عربيتى و زابط الصوت على قدى و مش عاوز اسمع اللى انت بتسمعه ............. و علفكره لو مكنتش معلى الكاسيت مكانش حد انتهك حرمة خصوصيتك فى عربيتك و كان هيبقه فيه قدر أكبر من الإحترام ليك من الناس اللى حواليك....................... لو حضرتك بتعلى الكاسيت عشان مش عاوز تسمع دوشة الشارع ممكن توطى الكاسيت على قدك و تقفل الزجاج و تشغل التكييف و لو الجو مش محتاج تكييف ممكن تشغله مروحه فقط و تخليه على وضع سحب الهواء من الخارج.

أنا أسف و اوعى تفهمنى غلط بس انا قلبى عليك و مش عاوز حد يضايقك أو يتريق عليك و لو مش متقبل نقدى ليك.........يبقه بجد أنا أســـــــــــــــف.

معلش يازواوى اهى الناس كلها بتفتى عادى

بس بينى وبينك لو حصل معايا كده هخنق اللى ................هههههههههههههه مبحبش حد يعيش





يرجى اختيار كلمات تتناسب مع الاطار العام للمنتدى
___________________
مشرف الكورى والماليزى العام 4أ

موتني من الضحك وللاسف دي طبيعة الشعب المصري .....
بس برده مرورنا الجميل بيدي مخالفات على الستاير الكبس