في الأقاليم وفي الزراعي لو حصلت حاجة زي كده بتحصل مظاهرات وتكسير وقطع طريق وكإننا في دولة الغاب
عرض للطباعة
في الأقاليم وفي الزراعي لو حصلت حاجة زي كده بتحصل مظاهرات وتكسير وقطع طريق وكإننا في دولة الغاب
احمد ربنا انها جت على قد كده ...... الصاج فى داهية يا عم انما البنى ادم لالالالا
مع انى كنت هشيل واحد النهاردة الصبح فى اول عباس العقاد وربنا روحى راحت عليا.. ومش عارف طلعلى منين وفجأة لقيتة ادامى رحت كاسر على الرصيف وقولت فى لحظة فى داهية العربية لكن الحمد لله لحقت نفسى وظبط وعديت بعد ما نشف ريقى الله يخربيتة وببص فى المارية لقيتة بيشتم .. الله يحرقة ههه بس برضة فى داهية الصاج..
وعلى راى الاستاذ فى اللى بيقول ان صاحبة بيحط ايدة فى جيبة وبيعدى براحة .. انا كنت بعمل كده قبل ما اسوق وكنت بقول انا اللى ماشى فى الشارع انما هو قاعد فى عربية ويحترم نفسة ويفرمل بس طبعا انا كنت غبى فعلا ههههههههههههه
انما دلوقتى يا عم وربنا بعدى العربيات واستنى خااااااااااااااااالص لحد ما اعرف اعدى ومزعجش اى عربية هههههههه
الحمد لله على كل شئ ويسترلنا طرقنا يا رب
بيتهيالى ان افضل شئ انك تأخذ بزمام المبادرة وانك تكون اللى بتحركهم ومتستناش رد فعلهم
يعنى من الاخر اسرقهم
وشيل اللى اتخبط دا علطول وحطه فى العربية وحتلاقى اللى معاه من الصدمة حينفذ اللى حتقوله لانه شايفك ملهوف على المخبوط ولو واحد كمان من الناس اللى شافوا الحاذثة يركبوا عشان لو انت مش غلطان والراجل المخبوط جراله حاجة يبقى اللى معاه ميتبلاش عليك
وعلى اقرب مستشفى عدل علطول
ساعتها اللى كان مجنون حيهدى وحتى لو مهديش مش حيبقى فى زى عصبيته وقت الحادثة
بس كده بيتهيألى يبقى انت نجوت وعملت اللى عليك وساعدت المخبوط
ربنا يسترها معانا كلنا فى بلد انت فيه المتهم فيه مدان حتى تثبت براءته
فى حالة انك قائد السيارة المتسببة فى الحادث:
التصرف الصح لو خبطت حد انك تقف سواء غلطان او مش غلطان... الحركة دى بتفرق معاك جدا جدا فى موقف رجال الشرطة ووكيل النيابة و القاضى و حكم المحكمة
اللى كسر عربية الراجل سهل اوى يتحبس على اللى عملة فى العربية طالما تم اثبات التلفيات فى محضر الواقعة مع وجود شاهد و كمان من حق صاحب العربية مطالبتة قانونا بتعويض عن التلفيات اللى عملها
لو اللى اتخبط كان فى نهر الطريق فى مكان مفيهوش اشارة مرور و تكون مقفولة على العربيات (اشارة حمرا يعنى) ولا مكان عبور مشاه و اللى سايق معاه رخص و مش متجاوز السرعة القانونية يبقى اللى اتخبط ملوش اى حق فى اى حاجة و المحكمة حتحكم ببراءه السائق... بل بالعكس حيبقى من حقة رفع قضية للمطالبة بحقة فى تعويض عن التلفيات اللى حصلت للعربية بسبب صدم الشخص اللى كان فى وسط الطريق
فى حالة انك قائد السيارة ملهاش علاقة بالحادث:
امشى ولا اكن فيه اى حاجة... لو وقفت ممكن تتهم بانك انت اللى خبطة... و لو ركبت المصاب و نقلتة المستشفى ممكن تتهم انك انت اللى خبطة خصوصا لو مات فى الطريق
فى حالة او انت اللى كنت بتعدى الشاع:
اوعى تعدى من مكان مفيهوش مكان لعبور مشاة... و لو فية نفق او كوبرى مشاه استعملة... اصل لو خبطك حد مش حيبقى علية اى مسؤلية قانونية لان فى نظر القانون انت المخطىء مش سائق العربية و بالتالى لا حتاخد حق ولا باطل و مش حينوبك الا تكسير عضمك او ضياع حياتك لا قدر الله
MMamdouh
بصراحه على حسب ..
لو خبط حد على طريق و جمبى بلد فلاحين ...
مش هقف ...
ايووووه مش هقف ...
سواء غلطان او مش غلطان...
اولا غالبا "الفلاح" الى بيعدى بيكون غلطان و بشوف المنظر على طول ...
بيعدى ماسك الجلابيه فى ايده ..
ومش باصص على الطريق و بيعدى من بين العربيات ..
كذا مره ابقى هخبط واحد ...
مره واحد خبط واحده فلاحه ...
الناس اتلمو عليه ..
دغدغوه من الضرب و كسرو العربيه ...
و قفلو الطريق و البلد كلها طلعت ...
و سابو المخبوطه مرميه فى الطريق ...
كل الى عاوزينه ايه ؟؟
تخيلو ؟
"مطب صناعى فى المكان ده"
ايوه مطب ..
و راسهم و الف سيف مش هيشيلو الست من على الارض غير لما يعملطو مطب ...
الطريق وقف 3 ساعات كامله على ما عملو المطب ..
و الست ماتت ..
اقسم بالله ماتت ..
و المنظر كله انا شايفه وواقف فى الطريق ...
اقف ليه انا بقى لما اخبط حد منهم هوا الى غلطان ؟؟ او انا الى غلطان ؟
هو انا لو خبط حد يبقى عقابى الشرعى انى انضرب و يمكن اموت من الضرب و عربيتى تتكسر ؟؟
ده فى شرع مين ؟
معلش الى هيجيب الرقم ..
يجيبه ...
و يعمل محضر ...
وقتها ابقى اتصرف ..
و لو هتحبس حتى ...
احسن ما انضرب و اموت من الضرب و العربيه تتكسر ...
انا لو خبط حد همشى ...
و هتصل بالاسعاف ..
و ممكن ابعت حد من اهلى ..
و اروح انا من غير العربيه ...
بعدها بشويه ...
انما مستحيل اقف ...
كلامى ده كله لو خبط حد فى بلد فلاحين ...
فى اى مكان تانى هقف ...
و هنزل انا اول واحد على المصاب و هاخده فى العربيه و اطير على اقرب مستشفى ...
واحد صاحبى لسه من حوالى اسبوع كان ماشى فى شارع جانبى وبعدين فجأه طفل خرج يجرى من بين العربيات وصاحبى اساسا كان عداه والولد خبط فى الباب اليمين للعربيه يعنى بعيد تماما عن انه يبقى خطأ السواق هو مجرد الولد خارج مندفع وملحقش يقف
صاحبى وقف ونزل يطمن عليه
اللى حصله انه اتعرض للضرب واتكسر البرابريز الامامى لعربيته والابواب الصاج بتاعها اتبهدل من ضرب اهل الولد برجلهم فى العربيه والموضوع مخلصش غير لما صاحبى ركب عربيته وجرى وكان لسه عايزين يكسرو باقى العربيه
يعنى الاهل اللى سابو ابنهم بيلعب فى شارع فيه عربيات شايفين برده ان السواق هو اللى غلطان برغم ان الولد هو اللى اتخبط فى العربيه مش العربيه اللى خبطته
استفدت من الدرس ده انى مش هقف لواحد خبطته ابدا , لو مش غلطان هجرى ولو غلطان هروح اسلم نفسى فى اقرب قسم , القانون مبيجيبش لحد حقه