لا قدر الله - لو خبطت حد من المشاة بالعربية

**Amrrr** · 20-04-2010 03:57 PM

المشاركة الأصلية كتبت بواسطة aly_hosny

انما لو وقفت هيحترموك

مش شرط يحترموك !! انت مش شايف الحكاية اللي حكيتها

**SAMEH_FOUAD** · 20-04-2010 04:02 PM

ربنا يسترها علينا ومانشوفش الموقف دة ابدا ولا نقع فية لان بجد احيانا كتير جدا بتبقى غلطة المشاة هما بيبقوا فاكرين ان اللى راكب عربية دة لو داس فرامل العربية هتقف فى لحظتها
حتى لو ماشى على السرعة المقررة ومش معديها واتفاجأت بحد على لما ترفع رجلك من على البنين وتدوس فرامل ممكن تخبطة بنسبة 90%
بس الخبطة مش هتبقى مؤثرة زى مايكون ماشى سريع

**Amrrr** · 20-04-2010 04:07 PM

المشاركة الأصلية كتبت بواسطة semsem kane

احيانا كتير جدا بتبقى غلطة المشاة هما بيبقوا فاكرين ان اللى راكب عربية دة لو داس فرامل العربية هتقف فى لحظتها

كان في واحد صاحبي لما نيجي نعدي الشارع انا باخدها دايما جري او نط وهو ماشي بالراحة وحاطط ايده في جيبه ويبص لسواق العربية ويدور وشه وعلى مهله اخر حاجة !! ولما علقت معاه عالموضوع لقيته بيقول لي مايقف ايه المشكلة يعني !!

**Amrrr** · 20-04-2010 04:08 PM

المشاركة الأصلية كتبت بواسطة aly_hosny

ما هو عشان موقفش

وقف طبعا !!! امال ياباشا العربية اللي اتكسرت دي جابوها منين
الراجل وقف بس اختفى لما بدأوا يكسروا في عربيته
والكلام دا كله كان عالأوتوستراد جنب مساكن شيراتون

**aymenseef** · 20-04-2010 04:13 PM

للاسف قانون الغابه هوا المسيطر على الشارع سواء مشاه او راكبين عربيات
انا من سنه كده دخلت بعربيتي فى عربيه راكنه عشان واحده فى اواخر العشرينيات ( صغيره يعني وبصحتها ) بتعدي الاوتوستراد ومعاها بنتها الصغيره ( اللى مكسله تشيلها ) وواخداها كانها بتتمشي على البحر
وانا اللى دفعت التمن
دا ممكن نسميه ايه
انا دلوقتي بتمني انى كنت شيلتها عشان بعد كده تعرف ان فى حاجه اسمها خطر وارواح ناس وممتلكات
مش بس اللى سايق هوا اللى لازم يعرف المعلومه دي
لا المشاه اللى بيعدوا الشارع لازم يعرفوها ويحسوا بيها
انا دلوقتي بعرف اذا كان اللى بيعدي الشارع ده بيسوق ولا لأ
( حسبي الله ونعم الوكيل )

**elassar2010** · 20-04-2010 04:59 PM

صعب انى اقولك هقف ولا هجرى
الموقف دة موقف صعب وعصيب وتفكير الشخص بيتغير فى الاوقات العصيبة دى

بالنسبة للموقف دة الناس دى كدة ضيعت حق المصاب
لان صاحب العربية لما تيجى الشرطة او لما يروحوا الشرطة هيثبت نلفيات العربية وهينفخهم

**lancerevolution** · 20-04-2010 05:11 PM

فكرتنى بموقف
واحد خبط واحدة و جرى صعبت عليه رجع خدها على المستشفى و الناس بقيت تدعيلو و تدعى عليه

**aly_hosny** · 20-04-2010 05:21 PM

المشاركة الأصلية كتبت بواسطة Amrrr

وقف طبعا !!! امال ياباشا العربية اللي اتكسرت دي جابوها منين
الراجل وقف بس اختفى لما بدأوا يكسروا في عربيته
والكلام دا كله كان عالأوتوستراد جنب مساكن شيراتون

اكيد في حاجة غلط
يعني مثلا هو راح فين
لان صعب حد يسيب عربيته كدا ما لو كان عايز ييجري كان خد العربية و جري لانه لو وقف كان حطوه ال اتخبط في العربية ودوها المستشفى

المشاركة الأصلية كتبت بواسطة aymenseef

للاسف قانون الغابه هوا المسيطر على الشارع سواء مشاه او راكبين عربيات
انا من سنه كده دخلت بعربيتي فى عربيه راكنه عشان واحده فى اواخر العشرينيات ( صغيره يعني وبصحتها ) بتعدي الاوتوستراد ومعاها بنتها الصغيره ( اللى مكسله تشيلها ) وواخداها كانها بتتمشي على البحر
وانا اللى دفعت التمن
دا ممكن نسميه ايه
انا دلوقتي بتمني انى كنت شيلتها عشان بعد كده تعرف ان فى حاجه اسمها خطر وارواح ناس وممتلكات
مش بس اللى سايق هوا اللى لازم يعرف المعلومه دي
لا المشاه اللى بيعدوا الشارع لازم يعرفوها ويحسوا بيها
انا دلوقتي بعرف اذا كان اللى بيعدي الشارع ده بيسوق ولا لأ
( حسبي الله ونعم الوكيل )

للاسف زي ما احد الاعضاء قال
فاكرين ان العربية فيها زرار اسمه Stop هتدوس عليه العربية تقف
وزرار تاني اسمه Fly عشان لو مش عايز ال وراك يخبط فيك لو وقفت بالزرار الاولاني تطير بالعربية

المشاركة الأصلية كتبت بواسطة lancerevolution

فكرتنى بموقف
واحد خبط واحدة و جرى صعبت عليه رجع خدها على المستشفى و الناس بقيت تدعيلو و تدعى عليه

انا قدامي واحد كان بيعدي وهو مش باصص على الطريق السريع هنا في بنها عربية راكبها شاب شالته
الناس بتتعفرت لما تشوف شاب هو ال سايق
الواد وقف ونزل وقعد يقوم فيه يوديه المستشفى وواحد بدقن ومكشر وتشوفه يجيلك كأابة قاعد يقول "اعملوله محضر اعملوله محضر اعملوله محضر"
حوالي عشرين مرة ورا بعض
لغاية ما اتعصبت عليه وسكته وشيلنا الواد حطيناه في العربية

دايما في اعتقاد لما يبقى شاب هو ال سايق العربية يبقى متهور ومستهتر ومش في دماغه وهو ال غلطان دايما
انما لو واحد كبير يبقى معلش اكيد الواد مبصش وهو بيعدي
اكيد حد زنق عليه وكله ماشي كدا

**romeo_6887** · 20-04-2010 05:23 PM

بعض المشاه بيعدوا و هما مغمضين عنيهم مش عارف ليه ؟
عايز تموت نفسك موت نفسك بعيد عني و متجيبليش مصيبه

الموضوع: لا قدر الله - لو خبطت حد من المشاة بالعربية

LinkBack

أدوات الموضوع

عرض

-

-

-

المواضيع المتشابهه

هل ينفع امشي بالعربية واطلع برة القاهرة بالعربية بدون نمر

فين قاعات افراح دار المشاة ؟؟

نظام مكابح طوارئ من «بوش» لتعزيز سلامة المشاة

رداً وإضافة لـمـوضـوع - لو خبطت حد من المشاة بالعربية ....

رسالة إلى المشاة

الكلمات الدلالية لهذا الموضوع

المفضلات

المفضلات

ضوابط المشاركة