مقابله الاعضاء مالكي النيسان و الضيوف الكرام

**م.محمد علاء** · 21-04-2010 12:29 AM

يا ريت يكون يوم جمعه..
و ياسلام لو يكون الجمعه اللى جايه دى لأ اللى بعدها..
لحسن ورايا امتحانات ميدتيرم السبت اللى جاى..

**amir** · 21-04-2010 02:43 AM

طيب مشكورين علي المشاركه و الاقتراحات
و كلامكم علي عيني و راسي
يوم الجمعه لو هيناسب الناس يبقي خير و بركه
الجمعه دي او اللي وراها مش مشكله انتو بس حاولو نكمل نقاش و هنوصل لحلول بأذن الله
و داندي مول هيكون كويس
بس في مكان كده جه علي بالي قلت اشاركم فيه
فيه باخره نيليه بتاعت القوات المسلحه علي كورنيش المعادي
ايه الاراء؟
خصوصا ان احنا مش هنقلب في العربيات ولا حاجه يعني التجمع هيكون للتعارف و المناقشات
خروجه نيلي يعني
حد قال موافقون؟

**م.محمد علاء** · 21-04-2010 04:22 AM

بس طبعا واحد يتفضل و يشرحلى المكان اللى حنتجمع فيه ان شاء الله ..يترحلوا إزاى

**amir** · 21-04-2010 04:23 AM

ما احنا بنتكلم كلنا لحد ما نوصل لاتفاق علي مكان و بعد كده نتفق علي الزمان
علشان كده انا معملتش استفتاء علشان نكون مع بعض تماما في اتخاذ القرار
و لو في ترتيب لحجز المكان انا هقوم بالواجب

**funy76** · 21-04-2010 12:07 PM

وانا معاكم ان شاء الله وداندي مول مكان موفق وجميل وأماكن ممتازة عشان نركن العربيات

**sab3aawy** · 21-04-2010 02:04 PM

انا معاكم ان شاء الله بس مش داندى مول بعيد شوية؟ يعنى داندى مول ميعتبرش قريب غير لسكان المهندسين و 6 اكتوبر وحتى بالنسبة لدول يعتبر بعيد ، انا اقترح اى مكان فى المقطم او المعادى على اساس انهم اقرب منطقتين من وسط البلد ومدينة نصر و شرق القاهرة ومش بعيد عن المهندسين والدقى، يعنى يعتبرو مغطيين القاهرة كلها( بالمناسبة انا مش ساكن لا فى المقطم ولا المعادى :) )