الموضوع: توضيح شوية حجات

إية يا جدعان ...؟؟
ههه ده انا لو كنت كتب الموضوع في قسم غير النيسان كنت صعبت عليهم و ردوا عليا ؟؟

المشاركة الأصلية كتبت بواسطة MOK3336

السلام عليكم و رحمة الله و بركاتة
يا رجالة أنا خلاص بإذن الله هستلم الصني علي يوم السبت إن شاء الله
و الإختيار ده بفضل الله أولاً ثم بفضلكم ثانيا
عشان بجد أنتم سعدتوني كتير و أستحملتوا أسئلتي البايخة

دلوقت عندي كام سؤال كده
1- هل العربية ثمنها دلوقت 83000 ولا زى ما هو 84000 عشان انا دفعت المقدم علي أساس أنها 84000 ( خايف يكون أضحك عليا )

أعتقد إن السعر كده كويس قوى

2- هستلم إية مع العربية (الأوراق يعني ) و أشيك علي إية بالتحديد

الأوراق ممكن تستلمها مع العربيه ... بس فيه معارض م بيكونش الورق عندها لسه جاهز و بتستلمه بعد كام يوم .... أما الضمان ف بتستلمه بعد م بترخص و تديلهم صوره من رخصة العربيه ...
و شيك على كل حاجه من كاسيت و زجاج العربيه و أى خربوش أو خبطه و الأنوار و الكلاكس و إتأكد إن عداد الكيلومترات و السرعه شغالين (يعنى إمشى بيها حتى و لو 10 متر)

3- أنا أخترتها لون أسود ( فهل هيبقي شيك عليها ولا اية ؟؟ )

الإسود شيك جداً .... بس بيبان فيه أى تراب أو أى خربوش بيبقى باين قوى

4- أمون 92 ولا 90 ( أصل أخري 80 )

مون 92

5- الصيانة الله يكرمك تفاصيها إية
يعني أول صيانة بعد قد إية أنا تقريبا أعرف أنها بعد 1000 ك
فهل مش شرط الوقت يعني أخلص اللألف كيلو دول منين ما أخلصهم ولا ليهم وقت ؟؟ زي الفيرنا كده يا أما بعد شهر أو بعد 1000 كيلو ( علي ما أتذكر )

أول صيانه بعد ال 1000 كيلو .... و يُفَضَْل تبقى فى التوكيل و بيغيروا فيها الزيت و بيربطوا العفشه

6- وهل إية ايلي بيحصل في الصيانة دي
و نفترض بيحصل مثلاً تغيير زيت و خلافة ممكن أعمل الكلام ده بره التوكيل ؟ وهل بعد كده لو روحت الصيانة ايلي بعدها ممكن يحصل حاجة ؟
7- فين مركز الصيانة ايلي في الأسكندرية ؟ أنا أسمع أنه علي طريق العامرية ؟

مش هقدر أفيدك فى النقطه دى

8- ممكن أغتت علي صاحب المعرض و أخد هدايا إية ( أصلي أنا غتت و مستعد أعمل فيها عبده العبيط )

معرفش حكاية الهدايا .... بس المهم حاول متفتحش إيدك قوى فى البقشيشات .... لإن كل اللى فى المعرض بيبقى مستنى الحلاوه و البقشيش .... فحاول تروح و معاك فئات قليله زى الخمسه و العشره و العشرين جنيه ..... لإن لو كل اللى معاك خمسينات و ميات يبقى هتدفع كتير

9- الإنذار و وحدات الرفع ينفع أركبهم بره التوكيل من غير ما أقص في الضفيرة ولا في التوكيل أفضل
ولو نفرض في التوكيل أشتري الحجات من بره و لا برضة لازم يكونوا من التوكيل

أنا شخصياً مركبهم فى التوكيل و مش غاليين و الفرق بينهم و بين بره مش كتير ... يعنى انا مركبهم ب 330 جنيه .... و فيه فروع للتوكيل بترفض تركيب أى حاجه من بره .... و فيه فروع تانيه بتوافق فلازم تسأل الأول فى فرع التوكيل اللى هتتعامل معاه

شكرا يا رجالة علي تعبكم و ياريت محدش يزعل مني عشان كنت عاوزكم تردوا بسرعة عليا ( وده من عشمى طبعاً )

انا سئلت في التوكيل قالي ان سعرها دلوقت 86000
و انا اتفقت مع الراجل علي اساس 84000 ( السعر القديم )
فهل انا بقي دلوقت ساعت الإستلام لو قالي سعرها زاد و قالي في فرق 2000
أعمل إية ؟؟
أنا عن نفسي مش هدفع مليم زياده لو حصلت إنى اغير العربية خالص و أجيب أكسنت
أنتم إية رأيكم

اولا الف مبروك مقدما بالنسبة لمراكز الصيانة فى الاسكندرية فية 2 مركز:
- مودرن موتورز ودة فى الحضرة القبلية
- الهندسية فى الكيلو 28 طريق اسكندرية القاهرة الصحراوى