الموضوع: حد يقولي علي طريقه فك منطقه زراير التكيف في 405

السلام عليكم
عاوز حد يقولي علي طريقه فك منطقه زراير التكيف والحته اللي فوقيها علشان اغير اللمض اللي فيهم وشكرا

شوف يا سيدى الخطوات التالية
1- فيه طبة مثلثة أعلى منطقة الزراير شيلها بحرص علشان ما تتكسرش ودة بأى أداة حادة أو مفك ساعاتى عادة مش صليبة بعد ما تشيلها تلاقى تحتها مسمار نجمة .
2- تحت الزرار الموجود فى المنتصف - زرار الانتظار هتلاقى مسمار نجمة والزرار نفسة تحاول تسحبه للخارج عن كريق ملقاط أو مفك ساعاتى عادة حتى يمكنك اخراجه .
3- فيه مسمارين تحت الوش اللى بيغطى الكاسيت ودول علشان تشوفهم كويس حرك باب الكاسيت فى وضع الفتح وقبل الفتح النهائى بص بشكل متعامد فوق الكاسيت هتشوف المسمارين .
بعد ما تشوف مجموعة المسامير دى قوم بفكهم بالمفتاح النجمة هتكون مجموعة الزراير دى كلها فى ايدك .
واعمل اللى انت عايزه فيها .

المشاركة الأصلية كتبت بواسطة harphosh

شوف يا سيدى الخطوات التالية
1- فيه طبة مثلثة أعلى منطقة الزراير شيلها بحرص علشان ما تتكسرش ودة بأى أداة حادة أو مفك ساعاتى عادة مش صليبة بعد ما تشيلها تلاقى تحتها مسمار نجمة .
2- تحت الزرار الموجود فى المنتصف - زرار الانتظار هتلاقى مسمار نجمة والزرار نفسة تحاول تسحبه للخارج عن كريق ملقاط أو مفك ساعاتى عادة حتى يمكنك اخراجه .
3- فيه مسمارين تحت الوش اللى بيغطى الكاسيت ودول علشان تشوفهم كويس حرك باب الكاسيت فى وضع الفتح وقبل الفتح النهائى بص بشكل متعامد فوق الكاسيت هتشوف المسمارين .
بعد ما تشوف مجموعة المسامير دى قوم بفكهم بالمفتاح النجمة هتكون مجموعة الزراير دى كلها فى ايدك .
واعمل اللى انت عايزه فيها .

+10000000000000000
استاذ محمد ليك وحشة يا راجل
طمنا عليك ايه الاخبار والعربية عاملة معاك ايه

المشاركة الأصلية كتبت بواسطة the-hero

+10000000000000000
استاذ محمد ليك وحشة يا راجل
طمنا عليك ايه الاخبار والعربية عاملة معاك ايه

حبيبى وأخى الغالى أحمد
والله واحشنى كثير بس ظروفى الحمد لله لا يعلمها إلا الله .
بالنسبة للعربية زى الفل والحمد لله بس أنا جبت عربية أوبل فيكترا كاملة 2000 سى سى المانى فتحة سقف وامكانيات عالية قوى مع البيجو وبصراحة نظراً لبعض الظروف المادية لازم أبيع واحدة فيهم وحيران يا صديقى بين الاثنين ( البيجو عشرة وحمالة أسية ) والأوبل حاجة جديدة وموديل أعلى شوية 97 وإمكانيات عالية قوى ) محتار جداً
أرجو انك تقولى رأيك إيه ؟

المشاركة الأصلية كتبت بواسطة harphosh

حبيبى وأخى الغالى أحمد
والله واحشنى كثير بس ظروفى الحمد لله لا يعلمها إلا الله .
بالنسبة للعربية زى الفل والحمد لله بس أنا جبت عربية أوبل فيكترا كاملة 2000 سى سى المانى فتحة سقف وامكانيات عالية قوى مع البيجو وبصراحة نظراً لبعض الظروف المادية لازم أبيع واحدة فيهم وحيران يا صديقى بين الاثنين ( البيجو عشرة وحمالة أسية ) والأوبل حاجة جديدة وموديل أعلى شوية 97 وإمكانيات عالية قوى ) محتار جداً
أرجو انك تقولى رأيك إيه ؟

هوا نت لسه مبعتهاش ولا ايه ؟
مش انت قولت انك بعت البيجو الاسد الكبير ولا انت مش عاوز تقول عشان متزعلناش
عادى ياباشا واللى انت شايفة الاوبل برضوا كويسة بس قطع غيارها نار وناس كتير بتشتكى منها ومن موضوع الحرارة والتكييف

المشاركة الأصلية كتبت بواسطة the-hero

هوا نت لسه مبعتهاش ولا ايه ؟
مش انت قولت انك بعت البيجو الاسد الكبير ولا انت مش عاوز تقول عشان متزعلناش
عادى ياباشا واللى انت شايفة الاوبل برضوا كويسة بس قطع غيارها نار وناس كتير بتشتكى منها ومن موضوع الحرارة والتكييف

هو أنا كنت فاتحتك فى الموضوع بس لحد دلوقتى السيارة تعتبر معايا وعلى فكرة أنا كنت نسيت تماماً إنى قلتلك سابقاً معلش يا أخى الواحد دماغه ساحت والله من اللى هو فيه ادعيلى يا صديقى وانت فى الأراضى المقدسة ربنا يخفف علينا كلنا ، وبعدينأنا ما اقدرش أزعل عصابة البيجو اللى استقبلونى فى المنتدى أبداً حتى لو بعت العربية فهما الأصل برضه وما نستغناش عن بعض أبداً والدليل انى أدخل باستمرار على منتدى البيجو ونادراً على منتدى الأوبل مع خالص تحياتى وعرفانى لأخوتى الأفاضل عصابة البيجو

بس انا عندي ابانوس مش عارف مكان الطبه المثلثه دي فين

قصدك اللي هي فوق فتحات التكيف دي ولو هي كدا بقا لازم اشيل الابانوس ولا ايه

وانا اسف علي الاسئله الكتير دي بس عايزين نتعلم من الناس الخبره

النقط الحمرا ديه اما كن التلات مسامير والسهم بيشير للمنطقة اللى هتفكها بمفك صغير
والابنوس ملوش علاقة بالقصة دية