الموضوع: طريقه تغير سربنتينة التكيف السخن

اخيرا وبعد طول انتظار غيرت سربتنتية السخن
اولا احب اقولك الاحداث وبعدين التفاصيل انا كنت واخد العربيه لانوس 1 موديل 2000 السربتنتيه كانت بتخر فكانت ملغيه اصلا يعني معمول كوعه وهي موجوده دميه حيبت اغيرها قلولي لازم تفك التبلوه كله وعشان تفك التبلوه لازم تفك البربريز وفعلا انا فكيت كل ده بس بصراحه نظفت حجات تاني كتير وظبت شويه حجات لكن معرفتش افوك السربنتينه السخن وكمان واحد كهربائي حاول معايا معرفش وفي الاخر قولت مش لازم ومش هاستخدمه المهم جيت من كام يوم حبيت افوك البلور وبعد ما فكيته لقيت السربتنتيه البارد مليانه تراب وطبعا عارفين ان الانوس ملهاش فلتر علي التكيف قولت افوك الغطا اللي عيها وانظفها وانا بفك اقعد افكر مش ممكن يكون اللي صمم العربيه مهندس بمستوي عالي في الديزين يعمل السربنتينه عشان تتفك لازم افوك التبلوه يعني لو رحت اعمل صيانه للتكيف السخن في التوكيل وعاوز يغيرها هايفوك التبلوه مع العلم انه عيب وارد انه يحصل ونفس التصميم ده موجود في البلاد التانيه اللي ممكن يكون الجو فيه برد وبيستخدموا السخو كتير يبقي لازم يسهل عمليه الصيانه واللي طلع الموضوع في دماغي اكتر ان في كذا واحد قال قدامي علي نفس المشكله المهم بعد شويه بحث وتنقيب اكتشفت طريقه فكها من غير ما افوك التبلوه وتم تغيرها بنجاح
اولا عاوز اقول لاي حد عنده المشكله ديه لو عاوز يعملها بنفسه انها صعبه جدا وعاوزه صبر وطوله بال ومجهود جامد جدا
نبتدي بقي الموضوع
اولا المشكله : ان السربنتينه السخن بتسرب مياه داخل السياره
الاعراض: المياه تنقص وفي مياه علي الدواسه ناحيه السائق
العلاج السهل : نلغلي السربنتيه السخن خالص وبكده مش هايبقي في تكيف سخن بان نعمل وصله بين خرطوم الدخل والخرج بتوعها ونفصلها وبكده انتهي الموضوع
العلاج الصعب والاصح : تغيرها
الخطوات
الادوات المطلوبه
مفك صليبه + مفك عاده +بيبه 7 وديه مهمه جدا ولا يمكن استبدلها بمفتاح 7 ولا اي حاجه تاني + مفتاح 10 او بيبه يكون افضل + امبوبه سليكون اسود + مسدس سليكون او ممكن لومفيش ندوس علي الامبوبه بمفك + لمبه تشتغل علي الولاعه او الكهربا زي ما تحب بس مهمه عشان تشوف تشتغل + سرنجه 20 ملي + شريط لحام + ممكن نجيب متر عازل للي يحب يضيف عازل زياده انا عملت كده + WD-40 +بخاخه فيها مياه وصبون وعلبه وشويه فوط + واحد عنده صبر وصحه
المصاريف
السربنتينه استيراد 160 جنيه
امبوبه سليكون 7 جنيه
بيبه 7 بي 7 جنيه
الباقي كان عندي
نبتدي
اول حاجه لازم نجيب السربنتينه الجديده انا جبتها استيراد 160 جنيه بس كانت بحاله ممتازه ورحت كبست فيها هوا ومياه عشان اطمن عليا برده لحسن العمليه مش ساهله لو ركبت وبعدين اكتشفت فيها مشكله
بعدين اول حاجه نفوك درج التبلوه وده ليه مسمارين صغيارين من تحت

ده شكل السربنتينه


ده بعد فك الدرج

وبعدين هانفك الفبرايه اللي في الجمب والفبرايه اللي في جمب التبلوه من فوق وبين الباب
بعد كده هانفك الكنسوله اللي في النص
اول حاجه بنفك المسمارين اللي في الجمب في الجزء اللي في فرامل اليد وبعدين هانخلعها وبعدين نفك 3 مسامير في الجزء الي قدام ونفيك جلده الفتيس ونخلعها برده ده الشكل بعد الفك

وبعدين هانجيب الفتيس علي الغيار الرابع
اشمعنه الرابع عشان تبقي المصوره بتاعت الفتيس في اوطي جزء عشان نعرف نفك العلبه
يفضل نفك الكراسي هايكون اسهل بكتير

وبعدين هنلاقي كلبسين قافلين علي الخرطوم بتاع السلك هانفك الكلبسين دول
وكمان في كلبس ورا درج التبلوه هانفكه برده
ديه صور السلك والكلبسات الكلبسات بلستك ماسك السلك في الشاسيه





بعد كديه ندخل في الجد هانفك البلور بتاع الهوا
الخطوات
في خرطوم صغير واصل بينه وبين العلبه اللي فوق ديه اول حاجه هانفكها وبعدين هانفك سوكت الكهرباء في اتنين سوكيت واحد للبلور والتاني للمقاومات بتاعت البلور
الخرطوم

ده اول سوكيت

تاني سوكيت

وبعدين نفك البلور بتلت مسامير
اه ملحوظه المسامير ممكن تتفك بمفك صليبه عادي وممكن بالبيبه 7 بس في حجات مش هاتنفع غير بمفك وفي حجات مش هاتنع غير بالبيبه 7
البلور باي حاجه هايتفك عادي


وبعدين نفك المقاومه

وبعدين هانبتدي نفك العلبه كل المسامير باينه ماعدا 3 مسامير ورا العلبيه يعني بين العلبه وبين صدر العربيه ومسمار بين العلبه ودرج التبلوه اللي بين العلبه وصدر العربيه مش هاتشوفه اصلا هاتحط ايدك وتعرف مكانه وبعدين تدخل بيبا 7وتفك بيها مش هاينفع غير كده عشان مفايش مكان لمفك
بعد كده هانعدي الجزء اليمين الاول عشان نسحب لتحت وبرده بعد كده من الناحيه الشمال هنلقي العلبه ديه طلعت وسربنتينه البارد ظهرت







هانعمل شويه نظافه هانحط علبه تحت السربنتيه البارد والاول ننفخ بالبلور وبعدين بالبخاخه اللي فيها مياه وصابون ونغسلها تمام هانزل بلاوي وبعدين هانفك المروح بمفتاح 8 من علي المتور وهانغسل الموتور ب WD40 وبعدين هانغسل العلبه والمروحه بالمياه والصابون




وبعدين هانرجع نجمعهم تاني


ده شكل المقاومه

وبعدين هانفك الدراع الحديد ده ليه كلبسين من كل ناحيه بمفك رفيع عادي ونشدهم برده ونسحب الدراع

وبعدين هانفك الحته اللي في الصوره ديه العلبه اللي من تحت اللي بتوزع الهوا اللي من تحت وديه يها مسمار في النص من تحت مش هايتفك غير باليبه 7 وبعدين ليها مسمارين من فوق قدام تحت الكاسيت هايتفكوا بمفك صليبه



وبعدين هانفك العلبه التانيه وديه ليها مسمارين في الجمب جمب المسمارين اللي فكناهم من العلبه الاولانيه وبعدين ليها مسمارين تاني من ورا بينها وبين صدر العربيه وبعدين هانطلع نفتح الكبوت هنلاقي جمب مواسير السرابنتينه اللي خارجين من العربيه مسمارين عشره هانفكهم وبعدين هانكون طبعا فصلا الكلبسات بتاعت الضفيره وبكده هانزل العلبه رقم 3 بس مش هانفكلها خالص احنا هنزلها لتحت بس عشان هايكون لسه في مصوره الفايظ خارجه منها

وبعدين هانفك البوابه ديه هنلاقيها طلعت مع العلبه رقم 3 ديه اللي بتبدل بين الشبابيك نطلعها نخسلها بالمره ديه اللي كان راكب فيها الدراع الحديد

وبعدين هانخسل العلبه رقم 2 ورقم 3 بس وهي في مكانها وبعدين هانفك السربانتينه اولا الكلبس الي من فوق باين في الصور


وبعدين هانحط ايدنا من تحت في النص هنلاقي مسمار مش باين تحت السربنتينه في النص هايتفك بالبيبه 7 مش هانفك المسمار ده للاخر احنا هانرخي عليه بس عشان ده قافل علي دراع حديد قافل علي المواسير يعين هانلفه لفتين بالكتير



وبعدين طبعا هانكون خالعين الخراطيم بتاعت السربنتينه من بره وبكده هانشدها لبره وبعدين ناحيه دواسه البنزين وتقريبا كل الشغل فيها هايكون من ناحيه السائق وبكده هاتطلع والحكايه خلصت هانركب الجديده وبعدين هانعيد خطوات التجميع بالعكس ما ننساش نربط المسمار اللي فكناه شويه عشان ده اللي بيربط علي المواسير وكمان المسامير اللي في الصدر بتاع العربيه من بره بس ده اخر حاجه بعد ما نقفل العلبه بس هاحط السليكون في السرنجه ونبتدي نحاوط كل اطراف العلب رقم 1 و2 و3 اثناء التجميع مع ملاحظه ان هانحط بالعكس يعني علي العلبه رقم 3 وبعدين نربطها بسرعه عشان السليكون ما ينشفش وبعدين العلبه رقم 2 ونربطها وبعدين العلبه رقم واحد وبعدين نربطها طبعا لازم نحفظ مكان المسامير خاصه اللي مش باينه منها ممن نلعمهم باستيكر او قلم ماركر عشان نعرف نربط ولازم نبقي عارفين هانركب العلبه ازاي قبل ما نحط السليكون عشان يلزق بسرعه
ممكن كمان واحنا فاكين نزود العزل اللي وراء التكيف هانقص فرخ العازل اللي جبناه ونحط منه
ممكن نتجاهل الموضوع ده
ملحوظه مهمه الباب اللي افتك من العلبه رقم 3 لزم يركبي فيها في الاول مش في مكانه فوق لازم فيها
وبعد كده هانربط كل حاجه ونركب البلور والمقاومه والفيش ونشغل نجرب وكل تمام ان شاء الله
بس للمره التانيه الموضوع كان صعب جدا ومتعب جدا جدا لو ناوي تعمل استعدله وقت ومجهود
علي فكره ممكن نعمل اجزاء بس يعني ممكن ننضف البارد بس والبلور
جاري عمل فكره لفلتر عشان ما يدخلش تراب تاني

لو سمحت بقي ليا طلب انا عاوز حد يصورلي الخراطيم اللي بين دوره المياه والسربنتينه ديه عشان انا لسه مش عارفهم من فين لفين او مش متئكد اوي عشان انا جبت الخراطيم وعاوز اركبهم وياريت صوره او شرح تفصيلي
شكرا ليكم

ربنا يكرمك

والصراحه كتر خيرك

وموضوع عاوز طولة بال جامده