ابو غالي vs ابو الفتوح

**hemaa_82** · 21-04-2010 10:12 AM

انا جبت العربية من ابو غالي ----- معنديش مشاكل كتير ----- سوستة شكمان فقط و لله الحمد

برجاء المشاركة من الجميع و افادتنا العربيات من فين و فيه مشاكل كتير ولا لا

**hemaa_82** · 21-04-2010 10:41 AM

اخوانا نتيجة لزيادة اللغط اللي داير في موضوع المشاكل اللي في بعض العربيات ال m11 .. عايزين نعرف اساس المشكلة من فين .... انا لما جيت اشتري من محمد ابو حمد كان قاللي ان ابو غالي بيعملوا check up علي عربياتهم و هما بيستلموها من توحة ... جايز علشان كدة عربيتي الحمد لله مفيهاش مشاكل كتير..علشان هما عندهم زي Q.control حتي بعد الصيانة مثلا بيتصلوا ياخدوا feed back عن رأيك او لو فيه مشاكل .... فعايزيين نعرف لو فيه حتت بتبقي كويسة و حتت لا و تبقي الفايدة عامة

انا جبت العربية من ابو غالي ----- معنديش مشاكل كتير ----- سوستة شكمان فقط و لله الحمد

برجاء المشاركة من الجميع و افادتنا العربيات من فين و فيه مشاكل كتير ولا لا

**ahmeddarhos** · 21-04-2010 08:18 PM

مساء الخير يا هيما...
أنا شارى العربية من أبوغالى موتورز فى نوفمبر 2009
من محمد حمد (على فكرة هو ساكن فى الشقة اللى قصادى)..
سهرنا مع بعض كتير وشكرلى فى العربية جدا....
موضوع ان أبوغالى بيفحص العربيات فده أكيد بيحصل.. بس بيفحصها على الواقف..
لأن كل العيوب ظهرت بعد الاستعمال لفترة....
مثلا صوت الأزاز عندى ظهر عند 5000كم تقريبا...
صوت صوصوة مجهول الهوية بييجى من الكنبة الخلفية تقريبا ظهر بعد شهرين من الاستعمال
الصوت ده بيقل عند تربيط العفشة (بس مابيروحش),
تسقيف الموتور ظهر عند 8000كم و راح بعد تغيير البوجيهات..

الحمد لله لغاية دلوقت لسه ماكرهتش العربية... بس مش مبسوط منها زى الأول..
و ربنا يسترها معانا جميعا

**medoragab** · 21-04-2010 09:35 PM

المشاركة الأصلية كتبت بواسطة ahmeddarhos

تسقيف الموتور ظهر عند 8000كم و راح بعد تغيير البوجيهات..

مرحشي ولا حاجة يا دكتور منا جربتها صوت التصقيف خرم وداني

**OSHA** · 21-04-2010 10:36 PM

المصنع واحد يا هيما بس الفرق فى الاستخدام على اى طرق ده بيفرق فى وقت ظهور العيب فى التقفيل اتمنا ان عربيتك تكون زى الفل عشان دى حاجه تطمنى شخصيا على عربيتى عشا يا استاذ المنبع واحد

**emad7759** · 21-04-2010 11:15 PM

يادكتور احمد متقلشى كده لحسن هيما باشا يزعل منك

**hemaa_82** · 22-04-2010 02:36 PM

لا حول ولا قوة الا بالله ....

يا استاذ عماد هوا انا قتلتلك قتيل ؟؟؟؟؟

انا مش عارف انت ليه حاسس ان انا باخد جنيه علي كل m11
علي فكرة انا اعتقد ان محمد حمد "اللي انا بشكر فيه نتيجة احترامه لمواعيده و زوقه معايا" لو حد سأله عليا مش هيعرفني .... لان انا واحد من كتير بيعدوا عليه في شغله كل يوم ....

و علي فكرة بقي بصراحة ... لو كل العربيات اللي في الدنيا فرقعت و عربيتي لا مش هقول عليها وحشة .. انما لو عربيتي كحت ولا عطست هكون مضايق جدا بس هقول فيها عيب مش هعممه .... علشان كدة انا لسه بقول عربيتي كويسه ... لو حصلي زي عندك " من غير مجرب عندك" هبدأ اشك انما طول ماهي عندي مظبوطة تبقي في و في

بقي الراجل يقولك السكة اللي في عربيته راحت و انت تقوله لا.... هيه عربة مين فيكو:)

علي فكرة انت ممكن تسوق عربيتين و واحد يكون موطي الدبرياج فتسك و هما ال2 نفس الموديل ... خد بالك من النقطة دي ..... علشان كدة بنقول ان في حاجة اسمها عيب سواق مثلا " و والله مبعيب فيك ولا قصدي عليك"
انا يعز عليا علي فكرة ان حد مافيش بيني و بينه اي شئ و الاقيه مضايق مني ... انا معملتش لحد حاجة .... ولا انا عملتلك حاجة وانا مش واخد بالي ؟؟؟" ومتقولش شكرت في العربية لان انا لسة بشكر فيها لحد دلوقت الحمد لله "

**aboomarahmad** · 22-04-2010 02:43 PM

[QUOTE=hemaa_82;3872579288]اخوانا نتيجة لزيادة اللغط اللي داير في موضوع المشاكل اللي في بعض العربيات ال m11 .. عايزين نعرف اساس المشكلة من فين .... انا لما جيت اشتري من محمد ابو حمد كان قاللي ان ابو غالي بيعملوا check up علي عربياتهم و هما بيستلموها من توحة ... جايز علشان كدة عربيتي الحمد لله مفيهاش مشاكل كتير..علشان هما عندهم زي Q.control حتي بعد الصيانة مثلا بيتصلوا ياخدوا feed back عن رأيك او لو فيه مشاكل .... فعايزيين نعرف لو فيه حتت بتبقي كويسة و حتت لا و تبقي الفايدة عامة

السلام عليكم:
أنا معايا التيجو من ابو غالي..ومعظم اللي شغالين هناك معرفتي,,وليا تجربة مريرة في شراء العربية كنت كتبتها بالتفصيل هنا.....من الآخر قصة الcheck up دي واللي بيسموها PDI اختصارPree Delivery Inspection دي قصة هجص×هجص..ممكن تلاقيهم لازقين ستيكر على الزجاج الأمامي والجانبي مكتوب عليهPDI لكن صدقوني حتى لو بيتعمل بيبقى في منتهى قلة الضمير والكروتة...كله بيعتمد ان لو العربية فيها حاجة العميل هيرجعلهم في الصيانات وبعد كدة ربنا هو الستار.......والله اعلم
م.ياسر

**hemaa_82** · 22-04-2010 02:51 PM

[QUOTE=aboomarahmad;3872582947]

المشاركة الأصلية كتبت بواسطة hemaa_82

اخوانا نتيجة لزيادة اللغط اللي داير في موضوع المشاكل اللي في بعض العربيات ال m11 .. عايزين نعرف اساس المشكلة من فين .... انا لما جيت اشتري من محمد ابو حمد كان قاللي ان ابو غالي بيعملوا check up علي عربياتهم و هما بيستلموها من توحة ... جايز علشان كدة عربيتي الحمد لله مفيهاش مشاكل كتير..علشان هما عندهم زي Q.control حتي بعد الصيانة مثلا بيتصلوا ياخدوا feed back عن رأيك او لو فيه مشاكل .... فعايزيين نعرف لو فيه حتت بتبقي كويسة و حتت لا و تبقي الفايدة عامة

السلام عليكم:
أنا معايا التيجو من ابو غالي..ومعظم اللي شغالين هناك معرفتي,,وليا تجربة مريرة في شراء العربية كنت كتبتها بالتفصيل هنا.....من الآخر قصة الcheck up دي واللي بيسموها PDI اختصارPree Delivery Inspection دي قصة هجص×هجص..ممكن تلاقيهم لازقين ستيكر على الزجاج الأمامي والجانبي مكتوب عليهPDI لكن صدقوني حتى لو بيتعمل بيبقى في منتهى قلة الضمير والكروتة...كله بيعتمد ان لو العربية فيها حاجة العميل هيرجعلهم في الصيانات وبعد كدة ربنا هو الستار.......والله اعلم
م.ياسر

علي فكرة كمان اللزق ده المفروض انه من المصنع .. يعني توحة مش غالي :) بس هوا كان تفسيري ان عربيتي الحمد لله كويسة و مش زي الاخوه المتضررين

**emad7759** · 22-04-2010 02:53 PM

يلخى هيما ولله انا معيزك تزعل انتا لقتلت قتيل ليه ولا حاجه

ولله انا بنحبك ونحتلرمك كتير واوعا تزعل منى

انا كل ده ياخى عيزين نتعرف بيك والخلاف فى الود لايخلف فى الود قضيه

وبعدين احنا عيزين نشوفك وكل ده عمليه استزاز ليك علاشان احنا عيزين نشوفك

وربنا يدوم المعروف بنا ونشوفك على خير