الموضوع: شكرا رينــــــو فرنســـا

المشاركة الأصلية كتبت بواسطة karim_monir

خالد شرف ده الدراع اليمين لمحمد نصير وواحد من التقال قوي في عالم السيارات
وشخصية محترمة فعلا وواضح ان محمد نصير بيعرف يختار الرجالة بتاعتة
يا خسارة توكيل كيا
كان هايتعمل منه حاجة بجد

كريم باشا

معلش عشان بس أنا ليا خبرة شوية مع توكيل رينو, المهندس خالد ماسك توكيل المقطم بس معايا أنا كان موقفه مختلف

أختصار القصة انى رحت باشتكى من حاجة والعربية كانت عاملة 5000 كم بس العربية كانت سليمة وكان الموضوع سوء فهم منى بس المشكلة فى الباشمهندس اللى طاع جرب معايا و معرفش يفهمنى المهم رجعت البيت وقبل ما أكل أو أغير هدومى كنت بعت الميل المتين لفرنسا و من بعدها كان تعاملى دايما فى التوكيل مع الراجل الخواجة اللى ماسك التوكيل ( مستر تونى ) كنت اقابله فى الثورة ياخد العربية علشان الصيانة ويدينى عربيته لحد ما عربيتى تتصلح.

المهم انى قبل الموضوع ده ما يحصل كان التوكيل قالى ان طرمبة البنزين يستحسن تتغيربس ما فيش منها فى الوقت ده ( طبعاً على الضمان ) بس بعد ما بقيت بتعامل مع الخواجة نسيت القصة دى خالص ويشاء ربنا أن العربية تفضل سليمة لمدة سنتين وأول مرة اروح فيها التوكيل بعد الحاج تونى ما اترقى و ما بقاش فاضيلى. المهم انى افتكرت الموضوع ده وكانت العربية خرجت من الضمان و طبعاً حاولوا جاهدين يقولولى انهم ملهمش دعوة عشان الضمان خلص ( مع ان معايا ورقة تدل ان الطرمبة بايظة من ساعة العربية لما كانت فى الضمان) المهم ان المهندس خالد شرف هو اللى كان معايا فى القصة دى زكان رافض تماماً التغيير على حسابهم بس الحاج تونى الله يعمر بيته هو اللى خلص الموضوع.
بس عموماً التوكيل من أحسن التوكيلات فى مصر بس برضه التعامل مع أجانب بصراحة أريح كتيييير.

المهندس اللى ماسك التوكيل حالياً اسمه المهندس حسام شهاب بس الصراحة ممتاز