تقيمي للنيو اكسنت بعد 20 الف كم osos

**saber2010** · 06-05-2010 04:02 AM

المشاركة الأصلية كتبت بواسطة osos_lion

نسيت اقول عيب مهم فالعربيه وجود مسند بكرسي السائق لراحه اليد عند استخدام الفتيس وهو جيد جدا ولكن يعيبه عيب خطير
يظهر من اصدقائك المتطفلين بجوارك وهو استخدامهم لهذا المخدع بعتبار انه حق مكتسب لهم مما يستدعك لقول عبارات يعرفها ملاك النيو اكسنت جيدا مثل (متشيل ايدك يا عم انتا مش عارف اسوق)
وستجد ان هائولاء الاصدقاء ايضا يستغلون اتساع المقصوره بفرد رجلهم مما يستدعيك قول عباره اخري وهي(ياعم مش عارف ادي الخامس حرام عليك لم رجلك شويه)
اما لو كان الذي يجلس بجوارك شخص هام فتتضطر الي ان ترضي بالامر الواقع وتجلس ساكتا

هههههههههههههههههههههه عندك حق كنت طالع العجمى وحمايا كان راكب جنبى وكان واخد المسند لحسابه الخاص وانا فعلا ماكنتش عارف اسوق بس كنت مكسوف منه
هههههههه المهم اخر ما زهقت رحت رافع المسند خالص وقلتوله معلش اصله لاخمنى ومش عارف انقل منه هههههههههه نعمل ايه بقى

**saber2010** · 06-05-2010 04:08 AM

المشاركة الأصلية كتبت بواسطة eino666

غريبة قوى دى
هى العربية ضيقة قوى للدرجة دى
............................
محمود عينو

لا خالص بس المسند دة معمول للسواق مش اللى قاعد جنبه فعشان يحط ايده لازم ينجعص
ويفرد رجله ويبقى كوعه داخل فى مصراينك وانت لازم توافق والا تبقى قليل الذوق
عشان كدة انا لما بلاقى حد بيفكر يحط ايده بقوم رافع ام المسند دة خالص واريح دماغى

**osos_lion** · 07-05-2010 12:12 AM

المشاركة الأصلية كتبت بواسطة saber2010

هههههههههههههههههههههه عندك حق كنت طالع العجمى وحمايا كان راكب جنبى وكان واخد المسند لحسابه الخاص وانا فعلا ماكنتش عارف اسوق بس كنت مكسوف منه
هههههههه المهم اخر ما زهقت رحت رافع المسند خالص وقلتوله معلش اصله لاخمنى ومش عارف انقل منه هههههههههه نعمل ايه بقى

ههههههههه
دنتا قلبك اسود
انتا قلت بدل ميرخم عليا وياخد المسند لا بقا عليا وعلي اعدائي هههههههههههههههههه

**BassamHafez** · 07-05-2010 05:21 PM

انا مشكلتي بقى مختلفه تماما ومش مع المسند

دي مع السنتر والباب اللي جنبي

وبرضو من ناس باحرج اقولهم وللاسف هم نفس الشخاص ومش بيتعلموا ابدا

يعني مثلا لما ابقى رايح مشوار معاهم واجي اقف يروحوا فاتحين الباب والسنتر مقفول لدرجه اني بحس ان الاوكرة هاتتكسر عشان يفتح الباب مع تكرار المحاوله لحد ما انا اقول لحظه واحده عشان افتح السنتر ولما ينزلوا يرزعوا الباب زي ما يكون باب تلاجه

واللي يغيظ في الموضوع ان كل مرة يركبوا معايا تحصل نفس الاحداث لما بقيت ها طق

مشكلتي مع السنتر ان

**mohamedhamam** · 08-05-2010 01:36 PM

شكراً لتقريرك و ربنا يدك خيرها و يكفيك شرها

**osos_lion** · 08-05-2010 05:03 PM

المشاركة الأصلية كتبت بواسطة mohamedhamam

شكراً لتقريرك و ربنا يدك خيرها و يكفيك شرها

الله يخليك وربنا يكرمك

**osos_lion** · 08-05-2010 05:08 PM

سعر اعادة البيع
طبعا انا لما جيت اشتري كنت بفكر فالجين 2 مع عربيتي
وكانت الجين ب 82 او 83 مش فاكر
وسعتها الاكسنت مانيول كانت ب 80
طبعا كل الناس اعدت تقلي لا يعم المليزي ده سعر اعاده البيع بتاعو زفت ومش عارف ايه
والهيونداي ماسك نفسه
ولكن نظرا لسياسه غبور اصبحت العربيه تقريبا ب74 حاليا
وبالتالي العربيه الي قعدو يقولو عليها ماليزي مسكت نفسها بكتير عنها
ولكن نقول الحمد لله
لان اعتقد ان غبور شكله ناوي يجمع الاكسنت في مصر ويلغي الفيرنا الحاليه
وبالتالي هكون من الي معاهم الاكسنت الكوري وسعرها هيمسك نفسه شويه

**ابو فرح** · 08-05-2010 09:03 PM

بس هيا سعر اعاده البيع بتاعها كويس ياعم اسامه ربنا مايجيب بيع العربيه كويسه وشغاله لسه عاملها صيانه ال30 من يومين وكان فى ناس معاهم العربيه وبيشكرو فيها جدا لان معطمهم كان معاهم الافيو قبليها زى حالاتى

**osos_lion** · 09-05-2010 03:07 AM

انا مقلتش انها وحشه خالص يا ابو فرح وربنا يباركلك فيها
بس اما تبقا داع فيها 80 وحتي الفوجات والمريات الكهربا ميهونوش علي التوكيل
وتلاقيها نزلت كل ده دي حاجه تزعل برضو ولا ايه
عموما الحمد لله
لكن العربيه كعربيه كويسه والحمد لله
بس انا حبيت اكون حيادي شويه فالتقييم واقوول اللي ليها واللي عليها

-

الموضوع: تقيمي للنيو اكسنت بعد 20 الف كم osos

LinkBack

أدوات الموضوع

عرض

-

-

-

-

-

-

-

المواضيع المتشابهه

جنوط 17 للنيو اكسنت

طنابير للنيو اكسنت

احلى صور للنيو اكسنت

مقابلة للنيو اكسنت

صور للنيو اكسنت المتزبطه وبس

الكلمات الدلالية لهذا الموضوع

المفضلات

المفضلات

ضوابط المشاركة