الموضوع: تقيمي للنيو اكسنت بعد 20 الف كم osos

المشاركة الأصلية كتبت بواسطة osos_lion

بسم الله الرحمن الرحيم
والسلام عليكم
طبعا احب ابدا كلامي بشكر المنتدي الجميل ده والي خلا الواحد يبقا فاهم فالعربيات وليه فضل عليا وعلي ناس كتير بعد ربنا ووالدي ربنا يديله الصحه

طبعا بعد تفكير كتير في العربيه التحفه جين تو والي حازت علي اعجابي من ساعت منزلت مصر وكانت عربيت احلامي
والي للاسف مكنتش هتنفع معايا واستبعدتها عشان مساحه الكنبه الخلفيه ضيقه
المهم قلت طيب ننزل نبص علجيتز برضو ضيق بضيق بقا المهم دخت عليها عشان كنت بدور علي حاجه بفتحت سقف وبعد عناء لقيتها عند فرع الميرغني غبور
المهم اعدت اتكلم مع المهندس الي هناك والكلام خدنا العربيه الاكسنت حلوه بس عيبها الباور الكهرباء قالي طب تعالي وفتحنا الكابوت بص يا سيدي اهه باور ستيرنج اويل
وركبتها واسعه وعائليه وتقفيل كوري المهم الحمد لله ربنا كرمني واشترتها وكان اللون فيراني مانيول
ومرت الايام والعربيه عامله دلوقت 20 الف كم

قلت بقا لازم افيد اخواتي وحبايبي فالمنتدي بتجربتي واحاول اجاوب علي بعض الاساله الي لقيتها فمشاركاتكو
نخش فالموضوع
اول شعور ليك عندما تركب هذه السياره
العربيه اول متركبها وتسيب رجلك من علكلتش علي راي الكتالوج (الدبرياش)وباللغه المصريه الديرياااااااااااااااج
هتلاقي العربيه بتنطلق ومنغير متدوس بنزين
ولكن متفرحش اوي كده ياحج بعد ملعربيه تلين هتلاقيا بقت عادي زي اي عربيه
المهم
طبعا ريحت العربيه الزيرو هتبقا منخششه فنفوخك والسحب هيبقا عاجبك وطبعا هتطلع بالعربيه منغير متنزل الهاند
بس بعد كده هتتعود
ابعاد السياره
طبعا هتواجهك المشكله اوبا انا مش شايف الكبوت ولا الشنطه طب انا هسوقها ازاي وهركنها ازاي والشارع كله هيتفرج عليك ملبلكونات وانتا بتركن مع سماع بعض اصوات الصياح من جرانك الي راكنين وراك والتي تحمل بعض اسماء الحيوانات عشان عمال تخبط فعربياتهم
لكن متقلقش سرعان ما هتتعود علي ابعادها معادا بعد واحد هتبقا متعود عيه برضو بس وانتا داخل تخبطه ومستني تسمع صوط موسيقي جميل برضو هتتعود عليه وهوا صوط طراخ وهو صوط المرأه والتي تتخذ شكل نبات البطيخ النمساوي وغالبا ما ستسبب للاخرين الام اسفل الظهر او تلفيات بمرأت سياراتهم الصغيره
ولكن هذه المراه قد تكون نافعه بعض الاحيان مع الاشخاص الذين يترنحون في منتصف الطريق وتكون وسيله جيده لتاديبهم
محرك السياره
العربيه دي موتورها يجماعه من مواتير الجيل الثالث لهيونداي والي بسببه اخذت جوايز كتير لتوفيره للوقود لانه بيعمل بنظام ال cvvt
وقدرنه الحصانيه112 حصان
واقصي عزم له 145 نيوتن عند 4500 rbm
وهو مكون من كامتين علويتين و 16 صباب
طبعا القدره الحصانيه دي انتا مش هتستفد بيها اوي لانك مش هتوصل لسرعات عاليه جدا ما علينا
بالنسبه للعزم هو في حد ذاته ميزه ه زعيب في نفس ذات الوقت
ميزه لانك بعد متعدي 3500 rbm هتلاقي صوت المتور اتغير تماما وادائه كذلك وبعد متوصل ل 4500 هيكون العربيه ركبها عفريت وعايزه تطير
عيب ليه بقا
طبعا احنا بلد الزحمه ومش هتفضل ماشي علي 4500 كل متيجي تطلع من اشاره او واقفه ده غير استهلاك البنزين والي هتقلب ساعتها 8 سليندر
بعكس العربيات الي بتطلع اقصي عزمها علي rbm منخفض بس العيب ده هتتاقلم عليه عادي يعني
طبعا العربيه دي افضل بنزين ليها 92
تم تجربه 90 ولكنه اثبت عدم كفائته مع المحرك من اصوات كركره وخلافه وبحسبه بسيطه هتفرق معاك 4.5 جم فالتفويله
وافضل زيت اتعاملت معاه من خلال تجربتي الشخصيه شل هيلكس التر
طبعا اول متدور الموتور ده هتسمع احلي اصوات تصدر من موتور يعمل بالجاز لكلك لكلك لكلكلك لكلك لك لكلك لك ولاكن اول ما العربيه تبرد هيختفي الصوط ده وهو حال شقيقتها الفيرنا
وحاجه تانيه ان العربيه بتبرد بسرعه فكل مشوار هتعمله وتريح شويف فانت مضطر تسخن يا عزيزي
وطبعا يعيب السياره عدم وجود امبر للحراره مع الاكتفاء بوضع لمبه تنور لما المتور يولع
ولكن متقلقش العربيه مبتسخنش ولا حتي المروحه بتشتغل وده يدل علي ان العربيه فالسليم
علي عكس الشعور الي هتحسه لو فتحت الكابوت ولو جنيت علي نفسك ولمست حتي الفبره الي فوق الموتور
بس متقلقش ده طبيعي
فتيس السياره
الفتيس بتاع الاكسنت فتيس محتاج مسايسه بدرجه عاليه جدا خصوصا فالاول والتاني والمرشدير ومن بعض الحجات الي لازم تعملها فالمرشدير بس محدش بيعملها وانا اول الناس انك ترفع رجلك من علي الدبرياش وبعدين تدوس تاني وتستني ثلاث سواني طبعا المرشدير فيها زي اللانوس سوسته لقدام
المهم طبعا من عيبوبه ايضا انك بتسمع طول منتا بتنقل صوت التروس
ترك ترك
بس هتتاقلم عليه برضو بس مش اوي
عفشت السياره وثباتها
العربيه دي فيها عفشه سبور وهي بالنبه لناس عيب وبالنسبه لناس ميزه
ليه بقا
وانتا ماشي اي زلطه فالطريق هتحس بيها وعلطول العربيه بتدبدب وبتتنطط
طبعا كل النيو اكسنتاويه زيي بيفادو الزلط وشريط المترو والحفرومطبات الهوا والمطبات الي بيهدولها جامد وكثيرا ما تسمع كلكسات ونباح بسبب التهديه المفرطه دي
طبعا محدش يفتكر اننا بنهدي عشان خيقين علعفشه وبنحافظ عليها لا احنا بنعمل كدا عشان نحافظ علي فقرات ضهرنا هههههههه المهم بعد كده هيبقا الموضوع بالنسبالك متعه بجد
احساس برياضيت العربيه والرالي كده بس القاعد فالكنبه الي ورا هيبوظلك السقف بدماغو من كتر التنطييط
بس عادي معظم العربيات الجديده بقت بتنزل بعفشه اسبور


العربيه ثباتها كويس لحد 140 لو الطريق ناعم
و120 حلو قوي وسلملي عالرادار
قطع الغيار
الحمد لله متوفره الي حد ما والعربيه عماله تنتشر وهتنزل عند البقفالين بس شويه كده زي الفيرنا والاكسنت القديمه
لانهم التطور الطبيعي لل 128 وااللانوس معاهم
او بلغه اخري يطلق عليهم عربيات الشعب (الغلابه يعني)
فرامل السياره
العربيه فيها فرامل معقوله ولكن عند الفرمله الفجائيه العربيه هتسحف منك يحلو عشان وزنها خفيف
بس الفرامل نقدر نقيمها 7 من 10

مقود السياره
السياره بها مقود هيدروليك جيد جدا ولكن يعيبه ان التوكيل غير جيد بالمره في موضوع ضبط الزوايا
كمليات السياره
طبعا العربيه فيها حجات احنا بنعتبرها فمصر كمليات ومفيهاش حجات بيطلق عليها رفاهيه
الكمليات الموجوده
سنتر كل شويه يصوجر سيقتي بقا هيجبلك هسس
انذار بريموتين كويس جدا ومش لو اي عيل زعق تلاقيه ضرب لا بجد انذار محترم
زجاج كهرباء بدون وحدت رفع ولكنه سريع وجيد
2 عداد رحلات
كاسيت سي دي ام بي ثري معقول واربع سماعات صوتهم جيد جدا
اماكن تخزين كثيره جدا لدرجه انك كل مهتنزل ملعربيه لازم تنسا حاجه نضاره موبايل فلوس
تكييف ليس جيد ولكنه معقول ويؤثر علي سحب السياره لازم تحرق عليها شويه او تتبع نظريت المسايسه
الكمليات الي مش موجوده وبنعتبرهم رفاهيه فمصر
سينسور خلفي
6 اير باج
اي بي اس
طبعا تكييف تتش
ومرايات كهرباء
والفوج لايت بزرارهم
انطباعي عنها
الحمد لله رب العالمين راضي عنها وربنا يباركلي فيها قولو يارب
اتمنا يكون الموضوع عجبكم ومعلش طولت عليكو ولو في حاجه انا نسيتها فكروني واي استفسار انا تحت امركو
وانتظرو مني تقرير مفصل مصور عن صيانت ال 20 الف بس يارب يوافقو فالتوكيل
محدثكم من امام الكيبورد
اخوكم الصغير اسامهosos_lion

المشاركة الأصلية كتبت بواسطة shadinasr

تقييم ممتاز فعلا بس انت متكلمتش على العزل بتاع العربيه وده من مميزات اللي فيها ان عزلها جبد جدا وبعدين العربيات الجديده مش بتحتاج تسخين ليه حضرتك بتقول كل شويه بتسخن

شكرا لزوق حضرتك بالنسبه للعزل
انا هكتب الحجات الي ناقصه زي الموضوع الاصلي عشان احاول اساعد الاداره في وضع المشاركات دي فالمشاركه الاصليه

عزل السياره
طبعا عزل السياره دي اقل ما يقال عنه انه ممتاز
علي الرغم من عدم وجود عازل تحت غطاء الكابوت ولا تسمع اي صوط من الخارج إلا بعد ان تصل لسرعه 140 ويكون الار بي ام علي 4 هنا بيبتدي صوت المتور يعلي شويه وطبعا ده مش مهم لان عدم وجود العازل في مصر هيفيد فتبريد المتور ورحمه من الحر
بالنسبه لموضوع التسخين السياره تحتاج لتسخين طبعا وذلك حتي تنطفء اللمبه الزرقا ولكن لن يستقر صوط المتور 100% إلا عند وصول مؤشر ال rbmل.6

المشاركة الأصلية كتبت بواسطة hazemhassan

تقرير كويس وربنا يباركلك فيها وتعتبر كويسة عن الفرنا ولانوس
وحسيت ياباشا بعضة فى الفتيس مش عارف لى الحكاية دى موجودة فى الزيرو عشان تلين ولا اى؟


بس انا من وجة نظرى ان الكماليات الرفاهية هى
1 s / r
2 gps
3 زينون
4 والتكيف التاتش
5 واحيانا مقاسات الجنوط
5 والسنسورر
6 سمارت كى وبصمة
اما غير كدة من فوجات الى اخرة يعتبر اساسيات
بس الكلام دة مش عندنا

لا الحكايه دي هتفضل معاك علطول وربنا يدينا طولت العمر
بس متقلقش الموضوع ده عادي ومش مضر حسب كلام الكاتالوج
وسبب الموضوع ده ان زيت الفتيش بياخد وقت علي ما يسخن وده بيكون بعد قطع مسافه في حدود 15 كم علي حسب تقديري انا وبسام (واحد كده معرفوش هيخش يشوط فيا دلوقت)طبعا مسافه كبيره بس متقلقش مش مشكله خالص الموضوع ده عندنا كلنا ومتعايشين معاه
بالنسبه لموضوع الكمليات انا قلت بنعتبرها عندنا وده فحد ذاته ممكن يدخل الكنبه الخلفيه تحت مفهوم الكمليات

المشاركة الأصلية كتبت بواسطة ahmedabutaleb

الف مبروك ياباشا وعقبال ال 100 الف

الله يخليك انتا زيي بالزبط اتعلمت علي 128 وجبت نيو اكسنت قلي بقا عملت ايه فالاكسنت اول مجيت تسوقها بعد ال128 اصل بهدلت الدنيا مكنتش واخد عدواسات خالص اول يوم