أستلمت البرسونا واستفسار

**member** · 21-04-2010 07:02 PM

السلام عليكم،،

الحمد لله أستلمت البرسونا مانيوال فول أوبشن الأسبوع اللي فات ورخصت انهاردة الحمد لله كانت الأمور بسيطة مفيش تعقيدات

العربية ما شاء الله ممتازة ..

بس أنا عندي استفسار في حاجة غريبة لاحظتها بعد ما استلمتها بشوية هو أن فيه شوية صدا على الطنابير باين من تحت الجنط (أظن مش في كل العجل)، يا تري ده عادي ولا ايه وايه ممكن يكون ايه سببه وأتصرف أزاي
لكن أنا متأكد أني أخدتها كده بس للأسف ماخدتش بالي وأنا بستلمها

تاني حاجة بسمع حكة كده لما آجي أفرمل مش عارف علشان التيل ماطبعش ولا ايه

سؤال أخير هو الجراي بتاع البرسونا بيتكتب ايه في الرخصة لأن الراجل مكنش عارف يكتبه ايه ومحتار من رمادي وبترولي ورصاصي وفي الأخر عملها سماوي!

آخر حاجة شكرا لأيمن وأ/محسن صالح ناس محترمة جزاهم الله خيرا

**Tarek Gen 2** · 21-04-2010 07:14 PM

المشاركة الأصلية كتبت بواسطة member

السلام عليكم،،

الحمد لله أستلمت البرسونا مانيوال فول أوبشن الأسبوع اللي فات ورخصت انهاردة الحمد لله كانت الأمور بسيطة مفيش تعقيدات

العربية ما شاء الله ممتازة ..

بس أنا عندي استفسار في حاجة غريبة لاحظتها بعد ما استلمتها بشوية هو أن فيه شوية صدا على الطنابير باين من تحت الجنط (أظن مش في كل العجل)، يا تري ده عادي ولا ايه وايه ممكن يكون ايه سببه وأتصرف أزاي
ده عشان بيغسلوها فى المعرض كتير او فى المكان اللى اشتريتها منه عشان تفضل نضيفة و تشد الناس و ممكن تغسلها بمية و جاز فى البنزينة و ان شاء يروح و كمان العربية كلها عليها ضمان ضد الصدأ متهيألى والله واعلم
لكن أنا متأكد أني أخدتها كده بس للأسف ماخدتش بالي وأنا بستلمها

تاني حاجة بسمع حكة كده لما آجي أفرمل مش عارف علشان التيل ماطبعش ولا ايه
ايوة طبعا اكيد عشان لسة مطبعتش و الله واعلم
سؤال أخير هو الجراي بتاع البرسونا بيتكتب ايه في الرخصة لأن الراجل مكنش عارف يكتبه ايه ومحتار من رمادي وبترولي ورصاصي وفي الأخر عملها سماوي!
فعلا بيكتبوا سماوى انا ابن خالتى كتبولوا كدة و بدون حيرة اول ما شافها كتب سماوى و قالنا انه بيتكتب كدة
آخر حاجة شكرا لأيمن وأ/محسن صالح ناس محترمة جزاهم الله خيرا

ربنا يباركلك فيها يا باشا و يكفيك شرها و يديك خيرها ان شاء الله

**XXXMEMOXXX** · 21-04-2010 09:19 PM

الف مبروووك ..ربنا يباركلك فيها

بالنسبه لموضوع الصدا اللي على الطنابير,, ماتقلقش منه مع غسل العربيه هايروح خالص ,,كان عندي لما استلمت العربيه وسالت عليه وقتها وقالولي مافيش اي مشاكل هيروح ,,,
عايز بس ازود نقطه هنا في موضوع الصدا ده ,, لو قدر الله حصل حاجه لفردة الكاوتش وحبيت تفك العجله هتلاقيها ترسه من الصدا اللي وراها ومش هترضى تتخلع معاك ,, لو انت اللي فكتها او الراجل بتاع العجل ماتخلهوش يدق على الجنط بحديده او اي حاجه ,, الحل انك تخبط ببطن رجلك جامد على اطراف العجله من كل ناحيه هتلاقيها بدات تتخلع ,,

تحياتي

**Abo.Mayyam** · 21-04-2010 10:24 PM

ألف مبروك يا باشا وربنا يباركلك فيها ويحفظهالك من أى سوء

وإن شاء الله تكون مشاويرك كلها بيها فى رضا الله

بص يا باشا أما ميتال جراى وكتبهالى فى الرخصة رمادى

ومتنساش تدبحلها حاجة وتطلعها لله (سنة وإسمها وكيرة)

**elmadawy** · 21-04-2010 10:26 PM

الف مبروك وربنا يباركلك فيها ويكفيك شرها

**khpopo** · 22-04-2010 12:43 AM

الف مبروووك بيرسونا الجميله ربنا يديك خيرها ويكفيك شرها ...اهلا بيك
ربنا يوفق

**jisso82** · 22-04-2010 02:28 PM

1000 مبروك عليك و أنا برده الراجل قعد مدة مش عارف يحدد اللون و فى الآخر خليته يكتب رمادى و هو مش مقتنع

**د.محمود صلاح** · 22-04-2010 04:45 PM

الف مبروك ربنا يحفظهالك من السوء

**pedro732000** · 24-04-2010 01:27 PM

انا برده استلمتها الاسبوع اللى فات من التوكيل اللى فى ابو رواش وكان من الاستاذ محسن صالح
وهناك قابلت م/امر بجد شخصية ترتحلها
اوع تكون انت اللى اخد منى الميتال جراى مانيول هاي لاين وساب ليا الاسود
ممكن اكلمك على الخاص عشان ليا شويه استفسارات عشان لسه مرخصتش ولو على الموبيل يكون احسن
0107784320

-

الموضوع: أستلمت البرسونا واستفسار

LinkBack

أدوات الموضوع

عرض

أستلمت البرسونا واستفسار - انشر الموضوع فى :

-

-

-

-

-

-

المواضيع المتشابهه

شكر واستفسار

خبر حلو وخبر وحش واستفسار

مقارنه واستفسار

تعارف واستفسار

الكلمات الدلالية لهذا الموضوع

المفضلات

المفضلات

ضوابط المشاركة