الموضوع: سؤال فى تجميع كمبيوتر (لمهندسين الكمبيوتر & مهندسين الصوت & الهواة)

المشاركة الأصلية كتبت بواسطة Ezzat-fayek

لا تعليق ايه بس يا باشا

لو انا غلط في حاجة قولي
مفيش حد فينا معصوم من الخطا
و بعدين احنا هنا كلنا اعضاء هدقنا الاستفادة
يعني وجهني و انصحني

شكرا على اهتمامك
مافيش غلط ولا حاجة
و طبعا احنا هتا كلنا اخوان وبنسعى اننا نساعد بعض
تعالى نتكلم بمنطقية
النزول من تكنولجى للتكنولجى الاحدث بياخد وقت اد اية من شهرين الى ثلاثة و اية مصير التكنولجى الاقدم نزول سريع جدا فى السعر فلو عايز احدث حاجة بعد ثلاثة اشهر بحد اقصى هيبقى الي دافع فية اربعة الاف سعرة حوالى ثلاثة الاف وبعد ثلاث شهور تانى هيبقى الفين و هكذا
ودة ينطبق على اى حاجة فيها تكنولجى زى الموبيلات و الكمبيوتر تلفزيونات كاميرات و قيس على حاجات تانية
و تعالى نشوف الفرق بين التكنولجى
من برسوسير الى بروسيسر المستعمل العادى مايحسش بية
يعنى الموضوع محتاج حد محترف علشان يحس بالفرق
تانى حاجة انا كان قصدى لما اقترحت انة يجيب حاجة اصلية تكون جديدة مش مستعملة انا قلت لو كان معندوش معرفة بأجزاء الكمبيوتر او خبرة تخلية يعرف اية الكويس من الى مش كويس
فالاضمن يجيب حاجة اصلية و المركات كثير زي hp او lenovo وطبعا مش كل الماركات مستعمل يعنى فية الجديد و حديث جدا لاكن هيكون الغش فية صعب
احكيلك حكاية البداية من حوالى سنتين واحد صاحبي قالى اكتبلى مواصفات كمبيوتر جيدة قلتلة استنا ننزل مع بعض لشرائة قال ماتتعبش نفسك و احد قريب واحد صحبى عندة محل كمبيوتر هيدينى بسعر الجملة و قلتلة انت حر و كتابتلة المواصفات عطل الكمبيوتر اكثر من مرة ويقلى شفلى فية اية كنت ارفض علشان مزعلوش لما هقولة اية الى فى الكمبيوتر لانى كنت متوقع المهم من اسبوع كدة اتك عليا و جابلى الكمبيوتر طبعا لقيت اكثر مما انا كنت متوقع حجات كثير بس المهم و الاكثر انة كان بايعلة الكمبيوتر على انة p4 وطلع سيلورن طبعا انت عارف الفرق سواء مادى او جودة (فهمت و جهة نظرى)
اخر حاجة متزعلش منى لان جرى العرف ان كل شخص لا يتقبل اى راءى مخالف لرءية فحسيت من كلامك دة علشان كدة قلت مش هاعلق بس الظاهر انى كنت غلطان
على العموم معرفة خير
وانا اول جهاز جبتة كان مستعمل ب 8000 جنية سنة 1995 يعنى انا قديم و ياما اضحك عليا لغاية ما اتعلمت

توضيح نقطة بس Creative X-Fi Xtreme Audio السعر 420 جنيه
هو كارت سئ جدا و هو عبارة عن كرت ضعيف من العائلة الاقدم و تم اعادة تسميته و نزل بالسعر ده
لكن اداءه سئ و لا يستحق المبلغ المدفوع فيه
لذلك الافضل شراء Creative Sound Blaster 5.1 و ده كارت احسن شوية صغيرة عن كارت الصوت المدمج في اغلب انواع الماذربورد و بسعر معقول
او الانتقال الي Creative X-Fi Titanium و ده اول كارت حتحس معاه باداء قوي و صوت متميز سواء تشغيل او تسجيل او كارت اعلي لو الميزانية تسمح و اذا كنت محتاج الكارت بفرونت باي بانل(Front Bay) و لا لا
او مستعمل و ممكن تلاقي كروت كويسة في حدود 200-300 جنيه زي اكستريم ميوزك و الاكستريم جيمير و تايتينيوم
بالنسبة للمايك احسن مايك للتسجيلات الاحترافية هو انواع سوني و دي تلاقيها في المحلات المتخصصة زي العجيل و ممكن في العتبة و ساعتها تختار علي حسب احتياجاتك و الجودة اللي انت محتاجها و لو حتشتغل انالوج و لا ديجتال
ايضا انت محتاج مساحات تخزين كبيرة لو محترف صوت و بتسجل حاجات عالية الجودة