الموضوع: سؤال فى تجميع كمبيوتر (لمهندسين الكمبيوتر & مهندسين الصوت & الهواة)

المشاركة الأصلية كتبت بواسطة aymanmaly

شكرا على اهتمامك
مافيش غلط ولا حاجة
و طبعا احنا هتا كلنا اخوان وبنسعى اننا نساعد بعض
تعالى نتكلم بمنطقية
النزول من تكنولجى للتكنولجى الاحدث بياخد وقت اد اية من شهرين الى ثلاثة و اية مصير التكنولجى الاقدم نزول سريع جدا فى السعر فلو عايز احدث حاجة بعد ثلاثة اشهر بحد اقصى هيبقى الي دافع فية اربعة الاف سعرة حوالى ثلاثة الاف وبعد ثلاث شهور تانى هيبقى الفين و هكذا
ودة ينطبق على اى حاجة فيها تكنولجى زى الموبيلات و الكمبيوتر تلفزيونات كاميرات و قيس على حاجات تانية
و تعالى نشوف الفرق بين التكنولجى
من برسوسير الى بروسيسر المستعمل العادى مايحسش بية
يعنى الموضوع محتاج حد محترف علشان يحس بالفرق
تانى حاجة انا كان قصدى لما اقترحت انة يجيب حاجة اصلية تكون جديدة مش مستعملة انا قلت لو كان معندوش معرفة بأجزاء الكمبيوتر او خبرة تخلية يعرف اية الكويس من الى مش كويس
فالاضمن يجيب حاجة اصلية و المركات كثير زي hp او lenovo وطبعا مش كل الماركات مستعمل يعنى فية الجديد و حديث جدا لاكن هيكون الغش فية صعب
احكيلك حكاية البداية من حوالى سنتين واحد صاحبي قالى اكتبلى مواصفات كمبيوتر جيدة قلتلة استنا ننزل مع بعض لشرائة قال ماتتعبش نفسك و احد قريب واحد صحبى عندة محل كمبيوتر هيدينى بسعر الجملة و قلتلة انت حر و كتابتلة المواصفات عطل الكمبيوتر اكثر من مرة ويقلى شفلى فية اية كنت ارفض علشان مزعلوش لما هقولة اية الى فى الكمبيوتر لانى كنت متوقع المهم من اسبوع كدة اتك عليا و جابلى الكمبيوتر طبعا لقيت اكثر مما انا كنت متوقع حجات كثير بس المهم و الاكثر انة كان بايعلة الكمبيوتر على انة p4 وطلع سيلورن طبعا انت عارف الفرق سواء مادى او جودة (فهمت و جهة نظرى)
اخر حاجة متزعلش منى لان جرى العرف ان كل شخص لا يتقبل اى راءى مخالف لرءية فحسيت من كلامك دة علشان كدة قلت مش هاعلق بس الظاهر انى كنت غلطان
على العموم معرفة خير
وانا اول جهاز جبتة كان مستعمل ب 8000 جنية سنة 1995 يعنى انا قديم و ياما اضحك عليا لغاية ما اتعلمت

علي فكرة انا مدتوش اعلي حاجة و لا احدث حاجة
انا اديتة افضل قطع تحقق معادلة اداء مقابل سعر و برضة مغلتلوش عن 2000 جنية غير بحاجة بسيطة " دة طبعا من غير شاشة "
بس انا برضة غير محبذ لفكرة الاجهزة الجاهزة "

المشاركة الأصلية كتبت بواسطة AhMeD EzZ

بص يا باشا انا هعماك تجميعة اغلي شوية من الميزانية بتاعتك بس افضل كتير بالنسبة لاستخدامك
و مش هتغير حاجة فيها لمدة 4 سنوات نهائي

Phenom II X2 550 3.1GHz, 7MB Total Cache, 4000MT/s Bus السعر 550 جنيه

دة بروسيسور بينزل السوق علي انة ثنائي النواة بس هو في الحقيقة رباعي تم تعطيل نواتين منة من قبل الشركة لاسباب تسويقية
برحكة بسيطة اوي من البايوس بنفتح النواتين و يبقي رباعي النواة

MSI 770-C45 السعر 385 جنيه

مازربورد تصنيع شركة اسوس تحتوي علي الشيب 770 و هي جيدة جداا
و بها كارت صوت هاي ديفينشن و لان و بعا اربع اماكن رامات ddr3
XFX HD 4770 512MB GDDR5 السعر 725 جنيه

كارت شاشة ATI يشغلك معالك جميع الالعاب الحالية و القادمة

Kingston 2GB DDR3 bus 1333MHz CL9 السعر 295 جنيه

رامات 2 جيجا ddr3 كافية جدااا لاستخدامك حاليا و لو حبيت تزود في المستقبل تجيب واحدة زيها كمان

Western Digital Blue 500GB AAKS 16M Cache SATAII السعر 280 جنيه

هارد 500 ويسترن ديجيتال

Cooler master Elite,335 + cooler master 400W السعر 320 جنية

كيسة ذات تهوية جيدة جدااا للحفاظ علي درجات الحرارة و الباور صبلاي الي فيها جيد جداااا و ليس باور تجاري

BenQ 18.5" G922HDL LED 16:9/5,000,000:1/1366x768 السعر 675 جنيه

شاشة مقاس 19 تعمل بتقنية ال led التي تتميز بنقاء عالي جدااا

التوتال

3230

لو عايز تقلل عن كدة مفيش مشاكل و هتبقي كيسة كويسة برضة

ربنا يكرمك يا بشمهندس احمد عز علي المجهود الوفير جعله الله في ميزان حسناتك و الحقيقة كان نفسي حضرتك تكون من اسكندرية عشان اقدر استعين بيك في الشراء خصوصا في موضوع البروسيسور ثنائي النواة و حتي لو قابلت حضرتك في القاهرة اعتقد المتابعة بعد كده حتكون صعبة شوية

المشاركة الأصلية كتبت بواسطة aymanmaly

الكلام كلة هايل جدا و بعتبرة موسوعة
انا بس شايف ان محدش اتكلم على power supply لانة من اهم القطع الى لو اتجابت اي كلام ممكن تدمر الجهاز كلة علشان كدة ما تسترخش فى القطعة دى تحديدا يعنى يستحسن تجيب الكيسة بدون power supply و تجيب الpower supply لوحدة ماركة محترمة
تانى حاجة التكنولجيا سريعة جدا جدا يعنى لو نزلت تجيب الكمبيوتر دلوقتى اخر تكنولجى بعد شهرين ثلاثة بالكتير هتلاقى السعر بقى النص فالنصيحة خليك فى تكنولجيا متأخرة شوية من 6 الى 9 شهور بيكون سعرها نزل و اسقر و بالتالى ماتحسش بخسارة مادية كبيرة
ثالثا الفروق فى التكنولجى مش كبيرة اوى زى ما الناس متخيلة
رابعا خليك فى حاجة original الفروق مش كبيرة سعريا لو انت مش فاهم كويس فى الكمبيوتر لان المضروب منتشر والمهنة دى صعب تلاقى حد عندة زمة يعنى اما ان تكون عى دراية تعرف اية الاصلى من المضروب او تستعين بصديق و ماتصدقش كلام المحلات
خامسة ال cd خليك ى السونى لان اغلب باقى المركات بعد الاستعمال كام شهر الباب بيعلق وحاول تجيبة اصلى طبعا
سادسا فية قطعة بدل الفلوبى بتبقى عبارة عن كارت ريدر و usp ماركة اسمها مانهاتن ماتنسهاش لان اغلب الريدر الخارجى بيعتبر بطيء
سابعا انا ساكن فى مدينة نصر بالقاهرة و انا تحت امرك لو عايزنى معاك فى عملية الشراء فانا لى بعض الاصدقاء ممكن يخدمونا فى الاسعار و ضمان ان القطع اصلية فى السراج تكنولجى مول
ثامنا نصيحة خلى الجهاز فى حدود 2000 ج ماتزودش عن كدة بدون شاشة
تاسعا لو الفلوس مش هاتكمل كل حاجة ممكن تجيب الاساسيات الاول و تبقى تزود الى انت عايزة بعد كدة مثال كارت الشاشة بيلد ان و بعد كدة تزود كارت شاشة ودة هايشغلك games زى fifa و ما شابه ودة بيوفرك مبلغ محترم
المهم اعرف استعمالك و على اساسة اشترى مش مجرد الغالى هو الاحسن ليك و الى احسن ليك مش هو الى احسن لغيرك

ربنا يباركلك يا استاذ ايمن و نصايحك عملية جدا و برضه كان نفسي تكون من اسكندرية للمساعدة في الشراء لاني مشكلتي اني اصبحت غير متابع لسوق الكومبيوتر من فترة و ربنا يخلي نايل موتورز اللي مجمع فطاحل في الكومبيوتر كده زي حضرتك و البشمهندس احمد عز
استفسار صغير ... بعد التجميعة الخطيرة دي اكيد اللي حيركبهم لازم طبعا يكون علي مستوي عالي من الاحتراف .. يعني مش اي يوزر عادي ممكن يركب الجهاز لان فيه بعض الاصدقاء و هم مستخدمين عاديين بيدعوا ان موضوع التركيب ده سهل جدا ..و لا ايه رأي حضرتك و اسف علي التأخير لاني بستخدم دلوقتي كومبيوتر الشغل