السرير كينج سايز يا كايرو
عارف يعنى ايه كينج سيز
عرض للطباعة
إلي MR. Cairo
يعني بتقول صحيح ماليش دعوة لو اي اتنين هايناموا في حجرة واحدة هما شواذ ولا لا ومقدرش افتش حجرتهم او اركب كاميرات زي ما انت قلت لان دي حرية شخصية
لكن ان يتجهز لهم غرفة شهر عسل ويتكتب انهم هاني مونرز ولا زفت مونرز لا دي مش حرية شخصية>>>>>>>>>>> يعني إلي مدايئك يا cairo إن الغرفة بيتم تجهيزها بقلوب وفوط ويتكتب انهم هاني مونرز. يا أخي لو عليهم هما ممكن يقضوها على أرض. إنت جيت في جمل يعني
وبعدين بتقول القانون المصري بيعاقب على الزنا حتي لو برضاهم لو اتمسكوا والزوج حرك الدعوي الجنائية ضدهم>>>>> أكيد لو الزوج أو الزوجة حرك دعوة لأنه وقع عليه الضرر ، بس لو هي مطلقة أو أرملة من هيحرك الدعوة ؟
ولو مش متجوزين بردو بيتعاقبوا بقضية اداب >>>> اداب لو فيه شقة مشبوهة بتدار في أعمال مشبوهة يعني رجالة داخلة وخارجة بيكبسوا عليها ، لكن واحد و واحدة مع بعض في غرفة على السطوح ، مع نفسهم
ولو في العلن ومجرد انك لمست ايد واحدة يبقي تحرش >>> طبعا داه لو واحد ماسك أيد أمه تحرش ، أي حاجة في العلن ،داه القانون في مصر .
يا جماعة الحرام حرام والحلال حلال ، بس لازم نحدد كويس إيه هي قوانين البلد وإيه هي الحرية الشخصية. البلد ماسكها من النص بمعنى انها بطبق القوانين إلي احنا عايزينها في اداب العامة علينا ، وبتعفي الاجانب منها . واحنا متغظين ليه الاجانب يتعفو منها. يانعيش عيشة فل يانموت احنا الكل.
قدرنا يا احمد يا كمال نعمل ايه بس
مش هو اللى قال عليه احمد كمال ده اللى بيجي في الافلام العربي ويفضلوا يتقلبوا عليه لغاية ما الفيلم يخلص او احنا ننام منهم من الملل ؟
يا اخي اللى مضايقني ان فيه جهر بالمعصية ومخالفة القانون يعني انت لو رحت ومعاك 2 ستات متجوزهم بس مش مثبوتين في الباسبور لبلادهم محدش هيقولك حاجة لكن لو مثبوتة في اوراق عندهم هنتحبس
نفس الشئ لو 2 رجالة ولا 2 ستات حجزوا غرفة واحدة محدش ليه دعوة بيهم
لكن انكم تجهزوا لهم الغرفة كشواذ ويبقي مكتوب كدة في الاوراق بتاعتكم وعارفين
معلش لا مؤاخذة دي عند الفلاحين اللى زيي بيتقال علي اللى بيعمل كدة كلمة مقدرش اقولها
وكل كلامك اللى بعد كدة ينطبق عليه نفس الكلام ما دام الخطأ في السر ولم يعلم به احد ولم يشاهده احد ليس لاي شخص ان يحاسبهم لكن الجهر بالخطأ هو الذي يوجب العقاب وده في الشرع والدين كمان وفي قوانينهم بردو زي ما وضحت في مثالي السابق
وانا مقولتش لو واحد ماسك ايد امه يبقي تحرش انا بقول لو واحد مسك واحدة يعني مفيش علاقة شرعية بينهم من اماكن من ايدها يبقي تحرش و ده القانون اللى بيقول مش انا من نفسي
وحضرتك بتطالب في لانهاية اننا نتساوي في النهاية مع الاجانب ويا نعيش عيشة فل يا نموت احنا الكل
انا شايف ان المساواة تبقي للعكس يعني هما اللى يتساووا بينا ويلزموا باحترام قوانينا والا يخلوهم في بلدهم واللى يجي يحترم القانون او يعاقب مش يتحجز لاتنين شواذ غرفة وتجهز لهم كمتزوجين
وقوانين البلد واضحة جدا انها بتمنع علاقات زي دي
نفسي اعيش في كوكب تاني
حسبي الله ونعم الوكيل
اسمحلي اغلطك في نقطتين - ولا تغضب مني-
أولاً: لا تضع نفسك موضع الشبهة أبداً... أنا أرفض ان اقف في موضع كهذا ومعي زوجتي وليس خطيبتي..
ثانياً: المجرمين دول بيعـتمدوا بالضبط على موضوع -اشتريت دماغي ده- هو عارف انه مالهوش سلطة لكنه بيعمل شغل عليك و لما بياخد منك الفلوس بيضحك عليك و بيعتبرك "زبون" بل و غالباً بيشتم و بيعتبر الفلوس اللي دفعتها دليل على انك كنت بتعمل حاجة غلط و بيحلل لنفسه انه ياخذ منك فلوس لانك من "اللي جاتهم البلاوي ...ملوا البلد.."!!! وده من اللي باشوفه من المواقف التي يتصادف أن اكون فيها في الجانب الآخر من القصة..
كما أنك بفعلتك هذه "شجعته" على الفساد و على تكرار الفعلة مع غيرك بجرأة اكبر..
تخيل أول مرة نزل يشتغل فيها حد و يعمل عليه شغل و"يقلبوا" في قرشين... تفتكر كان بيتصرف بنفس الجرأة ولا كان بيقدم رجل ويأخر رجل و لو اتشخط فيه كان جري ومعملهاش تاني؟؟
رأيي لو اي واحد أوقفك أو طلب منك أوراقك أو أي شيء آخر -خاصة لو لابس ملكي- أول خطوة: "ماتتهتش" و متتهزش... وحافظ على هدوئك طالما مبتعملش حاجة غلط
ثاني حاجة: بأدب إساله عن صفته وأصر على طلب كارنيه الشرطة ولا تستجيب له ما لم تر الكارنيه -(((وتمسكه بإيدك)))- ولو رفض قل له ايش ضمني انك مش من النصابين اللي بنقرأ عنهم في الجرايد؟؟ كما أن هذه هي تعليمات((الداخلية)) للمواطن: لا تستجيب لأي شخص بدون كارنيه شرطة.. بل حتى لو لابس ميري من حقك تطلب كارنيهه و على فكرة الضباط المحترمين بيقدروا ده و بيطلعوا الكارنيه فوراً..
ثالثا: امسك الكارنيه بإيدك وإقرأ بياناته بصوت عالي -لأنه بالتجربة ممكن تبص و متشوفش أي حاجة ودي حصلت معايا .. من رهبة الموقف بحلقت في الكارنيه دقيقة وماشفتش أي حاجة إطلاقاً- وطبعاً هم عارفين كويس الموضوع ده وممكن يكون كارنيه نادي شباب الوراق وكمان الصورة مش شبه اللي واقف أماماك.
رابع خطوة: لو كان اللي لابس ملكي شكله مريب: وانت ماسك كارنيهه اتصل بموبايلك بالشرطة "ولو تعرف نمرة القسم التابع له يكون أفضل" وقل لهم أمامي فلان الفلاني لابس ملكي وبيدعي أنه من مباحث كذا و أنا في الحتة الفلانيه وبيطلب مني كذا و كذا هل هو تبعكم؟؟
لو كل شيء قانوني المفروض مايعترضش على أي خطوة من السابقة بل و المفروض يتفهم و يرحب.. كما أنه سيشعر أنك عارف حقوقك. لو كان شرطة فعلاً لكن بيعمل شغل على الناس حيخاف وممكن تكون بكده ربيته.. لو هو بقى -لا قدر الله- نصاب ومنتحل شخصية شرطي فانت لازم تكون عامل حسابك للهرب من أول لحظة و لازم تسيبله الباب مفتوح للهرب علشان لا يؤذيك... يعني لو رفض يعطيك الكارنيه و حسيت انه ممكن يمشي سيبه يمشي و متلحش عليه لأنك لو زنقته حيتصرف بغباء وممكن يؤذيك..
و الخلاصة إننا شعب مايعرفش حقوقه علشان كده كله بيهبش في كله..
مرة زمان قرات كتاب مفيد إسمه (علشان ماتنضربش على قفاك..!!) مؤلفه ضابط شرطة سابق و هدفه يعرف المواطن على حقوقه علشان محدش "يركبه"... اللي يعرف يجيبه -وهو موجود على النت- حيفتح عينيه على حاجات كتير..
ده اللينك للي عايز يقراء الكتاب
ط§ظ„ظ…ظƒطھط¨ط© ط§ظ„ظˆط«ط§ط¦ظ‚ظٹط©: ط.ظ…ظ„ ظƒطھط§ط¨ ط¹ط´ط§ظ† ظ…طھظ†ط¶ط±ط¨ط´ ط¹ظ„ظ‰ ظ‚ظپط§ظƒ ظ†ط³ط®ظ‡ ظƒط§ظ…ظ„ط©
لازم عشان تتعامل مع الناس دي تكون شديد وعنيف جدا وهما هايخافوا منك لانهم شوية صيع لكن لو خفت منهم يبقى تستاهل اللي هايجرالك