روحت خطفت زيارة للمعرض النهاردة ساعتين
وبصراحة يسد النفس انه اي حد يروح اكتر من الوقت ده
فعلا مفيش اي تنظيم ولا انت عارف كل ناشر فين ولا الكتب اللي عندهم ايه ولا فيه بروشور للكتب الجديدة
انا مدمن المعرض وبروح من اكتر من 20 سنة
فعلا واضح ان الشيخوخة اصابتة زي كل مرافق بلدنا معرضين في يومن ورا بعض
جاتلي سدة نفس فعلا:(
خاصة مناظر الناس اللي فارشة ملايات وواخدين العيال يلعبوا كورة
وكل ما تدخل صالة عرض تشم ريحة تقلية كشري ولا قلي طعمية حاجة تقرف
ليهم حق العرب يضحكوا علينا فعلا مش هاقول الاجانب
اكتر ما صعب عليا فعلا طلبة العلم اللي واقفين قدام الكتب متحسرين على اسعار الكتب وبيسالوا عن التقسيط
خاصة طلبة العلم الشرعي اللي بيشتروا مراجع ومجموعات كتير وغالية
الله يعينهم
الله يرحمه معرض الكتاب زي معظم مرافق بلدنا
خرجت بدون شراء كتاب واحد بعد ما كنت بقعد احوش طول السنة عشان اعرف اشتري براحتي
وكنت حاطط ميزانية مفتوحة
اتقفلت بالضبة والمفتاح
امضاء واحد متغاظ جدا
المفضلات