الى الاستاذ عمرو عمارة

**ramykimo** · 23-04-2010 10:00 AM

محتاج مساعدة صغيرة ..انا عايز اشترى رينو كليو 2002 و فى واحدة حالتها كويسة استعمال سيدة عاملة 66 الف كيلو و سعرها 38500 ..العربية فى المهندسين .روحت شوفتها انا و واحد صاحبى.. العربية نص كماليات يعنى مافيهاش زجاج كهربه مثلا و هى فابريكة برة وجوه و بويه المصنع حالتها كويس و ده دليل الحفاظ عليها.... باين اوى انها متحافظ عليها و محدش بيركبها الا فين و فين....بس انا خايف كتر الركنة يأثر عليها.. هل ركنة العربية دى تعتبر مشكلة؟؟. و مشكلة معقولة ولا ايه؟؟و ايه بالظبط ممكن يكون حصلها.. بالمناسبة صوت الموتور منخفض جداااا و الاستبن مسرووووق
انا عجبانى العربية بالذات انها مش متهانه بس برضو ياريت تقولى لو فيه حاجة انا مش واخد بالى منها... طبعا المفروض اكشف عليها بس انا معرفش ميكانيكى كويس ولا اخدها محطة بنزين الى بيعملو كشف كامل.. ولا التوكيل؟؟ بالمناسبة ايه رايك فى السعر؟؟؟شكراااا

**عمرو عمارة** · 23-04-2010 03:12 PM

العربية شكلها نظيف ما شاء الله والسعر كويس

لو العربية عجباك توكل على الله......بس لازم تكشف عليها الأول

ممكن تكشف فى التوكيل أو عند محمد الشرقاوي في الحرفيين

**human** · 23-04-2010 03:36 PM

المشاركة الأصلية كتبت بواسطة عمرو عمارة

العربية شكلها نظيف ما شاء الله والسعر كويس

لو العربية عجباك توكل على الله......بس لازم تكشف عليها الأول

ممكن تكشف فى التوكيل أو عند محمد الشرقاوي في الحرفيين

استاذ عمرو
واحشنى والله

**عمرو عمارة** · 23-04-2010 09:46 PM

الله يكرمك طارق باشا

معليش أنا مقصر....بس ضغوط الشغل صعبة شوية

**ramykimo** · 23-04-2010 11:09 PM

مبدئيا انا خبرتى فى العربيات ضعيفة اوووى..العربية فى المهندسين عاملة 66 الف كيلو و استعمال خفيف و مركونة محدش بيركبها تقريبا.. جالتها حلوة من برة البويه بتاع المصنع زى ماهيه ماعدى الاكصدامين و الشنطة تقريبا.. اخدت العربية و روحت بنزينة شل فى المهندسين اعمل كشف كامل...الميكانيكى رفعها و فضل يلف حواليها و يشوف العفشة و ورانى ان فى لحام فى حامل الاكصدام الخلفى بس دى مش فى الشاسية( ناخد بالنا) ...بعد كده دور العربية الصوت منخفض و كويس و مافيش اى عيوب ظاهرة الا ان فى رعشة او رفة كدة فى هزة الموتور.. ابتدى يشيل الاربع بو جيهات واحد واحد فى تلاته منهم لما بيتشالو بيحصل تأثير واضح فى شغل الموتو و فى واحد مش بيعمل اى تلأثير لما يتشال...بدل البوجيه من كبل لكبل يعنى هو شاكك ان البوجيه سليم و السلندر هو اللى فيه مشكلة.. و حتى لمل بدل البوجيهات نفس الى بيحصل بيحصل مع نفس السلندر و حسب كلامه ان فى مشكلة فى طقم الرشاشات و طقم الصبابات و حسب كلامه برضو لان العربيه سخنت .. احب اضيف حاجة ان العربية بقالها فترةطويل تلت او اربع سنين محدش بيركبها...يعنى ملا التكيف عايز يتشحن و الكلاكس مش شغال و الاشارات مش شغالة اصحابها تقريبا نسيوها...انا مش عارف ااسيبها ولا اكشف تانى ولا اشترى على كده وايه السعر المناسب؟؟؟؟؟؟؟؟؟؟؟ مستنى الرد ضرورى

**ramy_gamal** · 24-04-2010 01:32 AM

شغل الرشاشات والصبابات غالى وشغله متعب الاحسن حضرتك تكشف عليها فى التوكيل هيديلك بيان مفصل عن حاله العربيه ...وبعدين مش كله بيفهم فى الرينو لازم متخصصين يعنى تمن الكشف ضمان لفلوسك

**عمرو عمارة** · 24-04-2010 01:32 AM

أولاً العربية دي ماينفعش ميكانيكي عادي في بنزينة يكشف عليها.......لازم متخصص أو مركز رينو

ثانياً العربية لما يتكشف عليها من ميكانيكي متخصص هو إلي هيحدد السعر المناسب بالنسبة للأعطال إلي فيها وطلاما الموضوع فيه صبابات, رشاشات, سخونة.....يبقى لازم كشف متخصص

ماتخليش إستعجالك ينتج عنه قرار خاطىء تندم عليه ......تريث قليلاً

**akmal_hamdi** · 24-04-2010 04:19 AM

الله عليك يا عمور

**medohai510** · 24-04-2010 08:11 PM

المشاركة الأصلية كتبت بواسطة عمرو عمارة

أولاً العربية دي ماينفعش ميكانيكي عادي في بنزينة يكشف عليها.......لازم متخصص أو مركز رينو

ثانياً العربية لما يتكشف عليها من ميكانيكي متخصص هو إلي هيحدد السعر المناسب بالنسبة للأعطال إلي فيها وطلاما الموضوع فيه صبابات, رشاشات, سخونة.....يبقى لازم كشف متخصص

ماتخليش إستعجالك ينتج عنه قرار خاطىء تندم عليه ......تريث قليلاً

السلام عليكم،،،
والله واحشني كتاباتك موت يا عمرو باشا وأتمني أن أراك فعلاً علي خير أن شاء الله.
أنا أضم صوتي لصوت الأستاذ/ عمرو عمارة لا تتعجل ولو شايف أنها تستاهل أكشف عليها في التوكيل أو عند ميكانيكي رينو من الناس الثقة بتوعنا والله الموفق.

**عمرو عمارة** · 24-04-2010 10:43 PM

أكمل حبيبي كيف حالك......واحشني يا كبير

محمد أخي الحبيب إن شاء الله أراك على خير.....معليش ضغوط الشغل

الموضوع: الى الاستاذ عمرو عمارة

LinkBack

أدوات الموضوع

عرض

-

-

-

-

-

-

-

-

المواضيع المتشابهه

إلى الأستاذ عمرو عمارة

الكلمات الدلالية لهذا الموضوع

المفضلات

المفضلات

ضوابط المشاركة