الموضوع: ميتشوبيشي موتورز تقرر سحب توكيل مصريه!!!

طالعنا اليوم الجمعه الموافق 23-4-2009 ملحق السيارات بجريدة الاهرام بالخبر التالي على صفحته الاولى ....

الشركه اليابانيه تعلن نيتها تغيير الوكيل المصري
الرواس: نطالب بتعويض 900 مليون دولار

كشفت شركة ميتسوبيشي موتور كورب اليابانيه أحد اكبر صناع السيارات في اليابان عن نيتها في سحب الوكاله من شركة مصريه وعدم التجديد لوكيلها فرج الرواس بعد 21 يوليو المقبل وارسلت اليه خطابا بذلك قبل انتهاء العقد ب6 اشهر وفقا لما هو متفق عليه بالعقد الامر الذي لم يرضي الوكيل المصري فرج الرواس مؤكدا ان لديه مستندات موثقه من وزارة التجاره والصناعه المصريه تؤكد احقيته في الوكاله مما دفع الرواس للجوء الى القضاء خشية ضياع ملايين الاستثمارات التي تم انفاقها على الماركه طوال 28 عام وتشريد اكثر من 6400 عامل وفني واداري يعملون داخل شركة مصريه .........

الكلام ده طبعا حقيقي لان في قضايا مرفوعه وواضح ان في قلق حاصل من شهر 2 على الموضوع ده من غير ما نعرف حاجه.
يا ريت البشمهندس طارق يوافينا بالتطورات اول بأول.

سمعت إشاعة بتقول
إن البافارية هيا إللي هاتأخد توكيل ميتسوبيشي
كلام لسه محدش متأكد منه

رجل الاعمال فرج الرواس قال انه بدون سبب مقنع وبرر التسعير الجديد انه بسبب الازمه العالميه وتفاوت سعر صرف العملات

اولا انا شايف ان ده ظلم للتوكيل خصوصا انه ما صدر منه شئ سئ او تقصير بل بالعكس ان فترة التعاقد بينهم ممتدة حتى عام 2013 وانا شايف ان لو التوكيل اتسحب المصريه هتتعرض لخسارة فادحه وتشريد الالاف من الوظفين وخراب ديار يعني لمجرد ان جالهم مزاج بكده !!!!

المشاركة الأصلية كتبت بواسطة ralliart

دول يابانيين مش مصريين واكيد القرار مجاش بمجرد مزاج والبزنس مفيهوش تعاطف وتشريد والحوارات دي (ده لو هيحصل تشريد اساساً) لانهم هيفضلو شغالين عادي

انا عارف انهم يابانيين , وثانيا انا عارف انهم هيفضلوا شغالين لكن على اعتبار انهم مراكز خدمه مش اكتر لان الي عربيته جديده ولسه في الضمان مش هيروح يعمل عندهم الصيانه مش علشان حاجه علشان انهم مش معتمدين وهيروح للتوكيل المعتمد علشان صياناته تفضل مستمرة وما يخرج بره الضمان والواحد اساسا بيحب يعمل اي شغل في العربيه في التوكيل لانهم الافضل ,, وبالنسبه طيب لالاف السيارات الي (المصريه )اشتريتها هيبقى ايه موقفها ؟ انا شايف لو الحل الوحيد سحب التوكيل يبقى في المقابل لازم تعويض مناااااااسب

المشاركة الأصلية كتبت بواسطة kemoelord

انا عارف انهم يابانيين , وثانيا انا عارف انهم هيفضلوا شغالين لكن على اعتبار انهم مراكز خدمه مش اكتر لان الي عربيته جديده ولسه في الضمان مش هيروح يعمل عندهم الصيانه مش علشان حاجه علشان انهم مش معتمدين وهيروح للتوكيل المعتمد علشان صياناته تفضل مستمرة وما يخرج بره الضمان والواحد اساسا بيحب يعمل اي شغل في العربيه في التوكيل لانهم الافضل ,, وبالنسبه طيب لالاف السيارات الي (المصريه )اشتريتها هيبقى ايه موقفها ؟ انا شايف لو الحل الوحيد سحب التوكيل يبقى في المقابل لازم تعويض مناااااااسب

مصريه مش المصريه
مصريه = فرج الرواس
المصريه = احمد ريان
الوكاله السيارات الى عندها يابيخدها التوكيل الجديد ويدفع يابيستمر القديم فى بيعها
والضمان بيفضل مستمر معه زى الدايو من ابو الفتوح لمنصور