الموضوع: ميتشوبيشي موتورز تقرر سحب توكيل مصريه!!!

المشاركة الأصلية كتبت بواسطة kemoelord

اولا انا شايف ان ده ظلم للتوكيل خصوصا انه ما صدر منه شئ سئ او تقصير بل بالعكس ان فترة التعاقد بينهم ممتدة حتى عام 2013 وانا شايف ان لو التوكيل اتسحب المصريه هتتعرض لخسارة فادحه وتشريد الالاف من الوظفين وخراب ديار يعني لمجرد ان جالهم مزاج بكده !!!!

اولا هو مقصر جدا شوف الشكاوي من طبيعة مراكز الصيانة اد ايه لولا جهود العاملين زي المهندس طارق كان التوكيل ده وقع الارض من زمان بسبب مراكز الصيانة
صانيا الشركة مش غبية هما ليهم حق ينهوا الوكالة بشرط الاخطار قبلها ب6 شهور وهما عملوا كدة
ثالثا العاملين يا اما هيفضلوا في المصرية لما تبقي موزع او الوكيل الجديد يشتري مراكز الصيانة الموجودة والعاملين يفضلوا في الحالتين يعني يمكن يكون ربنا رايد لهم الخير لان اكيد الوكيل الجديد لازم هيستعين بيهم لانهم اللى فاهمين العربية وهايبقي مش عايز دروب في الاول

المشاركة الأصلية كتبت بواسطة smax

الكلام دة يعني ان في مشاكل في زيادة نسبة الربح في العربيات, اعتقد بسبب المبالغة في سعر الشارك و كمان عدم تنزيل سعر البومة بعد ما بقيت مش اخر موديل.

الباشا رافع القضية بيقول انه خسر 200 مليون دولار المكاسب المتوقعة عن ال5 سنين القادمة يعني كان بيكسب صافي 40 مليون دولار في السنة يعني 225 مليون جنيه
طب بذمتك ده حلال ولا حرام لانه عمره ما كان بيبيع اكتر من 10 الاف عربية في السنة يعني متوسط مكسب العربية الواحدة سواء كبيع او صيانة في الضمان بيوصل الي 23 الف جنيه في العربية صافي مصفي بعد كل المصاريف

المشاركة الأصلية كتبت بواسطة kemoelord

انا عارف انهم يابانيين , وثانيا انا عارف انهم هيفضلوا شغالين لكن على اعتبار انهم مراكز خدمه مش اكتر لان الي عربيته جديده ولسه في الضمان مش هيروح يعمل عندهم الصيانه مش علشان حاجه علشان انهم مش معتمدين وهيروح للتوكيل المعتمد علشان صياناته تفضل مستمرة وما يخرج بره الضمان والواحد اساسا بيحب يعمل اي شغل في العربيه في التوكيل لانهم الافضل ,, وبالنسبه طيب لالاف السيارات الي (المصريه )اشتريتها هيبقى ايه موقفها ؟ انا شايف لو الحل الوحيد سحب التوكيل يبقى في المقابل لازم تعويض مناااااااسب

التوكيل ما زال مستمر معاه لنهاية شهر 7 يعني اي عربيات جديدة جابها هتكون اتباعت
واللى اشتري عربية هيتنقل الضمان للوكيل الجديد

المشاركة الأصلية كتبت بواسطة turch

مظنش ان الموضوع هايكون فيه مشاكل بالنسبه لملاك العربيات حتى على اسوء الافتراضات والوكيل اتغير اكيد كل حاجه هاتنتقل ليه مباشرةً سواء ضمان او خلافه وده رئيي الشخصي ونفسي التوكيل يفضل مع الرواس الراجل شغال في الميتسوبيشي بقاله 28 سنه وبعدين يقولولوا بخ خالتك في العش ولا طارت كفايه ال مبيعات اللي حققها والشهره اللي اداها للعربيه شوفوا في كام بومه ماشيه في الشارع؟

لا بخ ولا عو راجع اخر 5 سنين هتلاقي ان العربية اتدهور حالها بشكل رهيب
ومفيش اي دعاية لها يعني العربية كانت بتتباع علشان كويسة مش اكتر انما الوكيل مالوش اي جهد في البيع وبعد ده كله طالب 700 مليون خسايره علشان تدريب المندوبين والدعاية
وحاسب كمان تمن المراكز اللى اتعملت رغم انه لو باعها ارض بس دلوقت هيكسب عشرات اضعاف ما كلفته
وبعدين ميتسوبيشي منزلة كام موديل في اليابان وكام موديل في مصر
مصر مفيش غير اللانسر والباجيرو على استحياء

المشاركة الأصلية كتبت بواسطة h_a_t_em

طيب يا جماعه لو كنت بفكر اشتري الشارك فهل استني شويه ولا ايه ياريت حد يقولي

رايي تستني شوية لاخر السنة تكون الاوضاع بدات تستقر ومين عالم يمكن الوكيل الجديد ينزل باقي موديلات ميتسوبيشي