الكاوتش؟؟

**Ralliart** · 22-04-2010 08:55 PM

انا كنت مريت بتجربه زباله مع الهانكوك اللي نصحني بيه كذا واحد بتاع كاوتش واخدو مني كاوتش الفابريكه
وبقاله معايا 40 الف كيلو ومن يومين في فرده اخدت قطع كبير من الجنب
فقلت كفايه عليه كده وهو ناشف وصوته عالي ورخم

فكنت عايز اعرف اجيب ايه يكون طري على العفشه وصوته واطي
انا ناوي اجيب بريدجستون ان شاء الله بس في كذا نوع من البريدجستون وكنت سمعت ان فيه موديل اسمه سوبر سايلانت تقريباً
فيا ريت حد يقولي اجيب موديل ايه بالضبط والمقاس المناسب للجنط الاصلي (15)بتاع العربيه ايه ؟؟؟ وهل اجيبه من توكيل بريدجستون ولا من حته تانيه
وجزاكم الله خيراً...........

**eng_ahmedryad** · 22-04-2010 09:49 PM

بريدجستون تورينزا Turanza ، بيشكروا فيه جداااااااااااا ، هاشوفلك مشاركه عنه

**eng_ahmedryad** · 22-04-2010 09:55 PM

الموضوع :

http://www.nilemotors.net/Nile/13762...post3872508119

وهات نفس المقاس الأصلي اللي كان راكب ، وممكن تجيب المقاس من على القايم بتاع باب السائق .

**mohamedway** · 22-04-2010 10:20 PM

Bridgestone TURANZA GR-80 made in japan 195/60/R15

توكيل بريدجستون اللى انا اعرفه موجود فى بنزينة كالتكس عباس العقاد و خلى بالك الموديل ده له اتجاه دوران و فيه سهم على جنب العجله بيوضح ده فا متخليش حد جاهل يركبهولك مقلوب

**Ralliart** · 22-04-2010 10:59 PM

الف شكر يا eng_ahmedryad & mohamedway
ان شاء الله هسأل عليه في فرع المنيل وهركبه عندهم
بس هو آخر سعره كام ؟؟ وصوت احتكاكه مع الارض عالي ولا لأ علشان انا جبت جاز من الهانكوك ؟؟؟ وهو الكاوتش المفروض بيتغير كل كام كيلو؟؟ وتاريخ الانتاج المفروض يبقى في رينج كام؟؟
معلش خنقتكم بالاسئله وربنا يجعله في ميزان حسناتكم

**sam_zen_elden** · 22-04-2010 11:17 PM

المفروض ان الأطارات بتتغير كل 50.000 كم ماعدا اطارات الزيرو يتم تغييرها على 40.000كم على اعتبار انة حصل لها فترة تخزيين ويفضل ان لاتشترى اطارات مخزنة لأكثر من سنة وعلى فكرة تاريخ انتاج الأطار بيكون مكتوب علية فى شكل الأسبوع رقم ؟؟ بجوار اول رقميين من العام

**Ralliart** · 22-04-2010 11:26 PM

المشاركة الأصلية كتبت بواسطة sam_zen_elden

المفروض ان الأطارات بتتغير كل 50.000 كم ماعدا اطارات الزيرو يتم تغييرها على 40.000كم على اعتبار انة حصل لها فترة تخزيين ويفضل ان لاتشترى اطارات مخزنة لأكثر من سنة وعلى فكرة تاريخ انتاج الأطار بيكون مكتوب علية فى شكل الأسبوع رقم ؟؟ بجوار اول رقميين من العام

شكراً على المعلومات دي وانا كنت مغير كاوتش الفابريكه على 65 الف ومكانش فيه مشاكل وتقريباً الراجل فكه وباعه

وان شاء الله هشوف تاريخ الانتاج
وربنا يبعد المسامير عن كاوتشاتكم

**eng_ahmedryad** · 23-04-2010 12:07 AM

المشاركة الأصلية كتبت بواسطة ralliart

الف شكر يا eng_ahmedryad & mohamedway
ان شاء الله هسأل عليه في فرع المنيل وهركبه عندهم
بس هو آخر سعره كام ؟؟ وصوت احتكاكه مع الارض عالي ولا لأ علشان انا جبت جاز من الهانكوك ؟؟؟ وهو الكاوتش المفروض بيتغير كل كام كيلو؟؟ وتاريخ الانتاج المفروض يبقى في رينج كام؟؟
معلش خنقتكم بالاسئله وربنا يجعله في ميزان حسناتكم

العفو ياباشا ، وتحت أمرك في أي أستفسار .

بالنسبة لأحتكاكه ، ماعنديش فكرة ، بس اللي جربوه قالوا أنه معقول جدا ، وأنا مركب بريدجستون b250 وصوتها هادي مع أنها أقل من التورنزا ، يعني التورنزا المفروض تبقى أحسن كمان .

بالنسبة للصنع ، الأفضل مايكونش عدى عليه أكتر من 6 شهور ، وأعتقد أن الموجود عند التوكيل المفروض إنتاجه يبقى جديد .

بالنسبة للتغيير ، دي بترجع لعوامل كتير ، أول حاجة النقشة لو أتمسحت يبقى لازم يتغير ، كمان بيرجع لحالة الكاوتش بشكل عام ، يعني لو الفردة لسه طرية ومش مشققة وماتعملش فيها إصلاحات كتيرة يبقى ممكن تقعد ، وعموما في ناس بتنصح أنها تتغير كل 6 سنين أو 60 ألف أيهما أقرب .

**mada121977** · 23-04-2010 03:00 AM

عن نفسى انا مغير الكاوتش عند 50 الف كم بكاوتش لاسا تركى ومكتوب عليه مصنع بريدجستون فى تركيا والفرده كانت عامله 270 والحمدلله لغايه دلوقتى الكاوتش كويس جدا وصوته هادئى وانعم من الكاوتش الاصلى

**el931** · 23-04-2010 04:22 AM

انا معى لانسر 2010 والكاوتش اللى فيها مقاسة
195/60/15r / h88 وانا شايف ان حضرتك تشوف المقاس الاصلى للكاوتش وبيبقى مكتوب بالكتالوج بتاع العربية لانة فية حاجات مهمة لازم تخلى بالك منها مثل مقاس الكاوتش علشان العفشة وكمان الرقم المكتوب مثل 88h
h يعنى اقصى سرعة 210 كم / س
88 يعنى اقصى حمولة للفردة الواحدة 560 كج
اما موضوع عمر الكاوتش فالبعض ذكر ان يتغير على 50 الف فرجاء ذكر مصدر المعلومة للاهمية مع الشكر لانى عامل 12 الف كيلو فى 7 شهور وبالمعدل دة يبقى عايز اغير الكاوتش على اخر السنة دى