الموضوع: لية المساجد ماتشتريش جهاز التشويش على الموبايلات؟؟؟؟؟

جهاز التشويش دا ممنوع استخدامه بدون تصريح من الداخلية..والداخلية تقريبا لا تعطي تصاريح إلا للمستشفيات التي بها غرف رعاية مركزة فقط..

أتمنى الناس تهتم و هي داخلة للقاء ربها كما تهتم لو قابلت المحافظ مثلا ..
مش بعيد يقفلوا الموبايل قبلها بيومين ..

أنا فاكر من فتره إن شركات الموبايل تفسها إشتكوا من الأجهزه دية وقالو إنها بتأثر على مستوى الخدمه بتاعتهم.

المشاركة الأصلية كتبت بواسطة خالد

ربنا يكرمك أخى الفاضل
بيوت ربنا كتيييييييييييييييييييييير ة جداً ، وكتير منها يحتاج تبرعات
أحنا الحمد لله مبسوطين ومش محتاجين حاجة والحمد لله " فضلاً من الله ونعمة"
أنا بس كنت برد على الأستاذ محمد العصار ، وبلفت نظره أن مش كل الجوامع بيبقى فيها فلوس كتير
أنت بس تجيب اللى شايفه ناقص أو محتاجه الجامع من وجهة نظرك وتقدمه للى ماسك الجامع وخلاص ، وأجرك وثوابك على الله
شكراً جزيلاً مرة أخرى أخى الفاضل ،
أنا بس هاقول لحضرتك على حاجة ، العيلة بتاعتنا كلها زى حضراتكم تعليم عالى ، ووظائف محترمة والحمد لله ، ومستورة معانا كلنا ولله الحمد ، ولكن " تحسبهم أغنياء من التعفف "
مرة كلمت الخطيب يوم الجمعة أنه يعلن فى الميكرفون أن الناس ماتنساش التبرع للمسجد ، وقد كان وأعلن ، والله كنا فى نص هدومنا ومكسوفين جداً أنا وأخواتى ( المسجد فى نفس العمارة اللى ساكنين فيها أنا وأخواتى )، حسينا زى مايكون بنطلب فلوس لينا ، وعمرها ماتكررت تانى وأخويا زعل منى جداً وقاللى الناس كلها عارفة كل حاجة المفروض انه بيتبرع للمسجد من غير ماحد ينبهه ، وعليها عمرنا ماتكلمنا ولا نبهنا حد ، والحمد لله ربنا بيكافئنا كتييييييييييييير من حيث لانعلم

ربنا يكرمك ان شاء الله ويجعله في ميزان حسناتك واللي يساعد مش شرط انه يساعد بفلوس ممكن يساعد بمجهوده كمان او ينظف مع حضرتك وجزاك الله كل خير

المشاركة الأصلية كتبت بواسطة ecybrarian

جهاز التشويش دا ممنوع استخدامه بدون تصريح من الداخلية..والداخلية تقريبا لا تعطي تصاريح إلا للمستشفيات التي بها غرف رعاية مركزة فقط..

كلام حضرتك مظبوط
بس بالأحرى جهاز تنظيم الاتصالات هو اللي مانع استخدام الأجهزة دي
شركات المحمول المتضررة من التشويش بتقدر بسهولة ترصد أماكن التشويش ده وبتحدد لجهاز تنظيم الاتصالات المكان، والجهاز بيبعت مختصين في وقت وجيز جداً يصادر الجهاز ويعمل قضية للي بيستخدمه

المشاركة الأصلية كتبت بواسطة أبو حمزة

كلام حضرتك مظبوط
بس بالأحرى جهاز تنظيم الاتصالات هو اللي مانع استخدام الأجهزة دي
شركات المحمول المتضررة من التشويش بتقدر بسهولة ترصد أماكن التشويش ده وبتحدد لجهاز تنظيم الاتصالات المكان، والجهاز بيبعت مختصين في وقت وجيز جداً يصادر الجهاز ويعمل قضية للي بيستخدمه

يعنى مستحيل استخدامة فى المساجد شكرا على المعلومة وجزاك الله كل خير