الموضوع: بجد انا عايز مساعده

المشاركة الأصلية كتبت بواسطة Nour_safwan

شوف يا أخ معتز الريس بتاعك في حاجه إسمها مصوجر للجادون ممكن لما تركنه عند صاحبك تصوجره وممكن كمان تجيبلك جهاز إنذار ضد السرقة لو خايف عليه أكتر ممكن تجيبلك جنزير وتربطه في عامود النور زي همام في أمستردام لما ربط العربيه في العامود
أما بالنسبة للـ r والـ rr
الـ 400 الـ r دي العاده والـ rr تبقى فاير بليد والمكن الـ 250 نفس الكلام
بس خلي بالك من نقطه إن أخر موديل في الـ 400 العاده الي هو موديل 91 إتكتب عليه rr بس هو مش فاير بليد ده كان أخر موديل فاصل بين العاده والفايربليد
أما بالنسبه للفرق بين الفاير بليد والعاده إن الفاير بليد بيكون موتوره حامي شويه عن العاده غير إنه أحدث من العاده لإن الـ 400 العاده من سنة 87 لغاية 91 والفاير بدأ من 92 لغاية 98
والمكن الـ 250 العاده بدأ من 87 لغاية 89 والفاير 250 بدأ من 90 لغاية 98 أما بالنسبه للكاوتش لازم يكون تيوبلس عشان تمشي تحط في بطنك بطيخه صيفي مابيتخرمش ولو إتخرم تنفخه وتمشي بيه طول النهار بس لو وقفت شويه حوالي ساعه ولا حاجه تنام الفرده منك تزودها وتمشي بيها تاني وهكذا لغاية ما تنوي تلحم الخرم

المشاركة الأصلية كتبت بواسطة Nour_safwan

أما بالنسبه للأسعار
مثلا المكن الـ cbr 250 عاده بيبدأ من 9000 لغاية 15000
والفاير 250 بيبدأ من 13000 لغاية 18000
والمكن الـ cbr 400 بيبدأ من 13000 لغاية 19000
والفاير 400 بيبدأ من 17000 لغاية 25000
بتفرق بأه من ناحية إيه هاقولك من أعلى سعر لأقل سعر
- إفراج وممشيش في مصر وفيه تعديلات جاي بيها من بره
- إفراج وممشيش في مصر بدون تعديلات نهائي
- إفراج بس ماشي في مصر بدون نمر وحالته حلوه
- منمره وحالتها ممتازه كسر الزيرو زي الإفراج
- إفراج وماشي في مصر بدون نمر وحالته العامه تعبانه
- منمره وحالتها على قدها مشي حالك وشدها واحده واحده
- مع العلم أي كسر في الشاسيه أو أي حل في الموتور بيخفس بتمن أي مكنه الأرض

مع ان ماليش في الريس خالص ,, بس كلامك فعلا منظم ومفيد ,,وخدت فكره عن الموضوع ,,, شكرا على المعلومات

تحياتي