اسمحولي اسجل رأي في هذا الموضوع...
أولا: الأستاذ أبو ليلى بيشكر في عربيته, و بيمارس هوايته في الكتابه (على حد تعبيره) في انه
بيكتب عن عربيته اللي بيحبها كلام هو شايفه, و بيعبر عن وجهة نظره.... و ده حقه الكامل طبعاً
ما ينفعش اقول لواحد ماتشكرش في العربيه الفلانيه, و لا اقدر اقوله اشكر فيها او حبها... حرية رأي
ثانيا: بالكلام عن الأعضاء الجدد, فالأستاذ أبو ليلى من الأعضاء الجدد بردو, و الأساتذه اللي
قالوا تعليق عن السيراتو (ضد التيار) بردو جدد... يعني الفرق الوحيد هو الرأي, و هما أحرار
في رأيهم, زي ما الأستاذ ابو ليلى حر في رأيه... و لو هما كانوا متابعين و فجأه عملوا عضويات
جديده علشان يقولوا ان السيراتو وحشه... فبردوا أكيد حضرتك كنت متابع و فجأه عملت عضويه
جديده و بتشكر في السيراتو... طيب ايه الفرق..؟؟؟
و سواء عضو قديم او جديد فالاحترام للشخص و الرأي موجود, لأنه مالوش دعوه بقديم و جديد
أنا شخصيا, ضد الأعضاء الجدد و الموجهين اللي تدخل تمجد و تعظم في عربيه معينه.....
أو تهاجم و تشتم عربيه معينه, لأني بحس انه داخل بس علشان وظيفه محدده, و هي التمجيد,
أو المهاجمه... و الاثنين أنا ضدهم بصراحه....
لأن ده مش رأي... ده مجرد شحن سواء بالايجاب او بالسلب... لأنه مالوش أي اساس في الواقع
ثالثا: اسمحلي اسجل اعتراضي على اسم الموضوع لأنه و زي ما سعادتك ذكرت هو نفس العنوان
لأعلان مشهور, و كل الناس ضدد هذا الأعلان و معناه و الهدف من هذا المعنى, و الغريب انك
ذكرت ده في أول الموضوع...!!! طيب انت ضد ده, و في نفس الوقت اقتبست العنوان..!!!!
ازاي؟؟؟؟ يعني حضرتك مؤيد لهذا الأعلان و معناه, ولا ضده و معارض ليه..؟؟؟؟؟
رابعاً: اسلوبك في الكتابه جميل, و طريقة سرد الأحداث و التعبيرات شيقه جداا... احييك عليها
خامساً: بالنسبه لموضوع الحادثه بتاعتي, أنا مش عارف حضرتك امتى عملت (فرز) للأصوات
علشان تقدر تتأكد قوي كده ان كل الناس اجمعت على انه حادث فردي..؟؟؟؟؟ و بمعنى ايه..؟؟؟
سادسا: أنا مش بصدد اني اتكلم عن عيوب او حتى مميزات السيراتو, لأن ده مش موضوع لمناقشة
عيوب العربيه او مميزاتها... و لكل مقام مقال
ده رأي, و أرجو انك تتقبله بصدر رحب, لأني مش ضد حد, و لا مع حد...
المفضلات