الموضوع: تعديل فرامل الفيرنا - موضوع للمناقشه

المشاركة الأصلية كتبت بواسطة mrdiver

بص يا معلم هو انا الفرامل عندى تمام والحمد لله وواللهى احسن من اللنسر اللى فيها ebs لانى كنت وراها قبل كدة وكان راكب فيها اربعة وانا كنت اعد لوحدى هو زحف ولبس في اللى قدامه وانا الحمد لله و قفت مكانى ففرامل الفرنا مش زي ما الناس مابتتكلم خاااااااااااااااااااااااا اااااالص
الموضوع بس انك محتاج طنابير جديدة وتيل محترم
والفرامل واللهى العظيم كويسة جدا انا بؤلك الكلام دة لسببين
الاول انا كان معايا اوبترا وبعد كدة برافو توب لاين وبعد كدة اوكتافيا 2008 وركبت اليابانى كله من بتوع اصحابي والنوبيرا وكله فعشان كدة تقييمى ليها تمام
الفرنا لو هتقول عليها خفيفة فهيا اعدة على شاسيه لانسر كريستاله يبئه الكريستالة هيا كمان وحشة مع انها لسة بتتباع لحد النهاردة بنفس تمنها وهيا جديدة
الفرنا محتاااجة عنااااية وخصوصا بالفرامل لو انت من الناس اللى بتجري يعنى من وجهة نظرى الطنبور ميتمسحش اكتر من مرة وبعد كدة يتغير خالص انشالله بطنابير استيراد
السبب التانى يا معلم هو انى انا برده معايا نفس موديل عربيتك
1600 فول اوبشن 2007
وقفلت انبيرها كتير وليا معاها مغامرات يااامة منها استخدمة الفرامل على سرعات عاليا والنتيجة تمام ومش وحشة خالص اه هيا مش فى مستوى الاوبترا حتاه بس دة بيرجع للتعليق الخاص بالعفشة
فرئي يا جميل يا امة تغير باستندارد طنابير وتيل يا امة تديها بئه مومو على كونى وانسى الدنيا مش هتحتاج لا فلر ولا ماسورة ولا تربو
انا مرة فى اومترا بتاع سيدى بشر بؤل لانطون موظف جوة انا عايز اركب تربو عندى قالى انا افضلك تركب مروحة على السقف
وقعدنا نضحك الفرنا بشهادة اي حد ليه فى الجرى فهيا مفتريااااااااا
وبالتالى محتاجة يا تجديد باستمرار فى الفرامل يا امة زي مؤلت لكن هتصرف فى تعديل فحرام الفلوس هتؤع على الارض وهتضطر تركب الاستندارد تانى (( انا مجربتش تعديل بس انا بتكلم من وجهة نظرى)) وياريت لو حد معدل يدخل يؤلنا ايه لاخبار عنده

السلام عليكم

هو بالنسبه لموضوع فرامل الفيرنا انا بيتهيألى دى حاله شبه عامه ( مش هقول عامه بما انك مبسوط منها ) انها مقلقه على السرعات العاليه وانا عن نفسى بصراحه حاسس بقوة الموتور بس مش عارف استفيد منه بسبب الخوف الى عندى ومواقفها معايا حاليا مش حلوه خالص

يمكن ده لأنى على الطريق السريع يوميا لأنى بسافر كل يوم رايح جاى من طنطا للقاهره بسبب شغلى فتخيل انت كمية المواقف الى ممكن تحصل من 30 يوم على الزراعى كل شهر :)

حتى فى المواقع الأجنبيه دايما بلاقى فيه شكوى من الفرامل وانها مش بتاعت مواقف

بالنسبه لموضوع تعديل الفرامل بفرامل أكبر علشان قوة الفرمله تزيد ده موضوع شائع جدا بره و أنا بشوف عربيات مستحيل الواحد يفكر يعدلها فرامل زى ال bmw مثلا بس بتتعدل و كل الى عدل قال الأداء أصبح أفضل بكتير
وعندك هنا كتجربه مصريه موضوع تعديل فرامل الدايو و النوبيرا ( هتلاقيهم فى قسم الدايو هنا ) و الناس برضه بتشكر جدا فى التعديل وبيقولو ان الفرامل اتغيرت خالص طبعا هو الموضوع مش وهم لأن فيه ناس فاهمه جدا عدلو فراملهم وشكروا فى التعديل زى الأستاذ محمد ممدوح

يعنى أخيرا احنا بنحاول نوصل للأحسن ادعيلنا و أوعدك لو ربنا كرم وعملت التعديل ده انى هخليك تجرب عربيتى وتقارن ما بين العربيتين بنفسك

وتقبل تحياتى :)

الموضوع شيق اخر حاجة
طيب ما بدل وجع القلب دة ما حد يقولنا اجيب احسن نوع طنابير منين وتيل الفرامل ؟؟
انا بينى وبينكم فى التوكيل ضربومى على عينى فى تيل امامى ب300 جنية ولاد ال .....

انا مركب فلتر k&N مخلينى حاسس انى طاير بالعربية وصوت حكاية
ومركب طقم جنط 14 زى ما بيقول الكتالوج
بس الفرامل طلعت عين اهلى انا كنت ماشى عى 130 وحبيت اضرب فرامل كنت هسافر
فياريت حد يفدنا بحاجة نضيفة تركب

المشاركة الأصلية كتبت بواسطة mrdiver

ربنا يوفقك يارب
اما بالسبة للتجربة فلما تبئه تنزل اسكندرية كدة وخلاص الصيف داخل تبئه تشرفنى ومش عزومة مراكبية على فكرة
بس صدقنى هو العيب اللى انا تأكد منه العفشة بتاعت العربيا طرية اوى
ودة فى حد زاته مش كويس خاااالص لان السست الطرية ديه بتتسبب ان العربيا فى الفرامل المفجئة العربية بتتحدف لقداام
طبع حتا البي ام فراملها بتتعدل
امال انا بؤل مومو وعفشة كونى ليه عشان لما تفكر تشد او تدخل ملف تدخل وانت حاطط رجل على رجل
وطبعا معروف ان الطنابير بتاعة الفرنا طنابير نونو وضعيفة بس لا بئس بها
انت لو سؤت النوبيرا وجربت تضرب فرامل واللهى هتتخض لان لافرامل بتخلى العربيا تهدى وعمرها مهتمسك وتخلى العربيا تزحف ودة لان طنابيرها ضعيفة جداااا وبيتهيئلى انها نفس فرامل الللانوس
مستنيك فى اسكندرية يا جميل مع خالص تحياتى

ان شاء الله يكون فيه نصيب ونتقابل فى اسكندريه :)

المشاركة الأصلية كتبت بواسطة lody4verna

الموضوع شيق اخر حاجة
طيب ما بدل وجع القلب دة ما حد يقولنا اجيب احسن نوع طنابير منين وتيل الفرامل ؟؟
انا بينى وبينكم فى التوكيل ضربومى على عينى فى تيل امامى ب300 جنية ولاد ال .....

المشاركة الأصلية كتبت بواسطة lody4verna

انا مركب فلتر k&n مخلينى حاسس انى طاير بالعربية وصوت حكاية
ومركب طقم جنط 14 زى ما بيقول الكتالوج
بس الفرامل طلعت عين اهلى انا كنت ماشى عى 130 وحبيت اضرب فرامل كنت هسافر
فياريت حد يفدنا بحاجة نضيفة تركب

ممكن تدور على تيل وطنابير مخرمه ماركة ebc هى وكيلها حماده غزى فى بور سعيد على ما أظن معرفش فيه للفيرنا ولا لأ
ليه موضوع التعديل لأنك بعد ما تجيب الحاجات دى هتصرف ببساطه أكتر من المبلغ الى ممكن تصرفه على تعديل الفرامل لأكبر ومش هتاخد نفس الأداء لأن حجم الفرامل ما اتغيرش

يعنى التعديل اداء أفضل + أرخص

كمان متنساش ان التعديل لفرامل الألينترا مثلا لو تم يبقى ببساطه ممكن تجيب تيل و طنابير الينترا ebc وفى الحاله دى الأداء هيبقى خرافى

معاك يا ريس

متاااااااابع بإهتمام