هل من الممكن تركيب انذار للفاتازيا

**ashahin2002** · 23-04-2010 09:31 PM

معلش يا جماعة أنا عارف ان العربية فيها مانع للسرقة بس هل في حاجة تنبهك لو في حد بيلعب في العربية زي الانذار العادي اللي بيشتل عند الاهتزاز و لو مفيش هل ممكن تركيب انذار........

**ashahin2002** · 24-04-2010 02:57 PM

فين الردود يا رجالة.......!!!!!!!!

**marawansabry** · 24-04-2010 03:17 PM

اكيد ممكن .. بغرض التنبية بس .. لان اللي فيها دة بيسموه الانذار الصامت .. يعني العربية ولا هتفتح ولا هتدور الا بالمفتاح الخاص بيها .. بس انا شايف ان حرام تلعب في الضفيرة او في كعربة لعربية خالص .. حرام بصراحة .. يعني مثلا المرسيدس مفيهاش انذار بس عمري شخصيا مشفت حد ركبلها انذار .. دا مجرد رائي ممكن تلاقي حد عندة كلام تاني

وتعالا نحسبها .. كدة كدة لو حصل كسر هيحصل في الحالتين صح .. وكدة كدة ان شاء الله العربية ولا هتدور ولا الابواب هتفتح .. الفرق هيكون بس انك ممكن تلحق الحرامي لو فية انذار قبل لما يبهدل العربية (يشد الكاست ولا ياخد حاجة من التابلوة) .. والله ميش عارف .. بس فكر قبل لما تلعب في الكهرباء بتاعت العربية

**Fadi Ezzat** · 24-04-2010 10:09 PM

فية ياباشا روح عند الناس بتوع المفاتيج او بتوع محلات الاكسسوارات وسعرة 150 لحد 350

**riko8888** · 27-04-2010 08:57 PM

انا معايا a4 وكنت زيك بسال عن انذارلنفس السبب بس خفت اخلى حد يلعب فى العربيه ويلعب فى فابريكه الابواب ممكن اسال حضرتك ايه هو مانع السرقه اللى فى الفانتازيا وهل هو موجود فى a4 2006

**janjon1978** · 28-04-2010 11:10 PM

انا معايا مازدا 3 و فيها immobilizer و dual lock يعنى العربية ماتنفعش تتفتح من برة ولا من جوة حتى لو اكسر الزجاج و ركبتلها انذار عادى جدا فى شارع دمشق ب 250 ج و اليوم اللى مشغلتش فى الانذار --> المرايات اتسرقت

**solly1979** · 29-04-2010 12:10 PM

انا معايا a4 2003 فيها مانع للسرقه العادى الى بينزل فى العربيات الاوكتافيا (وهو ان العربيه متتفتحش ولا حتى من جو وانت قافل بالريموت) وممكن تجربه لو قفلت العربيه وانت جو وحاولت تفتح الباب مش حيتفتح
المهم انا بردة بسيب العربيه فى الشارع وحاولت اركب انذار من ابو 300 جنيه دة مرة
رحت لواحد قاعد قالى لازم اشوف العربيه ينفع يركب فيها ولا لأ
قاعد يلعب فى الضفيرة ويجرب حاجات وكل دة كان بيجرب امال لو هيركب هيعمل ايه (انا مقدرتش) قلته شكرا وانا مش عايز اركب انذار
وربنا يحفظنا من الحرميا وخلاص