جروب لفيات 127

**saicol** · 25-09-2010 12:37 AM

المشاركة الأصلية كتبت بواسطة semsem7777

الجلب اللي ورا عددها 8 اربعه في كل جنب واخر مره اشتريتها كانت الجلب الماني ماركة dat والجلبة ب 10 جنيهات وفائدتها على ما اعتقد امتصاص الصدمات اثناء السير

شكرا ليك على الرد

**zago** · 25-09-2010 08:31 PM

عايز واحد خبير ومجرب ومحترف يقولي ال 127 أقصى سرعه ليها كام في أحسن الظروف؟؟؟؟؟؟؟؟؟

**saicol** · 25-09-2010 08:57 PM

المشاركة الأصلية كتبت بواسطة zago

عايز واحد خبير ومجرب ومحترف يقولي ال 127 أقصى سرعه ليها كام في أحسن الظروف؟؟؟؟؟؟؟؟؟

انا بصراحة اكتر حاجة جبتها 110 وكنت حاسس انى راكب مراجيح كانت بتتحرك لان الاسفلت وحش بس ممكن تزيد

**zago** · 25-09-2010 09:01 PM

مممممممممممم
طيب
الف شكر

**thegoodhacker** · 25-09-2010 09:42 PM

المشاركة الأصلية كتبت بواسطة zago

عايز واحد خبير ومجرب ومحترف يقولي ال 127 أقصى سرعه ليها كام في أحسن الظروف؟؟؟؟؟؟؟؟؟

لو العربية موتورها بحالة الزيرو والطريق طوالي والاسفلت نضيف ممكن تجيب 140 كم/ساعة بس لو الظروف دي اتحققت وطبعا صعب اوي والرقم ده من مواصفات العربية وحتلاقوا الرقم ده في كذا موقع علي الانترنت ولنفس الموتور 903 سي سي للعربية ال127 ....
هنا في مصر واحد زميلي عنده فيورا 127 بيجيب بيها 125 كم/ساعة وانا كنت راكب معاه وشفت العداد بنفسي ..... انا اقصي حاجة جبتها بصراحة 110كم/ساعة وما باحبش ازود علشان العمر مش بعزقة ..... والعربية ثباتها كويس مش وحش لو ماشي طوالي بس لو فيه منحنيات علي الطريق السريع لا انصح بالسرعة دي اطلاقا

**zago** · 25-09-2010 09:49 PM

اصل اللي معايا بتجيب 120 ومبتزودش بريزه عليهم هههههههههههه

**heshamzaky** · 25-09-2010 09:52 PM

المشاركة الأصلية كتبت بواسطة zago

عايز واحد خبير ومجرب ومحترف يقولي ال 127 أقصى سرعه ليها كام في أحسن الظروف؟؟؟؟؟؟؟؟؟

ههههههههههه يعنى اقتلك هههههههههههههههههههههه زاجو العربية فى أفضل حالاتها 135 كيلو و ممكن هية لل 140 بعد عذاب بس حا تفرتك الموتور ال 130 ممكن جدا و دة ممكن فى الطريق الفتوح لو العربية مظبوطة

**i_Am_Legend** · 25-09-2010 10:19 PM

الموتور_ال1050_بجيب بيه 100 بالغيار ال3_والرابع ربنا معاك بقى_الطريق بيحكمك_بسى هى بتجيب ال100 دول فى حوالى 11 ثانية.وبالغيار ال3_بس انا مش بحب أفترى_عليها بصراحة..ال900 كانت معايا كانت بتجيب 110 اخرها بالرابع_وكانت ساعات بتوصل ل120

**moamen_mo3gza** · 26-09-2010 12:24 AM

المشاركة الأصلية كتبت بواسطة zago

عايز واحد خبير ومجرب ومحترف يقولي ال 127 أقصى سرعه ليها كام في أحسن الظروف؟؟؟؟؟؟؟؟؟

بص يا بوب انا جيبت بيها فى رمضان الساعه 4 قبل السحور كان الطريق فاضى والاسفلت كويس جيبت 145 بس العربية زى ما الاستاذ قال مراجيح وحاسس انها طيرا دى قليله عليها والعادى 120 125 واسف للاطاله

**semsem7777** · 26-09-2010 12:36 AM

خللي بالكو يا شباب العدادات بتاعت ال 127 معظمها مزودة وبتهرج
ثانيا انا بعد ما ظبطت العدادات اقصى حاجه بجيبها 120 ومش بحاول ازود لاني عاوز اعمل ترصيص وبكسل اروح لان على ال 120 الدريكسيون بيتهز جامد في ايدي وبخاف ازود بس الثبات جامد
على فكره انا عاوز ابيع عربيتي واجيب يا شاهين 96 او لادا 96 ايه رايكم في الفكره وابيع على كام
عربيتي حالتها ممتازة والموتور والسمكره
محتاجه تاخد وش بوية نضافه لان اللي كان راششها بتاع تلاجات تقريبا والعفشه تمام بس عاوزة جوز كبالن وفرش جلد وبطارية جديدة وردياتير ومفيش سخونية وبسم الله ماشاء الله
صاحبي مكلمني على 12 وانا عاوز اعلى هي موديل 83 بس كانت استعمال واحده ست مش بتركبها سنين كانت تنزل تدورها وتروح الشغل ورا بيتها وتمام