127 ممكن تستحمل السفر انا خائف اجرب السفر بيها للاسكندرية مثلا هل حد جرب
عرض للطباعة
جبت يا رجالة جوز المساعدين الامامى
ايطالى 350 جنية :E_braces[1]:
و كان فى نووع تانى بولدنى عامل 400 و شوية استغليتة الصراحة و مش عارف غالى لية كدة!
و ان شاء الله اركبهم بكرة! :049:
السلام عليكم انا عندى 127 موديل 83 ومعروض على 128 موديل 76 ايه رأيك؟؟؟؟؟
يا باشا الحمد لله انا عندى كتالوج ال 127 الاصلى اقصد الكتاب نفسة مش على الكمبيوتر انا اخى الاكبر كان عندة 127 اشريناها زيرو سنة 83 وهو باعها طبعا من حوالى 10 سنوات بس الكتالوج لقيتة مصادفة فى المكتبة بمنزل الوالد وانا معايا سوبر فيورا من 89 لحد النهاردة بس مش بركبها الا نادرا واديتها للمدام انا عملت على الاسكانر مجرد صورتين فقط للعلم بس صعب اعملة كلة لانة 96 صفحة الرابطImageShack Album - 2 images
مساء الخير على كل ملاك 127
عاوز اقولكم خطوات تجديد الرخصة والتكلفة
1 - تجيب شهادة المخالفات وربنا يستر معاك فيها ولو مفيش مخالفات هتدفع 5 ج بلطجة تبرع لجمعية خيرية بالاجبار.
2 - تطلع على الشباك علشان يطلعوا الملف.
3 - تنزل تدفع التامن عند اى شركة تامين فى الاكشاك بالمرور وهى مبلغ 57 ج (مصر للتامين).
4 - تشترى استمارات التجديد والدمغة من الشباك بمبلغ 13 ج.
5 - تدفع الضرائب بعد ما تاخذ ورقة من الشباك وتروح الخزينة وهى 144.20 ج .
6 - تقعد تسنى الرخصة بقى ولما تستلمها لازم تتاكد من تاريخ الانتهاء لانهما اعطونى تاريخ خطا ورجعت الرخصة واتصححت.
طبعا كل دها لتجديد الرخصة بدون فحص لمدة سنة واحدة.
وربنا معاكم
لو سمحت الكابلات الحراريه مش اطرافها صفراء مثل النحاس
تقدر تقول انا لفيت بيها العالم وكنت بروح من الاسكندرية للقاهرة وبعد كده اروح الاسماعيلية وارجع تانى الاسكندرية فى نفس اليوم وكنت بروح بيها بورسعيد من قبل ما يتعمل الطريق الدولى وارجع فى نفس اليوم يعنى 700 كم تقريباً. و مرسى مطروح رايح جاى فى نفس اليوم . وتقريباً معملتش معايا مقالب غير نادراًَ والحمد لله اتغلبت عليها .
1- مره فى الطريق الصحراوى مصر اسكندرية الساعة 3 فجراً فى الشتاء قبل الرست ب 70 كم اتقطع كابل الدبرياج.
2- مرة فى طريق مطروح وقبل مطروح ب 90 كم فى عز الليل والظلام الدامس وتحيط الصحراء الزاخرة بالالغام من مخلفات الحرب العالمية بنا من كل جانب وكان فى شهر سبتمبر يعنى كنت طول الطريق تقريباً العربية الوحيدة اللى ماشية الدينامو باظ ولمبه البطاريه نورت والعربيه اتخنقت وربنا سترها لان كان معايا اسرتى وطفلى الرضيع وكملت لمطروح وانا شغال بربشة نور بس .
3- ومرات تانيه تقطيع وتنتيش والذى منه وكان سببها مره ان الكوندنسر اتفك لوحده ومرة نوع بنزين سىء ومرة فلتر بنزين اتسد .
يعنى بصراحة لازم يبقى معاك عده كاملة وخبرة كافية للتعامل مع المفاجات وكابل دبرياج وطقم بوجيهات وابلاتين وكوندنسر ووش اسبراتير وشاكوش وبوبينه وحته سلك وشويه فيوزات و سير دينامو ومياه كتير و خراطيم كاوتش بتاعت الريدراتير وغطاء ريدراتير و معلقة فتيس وزيت موتور وزيت فرامل وشويه مسامير مقاسات مختلفة.
علشان خاطرك خش على الرابط دة وحمل الكتالوج هو ملف صغير 8 ميجا تقريبا بس هوا للفيات 127 توب RapidShare: 1-CLICK Web hosting - Easy Filehosting
بعد ما تفتح الصفحة دى اضغط على free user وانتظر 45 ثانية وابدأ التحميل و مبروك مقدما
اسف بسبب انقطاعى عن المنتدى لفترة بس والله العربية شغلانى اوى ادعولى انها تخلص عشان انا زهقت اوى و على فكرة فعلا انا عرفت قيمت العربية هى اه 127 بس بتغنى عن الموصلات و قرفها
ايه يا عم mody 100 لسه مسالتش الميكانيكي على حوار السيرفو
و عليكم السلام و رحمة الله و بركاته
انا ايهاب معايا 127 نصر موديل 1983
ممكن تفاصيل اكتر يا مودي انا عاوز احسب رنجها كام لاني مش عاوزها تفتح اوي ممكن لو سالت تحطلي الاسعار ومن ضمنها عمولة الميكانيكي
طيب يا باشا ممكن تليفونك ونتكلم ونظبط الدنيا
سبحان الله و بحمده سبحان الله العظيم
:b4_388:انا معايا سوبر فيورا 85 م شهر و لسه جديد فى السواقه و من اسكندريه و محتاج حد يشوف تنك البنزين لانه بيخر بعد 20 لتر مش عارف ليه
و اخيرا موضوع شيق و محتاج الاستمرار فى عرض تجارب الاعضاء من ((((قدامى ملاك ال127))))
انا معايا سوبر فيورا 85 م شهر و لسه جديد فى السواقه و من اسكندريه و محتاج حد يشوف تنك البنزين لانه بيخر بعد 20 لتر مش عارف ليه
و اخيرا موضوع شيق و محتاج الاستمرار فى عرض تجارب الاعضاء من ((((قدامى ملاك ال127))))
أزيك يا باشا اخبارك اية بالنسبة لعملية النك لما بيأجذ أكثر من 20 ليتر بيخر بنزين أولا تأكد ان كاوتشة الزور الكبيرة الى من فتحة ملو البنزين الى التانك مش مشققة وسليمة الاول قبل الفك والتركيب وتأكد ان خرطوم الفايز مش ملوى او مشقق ونازل برة العربية بجانب المساعدين والسوستة لو كلة تمام فك التنك بس حذارى ثم حذارى التنك لو حتى فاضى مفيهوش نقطة بنزين لو السمكرى ودة مستبعد غشيم وحاول يلحمة بلمضة اللحام سيضرب فى وشة زى البوتاجاز ............. معرفش ان كان اللحام بأستجدام ال أرندين ينفع ولا لآ وال أرندين دة عبارة عن أنبوبتين لزق يتم خلطهم على بعض لما ينشفوا بيبقو زى الحديد
انا من الاسكندرية كمان لو احتجت اى حاجة انا تحت امرك شوف اية اللى انت عايزه او لو شايف حاجة مش كويسة فى العربية قولى ....والف مبروك على العربية ربنا يباركلك فيها
شكرا يا باشا بس مشكلتى ان فيه صنيعيه ىمعندهمشى ضمير و عاوزين يبيعوا الواحد العربيه علشان يسد تمن التصليح
انا مش معايا 127
بس بحب العربيه دى جدا
احتمال كبير خرطوم الفايظ!
ميكونش راكب!
و شيك على الخرطومين شوف فيهم قطع تشقيق و ان شاء الله خير!
شكرا يا باشا بس مشكلتى ان فيه صنيعيه ىمعندهمشى ضمير و عاوزين يبيعوا الواحد العربيه علشان يسد تمن التصليح[/quote]
عموما انا الميكانيكى اللى بتعامل معاه محترم و امين واللى شايفه فى العربية بيقولك عليه
شباب ازيكم انا مضايقاني كاوتشة الكوبلن دايما بعد شهر تسرب زيت واضطر اغيرها ياترى في نوع مخصوص مبيعملش كده ؟؟
انا جربت البلدي الكبير وجربت التشيكي الصغير
ربنا يخليك يا باشا ان شاء الله اخلص كعبلة الامتحانات واكلمك نشوف حوار السرفو
السلام عليكم
معاكم احمد من اسكندرية ...معاياه سوبر فيورا 85....
كنت عايز حد يقولى على ميكانيكى تمام عايز اشد العربية بس يكون بيشتغل فى العفشة بالمرة ,,,
وماهو انسب كاوتش للجنط الأصلى لو عايز اعرض الكاوتش