بالنسبة للميكانيكى ياريت تحدد منطقتك
اما الكاوتش فممكن تعرضه على نفس الجنط الاصلى بمقاس 155/70/13
عرض للطباعة
انا لسة مغير طقم على الجنوط الحديد و مغير جنطين اصلا حديد برضو
و مركب 13\65\165 ما شاء الله عريض و مثبت العربية زى الفل!
بقلكو اية يا رجالة الميكانيكى ياخد كام فى تغير جوان كارتيرة الزيت (مصنعيتة تبقى كام) عشان انا عملتة و عاوز اعرف هوا خد كتير ولا حلو كدة ولا اية!
وانا معاكم بعد عناء البحث عن سيارة 127 لمدة شهر ما بين سوق العاشر ومواقع النت بصراحة اتبهدلت لكن ربنا كرمنى بحتة سوبر فيورا 87 استعمال اول يد دكتورة جامعية بالكتالوجات من شركة النصر
الميكانيكي قالي مصنعيته 100 جنيه بس مافاصلتش معاه بس ممكن ياخد 75 جنيه تقريبا
moamen mn alex m3aia 127 super fura 86 ely 3aiz ay so2al ys2al we ana hagboo
[QUOTE=anaskhal;3872667622]وانا معاكم بعد عناء البحث عن سيارة 127 لمدة شهر ما بين سوق العاشر ومواقع النت بصراحة اتبهدلت لكن ربنا كرمنى بحتة سوبر فيورا 87 استعمال اول يد دكتورة جامعية بالكتالوجات من شركة النصر[/QUOT
[OVERLINE]السلام عليكم[/OVERLINE]
الف مبروك على العربية
وربنا يعطيك خيرها ويكفيك شرها
واهلا وسهلا بيك فى اقوى جروب لمالكى 127
عاوزين منك خدمة احنا بندور على كتالوج 127 من فترة طويلة ومش لاقيين غير بتاع التوب
لو فى وجع دماغ ممكن تقدر تنزل الكتالوج علشان الكل يقدر يستفد
ولك اخى الكريم
جزيل الشكر
:B4_611:
السلام عليكم
الف مبروك على العربية
وربنا يعطيك خيرها ويكفيك شرها
واهلا وسهلا بيك فى اقوى جروب لمالكى 127
عاوزين منك خدمة احنا بندور على كتالوج 127 من فترة طويلة ومش لاقيين غير بتاع التوب
لو فى وجع دماغ ممكن تقدر تنزل الكتالوج علشان الكل يقدر يستفد
ولك اخى الكريم
جزيل الشكر
:b4_611:
127 موديل 83 اصفر
السلام عليكم محمد 127 موديل 83 اصفر
عندى الكوبلن الشمال بيطق طق هل اغيره لوحده ولا اغير اليمن معا افضل وايه الكويس الصينى ولا الايطالى مع العلم انا مركب الصينى من حوالى 4 شهور
انا احمد معايا فيورا 127 موديل 84 حمراء من القاهرة وكنت ناوى اعمل نفس الفكرة بتاعة الجروب دى بس اللى سبق بقى
الاخ حليم انت عايز تعدل ايه بالظبط
هى ال 127 كمان بيكون مكتوب على المتور علامة s بتاعت سيات بس فى الرخصه 127 نصر ده الى انا اعرفه يعنى
السلام عليكم و رحمة الله و بركاته
أخوكم أحمد شندي من المنصورة
معايا نصر 127 موديل 82 ونها أحمر
النمرة : دأس2318
شباب انا النهارده غيرت الردياتير بواحد جديد وحطيت ميه خضرا قولت الحق قبل الصيف
وجبت طارة سبور بدل الاصلية عشان انا طويل ودايما الطارة بتسيب علامة في البنطلون
الطارة بالزور ب 100 جنيه حصورهالكم لما تتركب
الردياتير والمايه الخضراء ماركة البستاني 3 ماسورة ب 240 هوه والميه والمصنعيه
وعليكم السلام ورحمه الله وبركاته
انا معايه 127 موديل 86 بيضاء
انا عندى 127 باليو 1050 سى سى.......
انا كنت راكب قبلها 127 ايطالى 900 سى سى .............
تجربتى مع الموتور دة اروع تجربة مريت بيها................
الموتور دة مع بنزين 92 بيبقى دمااااااااااااااااااااااا ر والله العظيم انا حايب بالغيار ال3 100 كيلو وممكن 110 والغيار
الثانى بيجيب لحد 85 كيلو......
نصيحة البنزين ال80 بيموت الموتور دة بيقتلة ..........
اللى راكب 127 توب 1050 يجرب الموضوع دة ويحكيييييلى............
انا عربيتى مافيش منها فى مصر خااااااااااااااااااااااال ص هى واحدة او 2 بالكتييييييييييييير
اسمها 127 باليو.......
دى كانت اغلى عربية فى ال127 ............
العرببية فيها فتحة سقف وهمية ...........متر فى 80 تقريبا............
تحس انها كابورلية .............
وبتنزل لونين بس من المصنع لون شامبين دهبى......وازرق بترولى ......
مع ان فتحة السقف مزعلانى وبدور على حد نضيييييييف يظبطهالى .............
ربنا يسهل................
92 هيبقى غالى اوى ياباشا يعنى اكن استهلاكك للبنزين اتضاعف
وهو الاداء احسن بس كده المزنيه هتخيش فى الحيط
وربنا يبركلك فى عربيتك
الواحد لو بايده كان حطلها 95
السلام عليكم و رحمة الله و بركاته
أخوكم : أحمد عثمان من الأسكندرية
و معايا 127 سوبر فيورا مو 84 بقالها معايا شهر و لسه متعلم السواقة ( بهدلتها شوية صغيرين )
و ديه أول مشاركة لي في المنتدي و أتمني الأستفادة من خبراتكم و أفادتكم بقدر المستطاع
شباب ازيكم ممكن كل واحد يقولنا معدل استهلاك التنك بتاعه كام كم مشي تقريبا انا حاولت احسبها لقيت التنك خلص في 180 كم داخل اسكندرية ده كويس ولا وحش ولو وحش مين بتاع كربيراتير كويس
انا احمد من السويس ومعايا 127 موديل 83
بصراحة يا جماعة علي اد ان العربية دي كلبة في شكلها الا اني بصراحة بحبها ومش مرتاح في عربية غيرها مش عارف ليه
فيه ناس بتقول انها بتحب عربيتها انا ما كنتش مصدق بس مع العربية دي انا اتأكدت ان فيه علاقة حب بيني وبينها
ممكن اعرف الطاره الأسبور بتتجاب منين ل127 وسعرها كام
انا اشتريتها ب 70 جنيه فقط لا غير بالزور بتاعها لانه مهم عشان ترد اشارات الجنب لما تعدل التارة
ياجماعة بلاش موضوع الطارة الاسبور دة علشان مش امان خالص لان خامتها زفت ........
وممكن تتخلع ولا تتقطم فى ايدك وانت ماشى وبعدينخامتها مش حلوة ودايما هاتلاقى الكلاكس بيعلق فيها..........
شوف طارة استيراد لسيارة كورى اويابانى احسن بكتيييييييييييييييييير
بالنسبة للمراية الجانبية ، ممكن تشتري مرايات uno الإثنين ب 150 جنية وتركبها على نفس باكتات المرايات الأصلية التي في الباب لاكن هتوسع شوية في فتحة الباكتات و على فكرة ، ممتازة و تقريباً 100% شبه الأصلية و متحولش تفكر في مرايات الشاهين أبداً
يا باشا أنا لسا جاي من القاهرة لشرم الشيخ 520 كم و تقريبا كنت ماشي على سرعة 120كم طول الطريق فقط توقفت للتزود بالبنزين 3 مرات عند النفق و بعد النفق ب 160 كم و أخر مرة كانت في مدينة الطور 5 دقائق لكل توقف وهي مدة التزود بالوقود لم أحتاج لأي إستراحات أخرى مع العلم بدأت السفر مع غروب الشمس وبداية دخول الليل وإنخفاض الحرارة ، إستهلك المشوار كلة 32 لتر بنزين 80 و إستغرق 6 ساعات و 20 دقيقة تقريبا بسيارة فيورا 1984 بس المهم انك تظبط النور بتاع العربيه وتحاول تعليه عشان يكشفلك الطريق خاصة لو الطريق مش متنور زى طريق شرم كده
يشباب حساس الحراره الى بيركب فى الرداتير جيبينو ايه (العالى - الواطى)
انا مركب العالى وبيبداء يشتغل قبل 90 بسنتين ومقلق منه
فغيره واركب الواطى
الواطى مش هيبقى حلو فى الصيف والمروحه هتشتغل على طول خليك على العالى على الاقل فى الصيف
هو فيه مشكلهه لو المروحهه اشتغلت كتير
اكيد اشتغال المروحه باستمرار يقلل عمرها الافتراضي
الحساس عندي نفس اللي عندكم اللي قبل 90 بشرطه ويعمل حتى يبرد ويرجع ل 60 وتتوقف المروحة
انا معايا 127 فيورا موديل 1985 بس عايز كتالوج