السلام عليكم يا احلى شباب عايزين نشوف احنا كام واحد فى المنتدى معاه 127اى كان موديلها ونتبادل المعلومات و انا واحد من الناس تحت امر اى حد عايز يسال
عرض للطباعة
السلام عليكم يا احلى شباب عايزين نشوف احنا كام واحد فى المنتدى معاه 127اى كان موديلها ونتبادل المعلومات و انا واحد من الناس تحت امر اى حد عايز يسال
وعليكم السلام ورحمه الله وبركاته
انا معايه 127 موديل 86 خضرا
وانا معايا نصر 127 حمراء موديل 83
وحابب اسال عن ( السوسته الام ) اللى شايله العربيه من الخلف
بكام والاقيها فين مش لاقيها عندنا خالص
وطبعا معاكم ف الجروب
احمد من دمنهور
فى رابطة لل127 فى اهم موضوعات القسم
في واحد في الفراهده اسمه سعيد ياسو عندك اغلب قطع غيار الفيات ال 127
استاذ مودي 100
انا اسكندراني زيك معايا 127 نصر مو 82
واتشرفت بمعرفتك
سؤالي هوه ايه الفرق بين النصر والفيورا والسوبر فيورا ؟ غير الشكل والسوكه اللي في السقف والسيرفو
وهل يمكن تركيب سيرفو لعربيتي ويتكلف كام وايه مميزات وجوده
i m sherif from alex and i have super fura 1986 and i love this car soooooooooooo much
يشرفى الانضمام اليكم
طيب معلش بالنسبة لجزئية السيرفو ؟ هل ممكن يتركب ويتكلف كام
كنت رايح مشوار بلعربيه واتفجائت الحراره على 90 والمروحه مشتغلتش وقفت العربيه وشغلت المروحه يدويا ولقيت اليه نقصه خالص (معانى كنت مزودها قبل ممشى ) ولما روحت لقيت الزيت عامل زى الطحينه والراتير بيطلع فقاعات
فهل ده وش سلندر وجونات
والموضوع يتكلف كام كله
خامات ومصناعيه
من غير تفكير ده كده جوان وش السلندر ضرب وعشان كده المياه دخلت على الزيت وبقى طحينه والمياه كمان بتدخل على البساتم وتمنع عمليه الاشتعال .
غير جوان وش السلندر بأخر بلدى دوبل .
ويمكن تحتاج لحام وكشط وش السلندر او كشط بس حسب الحالة .
وبعد ما يخلص لازم يقسم من جديد ويظبطلك التاكيهات .
التكلفة :
اللحام (لو محتاجة لحام ) 75 جم
الكشط مع عمل فريزه 85 جم
الجوان 15 - 20 جم
المصنعية من 80 الى 100 جم حسب الميكانيكى .
جوان فرن + جوان كوعه مياه + جوان مانفو + جوان تاكيهات 10 جم تقريباً
ولو لقيت الوش محتاج لحام وكشط لازم الميكانيكى يفكلك السوست ويطلع الصبابات عشان مبتستحملش حرارة اللحام . مع العلم انك لو غيرت الجوان و الوش كان محتاج لحمات وانت معملتهاش هيضرب الجوان تانى .
ولو انت مش حمل بهدلة اللحام والكشط والفريزة والخراط يبقى تجيب وش استعمال على التجربة ب 300 جم .
وطبعاً بعد كل ده هتحتاج زيت جديد وفلتر .
ومتنساش تأكد ان الميكانيكى ربطلك زور الفرن فى الشكمان بأحكام عن طريق رفعها بكوريك تمساح عشان لو مش محكمة هتلاقى صوت عربيتك بقى زى صوت الدبابة .
وربنا معاك - وانا تحت امرك فى اى استفسار .
أزيكم ياشباب انا احمد وعندي نصر 127 موديل 82
انا معدل عندى سرفو من 10 سنين وهو عمل فرق رائع فى الفرامل بس منصحكش بالتعديل الا لو كان عندك صبر عشان انا دوخت السبع دوخات على قاعدة السرفو وجبتها من القاهرة من عند واحد اسمه مهران فى شبرا فى حارة الدرملى اللى فيها عم ابراهيم بتاع الكربراتير ودوخت على السرفو عبال ماجبته استعمال وطلع بايظ ورجعته 4 مرات . هتلاقى السوق مليان 128 لكن 127 انسى عشان منزلش فى ال127 غير سنه 1986 لكن ال 128 فيها سرفو طول عمرها عشان كدة ناقص والفرق بينه وبين 128 ان الدراع بتاعه طويل وفى ناس بتقصره بس الموضوع ده محتاج ميكانيكى كويس عشان كمان هيوديك لسمكرى عشان يعملك فتحه فى الصاج اسفل البدال .
والله يعجز اللسان عن الشكراقتباس:
من غير تفكير ده كده جوان وش السلندر ضرب وعشان كده المياه دخلت على الزيت وبقى طحينه والمياه كمان بتدخل على البساتم وتمنع عمليه الاشتعال .
غير جوان وش السلندر بأخر بلدى دوبل .
ويمكن تحتاج لحام وكشط وش السلندر او كشط بس حسب الحالة .
وبعد ما يخلص لازم يقسم من جديد ويظبطلك التاكيهات .
التكلفة :
اللحام (لو محتاجة لحام ) 75 جم
الكشط مع عمل فريزه 85 جم
الجوان 15 - 20 جم
المصنعية من 80 الى 100 جم حسب الميكانيكى .
جوان فرن + جوان كوعه مياه + جوان مانفو + جوان تاكيهات 10 جم تقريباً
ولو لقيت الوش محتاج لحام وكشط لازم الميكانيكى يفكلك السوست ويطلع الصبابات عشان مبتستحملش حرارة اللحام . مع العلم انك لو غيرت الجوان و الوش كان محتاج لحمات وانت معملتهاش هيضرب الجوان تانى .
ولو انت مش حمل بهدلة اللحام والكشط والفريزة والخراط يبقى تجيب وش استعمال على التجربة ب 300 جم .
وطبعاً بعد كل ده هتحتاج زيت جديد وفلتر .
ومتنساش تأكد ان الميكانيكى ربطلك زور الفرن فى الشكمان بأحكام عن طريق رفعها بكوريك تمساح عشان لو مش محكمة هتلاقى صوت عربيتك بقى زى صوت الدبابة .
وربنا معاك - وانا تحت امرك فى اى استفسار .
شكراا على اهتمام
وانشاء الله الموضوع يخلص على جونات بس وبلاش موضوع وش السلندر ده
هو يشرف مصر كله انه مصرى ومعانا فى الجروباقتباس:
مفيش كلام بعد كده و يشرفنى انك معنا فى الجروب
طب انا عندي سؤال ياشباب ايه التعديلات اللي ممكن تحسن في شكل ال127 عامة وفي أدائها
ازيكو يا رجالة موضوع جميل واحب اشارككم بالنسنة للسؤال الخاص بالفرق بين 127 والفيورا والسوبر فيورا بص يا سيدى ال 127 نزلت اواخر عام 82 ولسنة 83لا يوجد بها سيرفو وشكل الجنط كان لة وش صغير بيركب تحت المسامير والعربية 4 نقلات فقط والتبلوة بة زى الجيب المفتوح من ناحية اليمين ولونة بيج فقط وال 127 ال 2باب كان شكل الدريكسيون مختلف عن ال 4 باب ولا يوجد rpm فى العدادات والمراية الجانية والداخلية شكلهم غير ال فيورا وعلى فكرة مشوار النقلات فى ال 127 اطول من الفيورا والسوبر فيورا اما الشكل الخارجى لل فيورا والسوبر فيورا فهو معروف بالنسبة للجهاز الموجود ف السوبر فيورا على شمال الدريكسيون دة مش زينة دة وظيفتة انك لو ضغطت زيادة على دواسة البنزين انة بينظم دخول البنزين الى الكاربراتير والججهاز دة راكب اعتقد بفيشتين ولة ملحق اخر عبارة عن علبة فى حجم كف اليد اما فى الموتور فستجد ان خراطيم البنزين واطلة الاول على موزع ثم الى الكربراتير وطبعا تحيا عباقرة الصنعة فى مصر سيقول لك ملوش لازمة يا بية دة بيأخر دخول البنزين الى الكربراتير و يبطأ السحب فبيلغية وبالمناسبة الساعة الداخلية فى السوبر فيورا زمان كانت ب 90 جنية وفى وقتها دة كان مبلغ والجهاز الى بتكلم عنة دة كان تقريبا ب 100 جنية وعلى فكرة 90 بالمئة الميكانيكى ستكون لاغى ماستر الضفدعة الخلفى الخاص بالفرامل مع انة مفيد فى حالة الفرامل على اللارض المبلولة و مخادع ال 127 متنجدة و صماء اما بالنسبة للفيورا مفتوحة و بها وصلة فى النص والسوبر فيورا مفتوحة والسوبر فيورا 5 نقلات دون المارشدير
كفيت ووفيت مشكور للمجهود
اشتريت سيارة 127 موديل 84 وبتاع العفشة بعد ماعملت عفشة كاملة مساعدين ومقصات وكبالن قال لى ان القنطرة الخلفية للعربية مكسرة ويجب عملها عند السمكرى سؤالى هل لازم اعملها ولو ماعملتهاش ايه اللى ها يحصل وهل سيؤثر ذلك فى مشى العربية ! ولو عملتها ده بيعيب فى العربية عند اعادة بيعها ؟ وتكلفتها تكون كام ؟ واشكركم على سرعة الرد مقدما
لازم تعملها لو القنطرة مكسورة وعديت فى المطبات ستحس انك راكب عربية فايبريشن ارتجاجات من كل حدب وصوب فى عملية البيع معروف لن ال 127 لازم تلاقى الفخذتين الامامين راشين ونمرة الشاسية مدقوقة على القائم الشمال مع احتمال وجود كسر فى الركب الامامية خصوصا الشمال لانة تحت الرادياتير غير دة يا باشا متبقاش 127 اعتقد عادى ولازم تصلحها والسعر بالاتفاق مع السمكرى يعنى لو اللحامات كثيرة غير لحام صغير ولة امكنك قم بفك تانك البنزين احسن علشان الامان والسمكرى يشتغل براحتة وتأمن شر لمبة اللحام:36_1_58[1]:
اشكرك على الرد وربنا يبارك فيك وعلى مايبدو انك خبير فى شئون ال127 لذلك اردت ان اثقل عليك بسؤال اخر الا وهو يعنى ايه قمطة الدريكسيون لان العفشجى قاللى عليها يجب ان اعملها عند الكهربائى ياترى بتتكلف كثير ؟ وياترى حدود تكلفة القنطرة هذه فى حدود كام اذا امكن ؟
اعتقد هو قالك قطمة الدريكسيون وطلما قالك اعملها عند كهربائى يعنى القطمة بغض النظر ممكن يكون قالها غلط وكلنا بشر وجل من لا يسهو مش معايبة طبعا حاشا لله والقطمة عبالاة عن المجموعة الكاملة يحت الدريكسيون و تشمل كلا من ال ذراعات ذراع النور والمساحات والاشارات وبالمناسبة دى مش موجودة جديدة بكثرة وممكن استيراد من عزبة شلبى بس بالنسبة لجاجات ال 127 هما مغلاوين شوية اخر حاجة بالنسبة للقطمة نهايتها مربوطة فى جسم العربية من السفل يمسمار كبير واسمة كوميدى شوية وهو اسمة مسمار الغفير
ياترى فين عزبة شلبى ؟وياترى هيه افضل من الوكالة فى شراء المستعمل ؟
فى المطرية لو عارف فين مرور الاميرية نفس الشارع واسمة عمر بن الخطاب تقريبا بعد المرور بحوالى 4 محات اوتوبيس ستجد على ايدك الشمال كنيسة كبيرة هى مدخلها قبل الكنيسة على ناصية الشارع جزار
اشكرك على اهتمامك
العفو يا باشا وبمناسبة أبتداء الصيف سأقول لك عن عدة نصائح ولكن بصورة كوميدية ولكنها مفيدة اولا احتفظ دائما بجركن ماء فى السيارة اذا كنت ناوى تسافر بالعربية خلى دايما معاك أبلتين و كوندنسر وسير دينامو بالاضافة الى شنبر عجلة وزيادة فى الاحتياط حبل ينفع يتعمل قطرة ولكن صدقنى لو لا قدر الله والعربية عطلت ستجد 1000 واحد يساعدك اما فى الميكانيكا أو يشد العربية بسهولة اذا لزم الامر ال 127 عربية أصيلة جدا بس ساعات بتعمل حركات نقص ولكن يمكن التعامل معها ودايما خلى بالك من علبة الدريكسيون لان صدر العربية من الداخل فى حوض الموتور مش قوى أوى ولو القلتين الى راكب فيهم المساعدين الامامين قلبوا لجوة شوية لو حتمل زرجينة المقاس بينهم 87 سنتيميتر من المسمار الى المسمار أقصد مسمار المساعد الامامى فى حوض الموتور و نقريبا 84 سنتيميتر من الداخل والله أعلم
السلام عليكم ورحمة الله وبركاته...........
الي كل اعضاء المنتدى الكرام بصراحة متابعتي للمنتدى ده والناس المشتركة فيه ابهرتني للخدمات التي تقدم بدون اي مقابل
انا معايا 127 سوبر فيروا بفضل الله تعالى من فترة مش طويلة بس الحمد لله ربنا كرمني بميكانيكي محترم جدااا
وصنايعي .. والمفجأة انه عنده قطع غيار الفيات كلها الاستيراد المارين الايطالي وكمان اسعارها حلوة جدا وبيوقع حاجات حلوة جداااااااااااا
والمحل بتاعه مشهور جدااا لان الميكانيكيا بتجيب من عنده قطع الغيار ....
اذا اي حد من حضراتكوا محتاج يسأل على اي حاجة يتفضل وانا ان شاء الله اسأله وارد عليكوا لان لسة جديد زي ما قولتلكوا.....
ونفسي في نصايحكوا ليا في العربية اكيييد ان شاء الله هستفاد منكوا كتيير باذن الله......
والسلام عليكم ورحمة الله وبركاته....
طيب يا رجالة عايزين كل واحد يقول جاب كام بعربية يعنى اعلى سرعة وصلها كانت كام ؟؟ و انا حابدا بنفسى انا جبت بيها 140 مستريح و كانت ممكن تجيب ال 150 بس كان حايبقى كتير عليها
انا وصلت 120 وخفت اكمل قلت نرجع سلام احسن لان الفرامل مش كويسه عشان كده عاوز اركب سيرفو عشان امشي براحتي
احب انوه ان معظم عدادات السرعة فى ال 127 مش مظبوطة عشان كده لازم تكون مسافر فى طريق فيه يفط مسافات وتشغل استوب ووتش وتشوف قطعت مسافة 10 كم فى اد ايه على سرعة كام يعنى لو انت ماشى على 100 كم س هيكون الوقت 6 دقائق ولو 120 كم س هيكون الوقت 5 دقائق بس ثبت السرعة طول مسافة العشره كيلو . انا كان عندى السرعة الحقيقية 120 بتبان 140 يعنى كانت مقدمه 20 كم س . وانا اخرتها 20 كم س .
انا عريبيتى فى احسن احوالها مع ضبط الكهرباء فى طريق مستوى ولا توجد رياح مضادة لاتجاه السير بتجيب 120 كم س وفى المنازل ممكن توصل 140 كم س .
140 وكنت ماشى جنب واحد صاحبى معاه فيرنا علشان اتاكد من العداد
انا بصراحة جديد في السواقة ومش بطلع علي الطريق السريع غير قليل اوي وعمري ماسافرت بيها بس مرة جبت 100 كيلو بس رجعت في كلامي لاني بقالي 3 شهور متعلم بس
ياشباب ايه التعديلات اللي ممكن اعدلها في 127 ؟
1- تغيير الدربوكس بأخر به سرعة امامية خامسة .
2- تركيب سرفو للفرامل .
3-تركيب علبه شكمان اضافية (فلتر تبريد ) قبل العلبه الموجودة لتهدئه الصوت .
4- عمل فتحة فى الشنطة الخلفية لسهوله الوصول لعوامة البنزين من غير فك التانك .
5- تركيب كارتيرات فبر حول الاربع عجلات لمنع البارومة .
6-تغيير الكاوتش الاصلى 135-80-13 بأخر 155-70-13 على نفس الجنط .
7- تركيب ريدراتير 3 ماسوره بدلاً من الاصلى 2 ماسورة .
8- تركيب كابلات بوجيهات حرارية بدلاً من النحاسية عشان الراديو ميخروش وجسم العربيه ميكهربش .
9-تغيير مكان الكلاكس من مقدمه السيارة الى داخل حوض الموتور عشان بيتأثر بالاتربه والمياه ويبوظ بسرعة ( بتاع الفابريكة مبيجرلوش حاجة ).
10-توصيل نور الاستوب الخلفى مع اللمبه بتاعت الشبورة الخلفية .
11- تركيب مرايا جانيه يمين وشمال (ممكن بتاعت اللادا ) .
12- تركيب انذار وسنتر لوك وزجاج كهرباء بوحدة رفع و جنوط اسبور .
13- تجديد عواكس الكشافات الامامية او تغييرها مع تركيب لمبات اعلى (مع مراعاة كهربه السيارة تستحمل اد ايه ) .
14-الغاء الهواية الامامية او سدها لمنع الصوت والاتربة داخل صالون السيارة .
15-تركيب مفاتيح زرار للمبه الصالون على الابواب الخلفية .
16- تغيير الزجاج الامامى السيكوريت بأخر تربلكس عشان السيكوريت لما بيتكسر بيتحول لحبات صغيرة ممكن تعور كل ركاب السيارة على عكس التربلكس بيمسك نفسه فى مكانه مهما كانت قوه الصدمة .
17- عمل مخادع للرأس ان لم تكن موجودة .
18-تغيير طبله الابواب لنوع اسمه ميتا لان بتاع الفابريكة بيتفتح بأى حاجة ولو بنسة شعر .
19- مش فاكر ممكن اقول ايه تانى بس فى حاجات اد كده عشر مرات لما افتكر هقولكم .
أنا قرأت الموضوع كله وشكراً للمعلومات