اقتباس المشاركة الأصلية كتبت بواسطة akramlail مشاهدة المشاركة
الف شكر ليك ياباشا وربنا يباركلك فية بس ليا استفسار عن الطارية غالبا بتعد اد اية ؟
وانا فهمت منك انة لو الفيرجن بتاعة 312 يبقى دة مفتوح
انما هوة قالى دة مقفول وعلى بكرة ممكن افك الشفرة بتاعتة
يعنى دة معناة ان شفرتة بتتفك يعنى هوة 312 صح ؟
وهل فى حاجة تانية اخد بالى منها فى التلفون قبل مشترى غير كدة ؟
يعنى اختبرة عندة فى اية تانى وشكرا ليك تانى
اقتباس المشاركة الأصلية كتبت بواسطة akramlail مشاهدة المشاركة
واستفسار عن تحديث السوفت وير عن طريق الموقع ابل جربتة قبل كدة ؟ لانى قريت انة بيضيف مميزات جديدة بس هل بيرجع يقفل التلفون تانى بعد فك شفرتة ؟
ياباشا العفو على ايه بالنسبه للبطاريه حسب استخدام حضرتك هيا فى العادى يعنى مش بطاريه خارقه يعنى بس لو انت فاتح الواى فاى للويرلس والبلوتوث وكام برنامج وشغال متواصل والشاشه نورها وسطوعها اعلى حاجه يعنى انت كدا بتتكلم فى ساعتين شغل اما لو قافل الحاجات دى وبتتكلم فى وبتستقبل تلفونات بس وبتتكلم فى المتوسط نص ساعه فى اليوم فالجهاز يكمل معاك اليوم فى الطبيعى وومكن شغال لتانى يوم فدا هيبقى حسب استهلاكك وعموما الشحن بتاعه عن طريق اليو اس بى فدا تمام قوى يعنى بتوصله بالكمبوتر يشحن بتوصله الفيشه اللى فيها يو اس بى يشحن بتوصله بشاحن السياره يو اس بى بيشحن وان جايبله علبه كدا فيها الشواحن دى كلها ب 25 جنيه تقريبا مش عارف ممكن يكون الجهاز اللى معايا بطريته هيا اللى ضعيفه ولا دا الطبيعى بس انا قريب انه تقريبا دا الطبيعى علشان الثرى جى شره فى البطاريه

بص يا باشا بالنسبه للفرجن بتاع السوفت وير لو احدث حاجه مش هيعرف يفك شفرته لو عمل ايه من الاخر لازم هيستنى لحد ما المبرمج ينزل الجلبرك للسوفت الجديد وبيقوو انه قريب قوى يعنى اسبوع او اتينين بالكتير انما لو فرجنه 312 دا ممكن ينزل هو من النت الجلبرك وموجود على اليوتيوب الطريقه ازاى لفك الشفره ويوصل الجهاز بالكمبيوتر ويعملها بس لو مش خبير بالحوارات دى احسن يخلى حد يعملهوله واكيد حضرتك طالما صاحبك هنا فى مصر يبقى شغال فودافون او موبنيل او اتصالات فبالتالى نفهم من كدا انه مفتوح على كل الشبكات انما المشكله انه يتفتح للبرامج والالعاب وتنزيل النغمات والصور والاغانى وفيه كام طريقه لكدا بس اهم حاجه يكون فى السوفت وير بتاع البرنامج برنامج اسمه سيديا (sydia) دى اهم حاجه علشان هو دا برنامج الكراك ايكونه هتلاقيها لونها بنى وتحتها نفس الاسم دا كدا يبقى الجهاز مفتوح والباقى من التظبيطات سهل

بالنسبه للحاجات اللى تاخد بالك منها للجهاز يعنى اتاكد انه مفهوش خرابيش خبطاط وخد بالك من الشاشه فيها شروخ ولا لا وحضرتك بتقول انه حالته الخارجيه كويسه شغل اى صوت فيه هتلاقى تحت سماعتين اقفل بصابعك على واحده واسمع التانيه علشان تتاكد انهم شغالين تمام انا جهازى طلع فيه سماعه مش شغاله بعد ما اشتريته بس مش مهم صوته معقول بسماعه واحده ههههههههه

بالنسبه للابديت وان ابل عامله حاجات جميله والحوارات دى اوعى تعمله ابديت دلوقتى خالص لحد ما ينزل الجلبرك للتحديث بتاعه ولما ينزل برده مش هتعمل ابديت عن طريق الشركه او البرنامج الاى تيونز هتعمل ابديت بالطريقه بتاعه الجلبرك ودى هتلقيها مشروحه فى كذا حته ازاى تعمله ابديت وبعدين انت مش هتحتاج الابديت دا خالص علشان هيمسحلك كل البرامج اللى نزلتها وكل التظبيطات اللى على الجهاز فبلاش ابديت خالص دلوقتى علشان ناس كتير عملو ابديت ولبسو فى حيطه مفيش برامج خالص غير من الاستورز بتاع ابل ودا طبعا بفلوس