rbm المجنون

**aly_hosny** · 24-04-2010 01:09 PM

المشاركة الأصلية كتبت بواسطة samirayad

موضوع بكرة الأكسراتير والحته العريانه من السلك سهله جدا

حتى أنت ممكن كمان ترش على البوابه wd 40
وتغسل القرص بالمزيل وتنشف بمنديل ورق بنفسك

والعمليه أبسط مماتتخيل

ولما تروح المركز ده
أاقف جنب الميكانيكى وهو بيعملك الحاجات البسيطه دى

علشان حتحتاج تعمل الموضوع ده العديد من المرات مستقبلا

فشوفه على الطبيعه الأول

وأعرف الطريقه أزاى
حتلاقيها فى منتهى السهوله
ومش محتاجه مجهود بدنى نهائيا

ان شاء الله اول لما روح هقف فوق دماغه

واعرف كل حاجة
ولو على قد المجهود مش مشكلة انما المشكلة اني معرفش اي هي الحاجت دي اصلا

وشكرا كمان مرة لحضرتك

**samirayad** · 24-04-2010 01:16 PM

المشاركة الأصلية كتبت بواسطة aly_hosny

ان شاء الله اول لما روح هقف فوق دماغه

واعرف كل حاجة
ولو على قد المجهود مش مشكلة انما المشكلة اني معرفش اي هي الحاجت دي اصلا

وشكرا كمان مرة لحضرتك

هههههههههه

هو ده الصح

مشاهدة الفيلم البسيط ده أولا

علشان تعرف تمثل زيه بالضبط
حينما تضطر الى ذلك

**karimmelegy** · 24-04-2010 01:26 PM

المشاركة الأصلية كتبت بواسطة samirayad

أنا زعلت من الكلمه الأخيره دى ياكريم باشا

مش المفروض أننا أخوه وزمايل وبنفكر مع بعض وبنكمل بعض

يبقى مفيش بينا حد بالشكل ده

وأذا كان حد فينا متفوق شويه يعنى فى الفكر فى المشاكل دى

ففيه غيره متفوق فى مجالات أخرى

زى الطب والحقوق والمحاسبه وغيره من كافة التخصصات

هى الحياه عربيات بس ولا أيه يامريسه ................؟

_______________________________

المهم علشان كلامى ميبقاش رغى على الفاضى

أنا مجبتش سيرة الأيدل ليرن

لأن الأخوه مذكروش أى خلل فى هبوط سرعة السلانسيه لسرعات منخفضه عن المقنن

ولا بدون أحمال ولا مع وجود أحمال

أولاً إحنا مانقدرش على زعلك .. وبعدين أنت ماشاء الله عليك متفوق كتير مش شوية زيادة
ربنا يبارك لنا فيك ويرزقك على قد خدمتك للناس دى كلها

نيجى لموضوعنا .. بص كده ياباشا على الحتة دى

المشاركة الأصلية كتبت بواسطة heragy

السلام عليكم ورحمة الله وبركاتة --- احبائى واصدقائى الاعزاء عندى حاجة مش عارف ان كانت مشكلة أو لا ال -- ار - بى - ام-- بيعلى ويوطى على مزاجة مش عارف لية هشرحلكم اللى بيحصل -- الصبح بدور العربية واستنى لما تسخن ويبقى مؤشر الحرارة على اول شرطة وبعد كدة اباء اتحرك عادى الاقى -ر ب م بيعلى ويوطى على مزاجة وانا شايل رجلى من على البزين يقعد متذبذب كدة شوية واحيانا لغاية العربية ما توصل الحرارة الى اقل من نصف عداد الحرارة ---- هل دة عيب فى العربية ولا دة العادى العربية موديل 2010 بقالها 7 شهور---واسف على الاطالة وجزاكم الله خير الجزاء-----سبحانك اللهم وبحمدك ، أشهد أن لا إله إلا أنت أستغفرك وأتوب إليك

مش كده يعنى السلانسية

أهو الواحد بيحاول يفكر معاكوا

**samirayad** · 24-04-2010 01:32 PM

مش كده يعنى السلانسية

أهو الواحد بيحاول يفكر معاكوا

انا كمان عندي المشكلة دي
واوقات ال ما تبقى العربية ممورة الاقي ال ار بي ام على 1500 وثابت على كدا حتى لو العربية سخنة
عربيتي 2009

طيب سيبت دى ليه

ماهو عدداللفات فوق ال1500 (يعنى الأيدل أبن حلال )

-ر ب م بيعلى ويوطى على مزاجة وانا شايل رجلى من على البزين يقعد متذبذب كدة شوية

طيب هو أحنا عرفنا مزاجه

ما يمكن مزاجه عالى وفوق ال 1500
ومبينزلش المزاج ل500 لفه مثلا

والا كان حيحصل رعشه ورجه على السلانسيه

**heragy** · 24-04-2010 01:36 PM

الف شكر ليك يا/ هندسة يا كبير على الرد بس انا مش عاوز ازعجك ان مش عارف اقولة اية فى التوكيل

اخوك/ احمد حراجى

**heragy** · 24-04-2010 01:38 PM

بلف منفولد الهوا
حساس tps

**samirayad** · 24-04-2010 01:38 PM

ربنا يخليك يا أستاذ / أحمد

وتصل الى حل سريع وبسيط
بإذن الله

**heragy** · 24-04-2010 01:43 PM

يا باشمندس سمير شكرا على ذوقك وربنا يخليك لينا انا مش عارف اقولة اية فى التوكيل

**karimmelegy** · 24-04-2010 01:46 PM

المشاركة الأصلية كتبت بواسطة samirayad

طيب سيبت دى ليه

ماهو عدداللفات فوق ال1500 (يعنى الأيدل أبن حلال )

طيب هو أحنا عرفنا مزاجه

ما يمكن مزاجه عالى وفوق ال 1500
ومبينزلش المزاج ل500 لفه مثلا

والا كان حيحصل رعشه ورجه على السلانسيه

الكلام ده مزاجة عالى قوى .... هههههههههههههههههه

يعنى نفهم من الكلام ده إن لو كان الأر بى إم بينزل عند 500 ويطلع عندى حوالى 1500 مثلاً فى الحالة دى بيكون مشكلة الإيدل

إنما لو كان بيعلى ويوطى فى منطقة الـ 1000 إلى 1500 يبقى حساس الـ TPS

يارب أكون صح المره دى ...