عن ليبيا والجزائر و البلطجة

**M.Mosaad** · 24-04-2010 01:34 PM

بعيدا عن الاداء الفني لماتش امبارح و دفاع الاهلي المهلهل اللي بقي شوارع مفتوحه

هو في إيه ؟ ليه كل ماتش مع فريق من دوله عربيه الموضوع بقي كدة شغب و حدف طوب و بهدله علشان ايه يعني الاهلي ادي الفريق التعبان دة امبارح هديه عمرة انه يكسب الاهلي و هما معندهومشي الف باء كورة عايزين ايه تاني يعني الناس حدفت وائل جمعه و بركات بالطوب و الاهلي خسران 2-0 امال لو كان حقق النتيجه الطبيعيه انه يكسب الفريق دة فرق هدفين علي الاقل كانوا عملوا ايه

يعني هي مصر عملت ايه فيهم انا اتعاملت مع ليبيين و جزائريين قبل كدة و ناس في منتهي الادب و الاحترام امال الناس اللي بتعمل كدة مننين

بقي كل ماتش مع دوله عربيه (شقيقه) هم كبير و الفريق اللي بيسافر هناك لازم يتبهدل يعني لازم يتبهدل كسب او خسر الموضوع بقي زيادة اوي و متكرر

الاهلي في 2008 خد بطوله افريقيا في الكاميرون من القطن الكاميروني و عادي خالص

مصر اتعادلت مع الكاميرون و خرجتها من كاس العالم ( عارفين يعني ايه كاس العالم يعني ب 1000 بطوله افريقيا ) و عادي خالص

كذا مرة الزمالك ياخد بطوله افريقيا في دوله افريقيه و برضة عادي خالص

ايه وجه المشكله مع الناس دي بالذات عملنلهم ايه علشان كل دة بيتغلبوا من طوب الارض علي ملعبهم و برضة عادي الا مصر و اي فريق مصري

الموضوع دة محيرني جدااااااااااااا لاني بتعامل معاهم كتير و ناس كويسيين

حد عنده فكرة ليه ؟؟؟؟؟؟؟

**Eng.Geo** · 24-04-2010 02:12 PM

اللي ينضرب ومياخدش حقه يبقي ملطشة

**Most_H** · 24-04-2010 02:20 PM

مش عاوز أقول مؤامرة يطلع حد يقول بخ.

**hazemhassan** · 24-04-2010 02:23 PM

المشاركة الأصلية كتبت بواسطة Eng.Geo

اللي ينضرب ومياخدش حقه يبقي ملطشة

1111111111111
وحاجة كمان اننا مابنعملهمش بالمثل
لازم يعملو كدا
واحد بيضرب ويسكت مابيردش هيضرب تانى وتالت

ولا الحكممممممممم

**tmz9111** · 24-04-2010 03:57 PM

اللي ينضرب ومياخدش حقه يبقي ملطشة

**TeXo** · 24-04-2010 04:15 PM

ربنا وحده اعلم انا ما زعلان عشان خسرنا امبارح في الماتش على قد ما زعلان على اللي بيحصلنا ..

من ساعة يوم ام درمان و انا بقيت اشوف الامور بمنظور تاااني خالص و في حاجات كنت مؤمن بيها اصبحت لا تهمني ببصله و الله

هقول ايه بس

حسبي الله و نعم الوكيل

**human** · 24-04-2010 04:30 PM

الاب اللى ماديش بريستيج لاولاده و مايديش قيمه ليهم ومايعرفش يحميهم
و الاب اللى مايسألش على عياله و مش يرعاهم
يبقى اى كلب فى الشارع يعضهم و يهزئهم و محدش يقوله انت بتعمل كده ليه

فهمت ؟

**hobaz** · 24-04-2010 04:33 PM

حسبي الله ونعم الوكيل...

**AshTurbo** · 24-04-2010 04:39 PM

هما مش هييجوا يلاعبونا في مصر ؟

خلاص بسيطة أحنا هنروقهم بأذن الله كاسبين أو خسرانين عادي كبروا دماغكم الكورة مليانة شغب في كل حتة في العالم ومحدش يستنى معاملة الملوك من أي بلد عربي لمجرد أن أسمه عربي على أساس عشمانين في العروبة والأخوة لأ عم عشم مات وحوارات الحلم العربي عايشين فيها من أيام القرش الجبس ومتحققش لحد دلوقتي .

**dr-mohamed** · 24-04-2010 04:45 PM

المشاركة الأصلية كتبت بواسطة eng.geo

اللي ينضرب ومياخدش حقه يبقي ملطشة

عندك حق مليون في المية لو من اول فرقة مصرية انضربت في دولة عربية كان لينا رد فعل حقيقي بعيد عن الشعارات الرنانة بتاعة الشقيقة الكبري والقرف ده مكانتش اتكررت تانى
وتاريخ ليبيا في الكورة معانا
لما كان الزمالك بيلعب هناك ضربوهم وعمرو زكي اتعور
لما منتخب الكرة الخماسية لعب هناك انضرب واحد اللاعبين اتشل بسبب الضرب ورجع على كرسي متحرك
لما لاعيبناهم زمان في دورة الالعاب الافريقية في الجزائر بردو انضربنا
ودلوقت دور الاهلى
واي فرقة مصرية هتروح هناك هيتعمل فيها كدة ما دام مش بناخد حقنا
والماتش اللى هنا هايجي الامن المحترم ويمسك اي حد يعمل اي حاجة
وطبعا مخرج التليفزيون العبقري لو واحد من لاعبي ليبيا مسك بطنه من المغص هيفضل مركز عليه نص ساعة مش زي مخرج امبارح مفيش اي لمحة باحداث شغب الا وكان بيبعد عنها فورا

المشاركة الأصلية كتبت بواسطة ashturbo

هما مش هييجوا يلاعبونا في مصر ؟

خلاص بسيطة أحنا هنروقهم بأذن الله كاسبين أو خسرانين عادي كبروا دماغكم الكورة مليانة شغب في كل حتة في العالم ومحدش يستنى معاملة الملوك من أي بلد عربي لمجرد أن أسمه عربي على أساس عشمانين في العروبة والأخوة لأ عم عشم مات وحوارات الحلم العربي عايشين فيها من أيام القرش الجبس ومتحققش لحد دلوقتي .

يا ريت

الموضوع: عن ليبيا والجزائر و البلطجة

LinkBack

أدوات الموضوع

عرض

-

-

-

-

-

-

المواضيع المتشابهه

البلطجة النسائيه

الحل فى البلطجة !

فيديو عن البلطجة

منتهى قمة البلطجة

البلطجة فى السواقة

الكلمات الدلالية لهذا الموضوع

المفضلات

المفضلات

ضوابط المشاركة