الشرح اللى موجود فى المقال ده بيوضح ان اللى هيحصل هو تحديد عدد معين من اللترات لكل سيارة شهريا و بعد كده اى زيادة هتبقى بالسعر الحر
عرض للطباعة
الشرح اللى موجود فى المقال ده بيوضح ان اللى هيحصل هو تحديد عدد معين من اللترات لكل سيارة شهريا و بعد كده اى زيادة هتبقى بالسعر الحر
انا عمري ما اتفقت مع الرأي دا خالص
جايز العيب فيا انا بقي
بس بحس انه من انواع الحقد
بجد والله
عاملة زي الضرائب العقارية مثلا يقولك الي ساكن في شقة كبيرة او فيلا يدفع مش عارف كام
علشان هو ساكن فيها
يعني انا علشان تعبت واشتغلت وطلع عيني في الفلوس الي معايا وجبت عربية نضيفة اقوم ادفع ضريبة غالية واخد وقود مش مدعم
مش عارف ليه مش مستسيغها خالص
نفس حوار الضرائيب العقارية بجد
علشان اسكن في شقة نضيفة لازم ادفع قد كده
وممكن تكون فعلا مقدرتي ما تتحملش المبلغ دا
ممكن اكون حطيت كل الي معايا في العربية الي بحلم بيها
واظن دا مش عيب ودي فلوسي ومحدشليه عندي حاجة
وانا بشتغل في البلد زي اي مواطن تاني
وممكن بشتغل اكتر كمان وانا اكثر نفعا من الي هياخدو الدعم
يبقي دا جزائي
توضيح طبعا انا مش معايا الـ bmw ولا المرسيدس
بس دي وجهة نظري
مش اكتر
انا اللى شاغلنى الية التوزيع هتبقى ازاى
السلام عليكم..أنا متفق جدا مع الأستاذ عبده
بفرض انهم مثلا وزعو على كل اسرة كوبونات بنزين مدعم بالسعر العادي بما يكفي لاستهلاك سيارتين بما يوازي 1000 كيلو متر في الشهر للسيارة .... ولو حد ح يستهلك زيادة يبقى يشتري من البنزين بالسعر العادي ..
يبقى كدة الشركات والسفارات والاجانب واصحاب الدخل الكبير اللي عندهم اكتر من سيارتين .... كل دول مش ح ياخدو من الدعم اللي مفرض انه يبقى للشعب المطحون
انتو عارفين ان المعدات والكومبرسور بتاعت شركات المقاولات بيستخدمو سولار مدعم
السفارات بتاعت الدول الاجنبية بيستخدمو بنزين مدعم
احمد عز وابو العينين واحمد بهجت وساويرس ومنصور وغبور وكل مليارديرات مصر بيستخدمو بنزين مدعم
موبينيل وفودافون واتصالات وسياراتهم بيستخدمو بنزين مدعم
...
زي ما سبق وقلت ...... كدة سفه وتبذير
انا مش فاهم ذنبه ايه الغني انه يصرف علي الحكومه؟ يعني لو انا راجل اجتهدت وعملت وربنا فضلني علي غيري في الرزق - ليه ادفع تمن ده؟ طيب مانا هدفع 600% جمارك و2% كل سنه وبالمقابل همشي علي نفس الطريق ونفس الخدمات المعدومه ونفس البنزينات يعني مش همشي علي طريق لوحدي انا مش الأغنياء علي فكره بس المبدأ نفسه خنقني - ان واحد فاشل يحاول يعلق فشله علي شماعة الأغنياء هو يعني في كام مرسيدس ولا بي ام من اللي تمنهم عالي قوي؟ هما دوول بقي اللي هيحول الأذمه؟ انا شفت الخبر علي مصراوي وشفت التعقليقات وكنت هتجنن (واحد بيقول ان لواء في الجيش مرتبه بيعدي ال 60000 وفي المخابرات 250000 ) الكلام ده صحيح !!!
كلام سليم و 100 في 100
افرض واحد اتغرب طول عمره بره وراجع يعيش حياته يبقي يصرف فلوسه علي الحكومه؟
انا اعرف ان في ليبيا تقريبيا كل مواطن اتغرب ليه عربيه يدخلها من غير جمارك ومش عارف بيسموها حاجه خاصه بالغربه
مش متاكد بالظبط من البلد بس هي حاجه من اللي حوالينا دوول
الموضوع مش ان الغني يصرف ع الحكومة ....
الوضع الحالي ان الحكومة بتصرف دعم للغني والفقير
يبقى السؤال هو : ايه ذنب الفقير ان الدعم اللي المفروض انه للفقراء .... يوصل للفقير والغني زي بعض ؟؟؟؟
الغني مش ح يصرف على الحكومة ولا حاجة .... الغني ح ياخد البنزين بالسعر الطبيعى من غير دعم ..... يبقى مش بيصرف على الحكومة ... مش كدة ؟؟؟
إيران طبقت ده بالفعل بس على الكل ( تحديد كمية محددة من البنزين لكل عربية )
المفروض ان الدعم يبقي لكل المواطنين
هو مش كل المواطنين بيدفعو ضرايب والأغنيا بيدفعو اكتر كمان يبقي ليه مياخدوش الدعم؟