+11111111
انا بردو بقول استحالة حد يشترى لتر بنزين ب9 جنية
ولا الناس هتسبهم والاوهو الاهم الشركات الكبيرة اللى هتضر هتسمح بكدة
عرض للطباعة
ربنا يستر ادينا قاعدين نتفرج و ندفع ثمن كل مصايبهم.
انا ليا بس تعليق بسيط على كلامك لانه الصراحه تعليقاتك كلها ممتازة ورائعه جدا
اولا :- الشيخ الشعرواي قالها " ما وجدت فقيرا ولا قام الغني بسرقة ماله " يعني زي ما حضرتك قولت الناس الي بتاخد بنصف مليون ولا الباشا محمد ابراهيم الي بياخد مليون و200 الف ولا البيع التاني عاطف عبيد الي بياخدله فوق المليون وتلاقي ناس تانيه لسه من كام يوم عاملين مظاهرات علشان مرتبتهم 99 شهريا يعني زي ما بيقولوا هذه هي الطامة الكبرى
ثانيا انا معاك ان الدوله واي دوله ناميه دخلها بيعتمد على الضرائب والجمارك ماشي لكن احنا ربنا وهبلنا ورزقنا واهدانا حاجة زي السياحه , الزراعه الي احنا منذ ايام الفراعنه كنا احنا والصينيين من اشطر الناس في الزراعه , والصناعه , والبترول ومشتقاته طبعا بمناسبة البترول مش عاوزين ندخل في مناقشه سعر بيع الغاز الطبيعي لاسرائيل الي يتعبر برخص التراب ,,وغير الاستثمارات , الي اقصد اقوله ليه احنا ما نننمي ونطور ونشتغل وننتج علشان دخلنا يزيد وحياتنا تتحسن , اما بالنسبة للانفاق العسكري فده بيتم عن طريق المساعدات الماليه الي بتيجي من امريكا لمصر كل عام والي تم خفضها مؤخرا
ثالثا :الناس تعبت وزهقت من انها كل شوي تسمع انها هتدفع حاجة زياده ولا في زيادة في سعر سلعه ما وفي المقابل مش بنلاقي الجودة المنتظرة والمتوقعه والكلام ده سواء كان على اكل ولا شرب ولا عربيات ولا طرق وكباري ولا خدمات عامه , الواحد بيستنزف وبنتبهدل كمان يعني مفش نتائج
رابعا : طالما البلد ماشيه بقرارات هوائيه وبدون تخطيط استراتيجي للمشاكل هنفضل عايشين في عالم في فوضى وهمجيه وفقر وحالتنا هتبقى بالبلاء , انا موافق ان الدعم يتلغي على بعض السلع وخصوصا الي بنستوردها لكن في المقابل هخلي حياتنا كلها بالتعامل العالمي سواء كان في المرتبات ولا في حساب الجمارك والضرائب وتحسين البنيه التحتيه للبلد
انا بس في الاخر عاوز اعرف حاجة مش الدوله عندنا بتنتج بترول وتقريبا كمان بتصدره طيب ليه عاوزين يرفعه سعره مادام عندنا وفره منه وعندنا مخزون استراتيجي منه كتيييير ؟؟؟؟؟
الدعم ده كذبه كبرى الدوله مش بتتصدق على حد كله من فلوسنا ما احنا بندفع قيمة العربيه الضعف واكتر وبندفع الضرايب والمخالفات يعني وصلهم فلوس الدعم المزعومه مقدما والمصيبه اصلا ان مفيش دعم على الوقود لان سعره اصلا غالي بالمقارنه بتكلفة انتاجه في مصر او في الخارج
اقترح الغاء الدعم المقدم على الغاز المصري الى الشعب الاسرائيلي اولا قبل ما يلغوه على الشعب المصري (( محدش بقى فاهم حاجه ))
كل تفكير الحكومة متجه نحو سياسة الطواقي .. نشيل طقية مين ونلبسها لمين عشان نظبط الميزانية .. تفكير استهلاكي فقط لا غير .... مفيش اي اتجاه مخطط ومدروس نحو التفكير الأنتاجي وان يبقى فيه مصانع بجد وزراعة وتصدير ويبقى فيه فائض بدل العجز اللي بيقعدوا يلفوا حولين نفسهم كل سنة عشان يشفوا هيقلبوا الشعب ازاي في القرشين اللي ناقصين ... زي بالظبط الاعلانات بتاع تنظيم الأسرة والأتجاه الملح في تخفيض عدد السكان لدرجة ان الواحد بقه حاسس انهم ناقص يموتونا عشان يرتاحوا ... طب ماهو احسن انهم يستغلوا الطاقة البشرية دي اللي هي اسمها موارد بشرية ، موارد، يعني المفروض انها لو تم استغلالها بصورة صحيحة تعتبر مصدر انتاج مش استهلاك ، واحنا بكل غباء عندنا مصدر استهلاك فقط وبيحاولوا يقللوه بدل ما يفكروا في استغلال هذه الطاقة المتميزة ....
للأسف كل التفكير الحالي تفكير خاطئ ومحدود ولا يوجد به اي تخطيط او حرص على الصالح العام ، البلد محتاجه تتغير من جذورها بتفكير تاني خالص
الموضوع من الآخر سرقة في سرقة يا اخواننا
الحجة الأساسية من زمان اوي في تدني الأجور البشع في البلد هي الدعم , دلوقت بيطيروا الدعم حتة حتة , و بيزودوا الضرايب , و الأجور زي ما هي
كل ظالم و له نهاية ان شاء الله
اول قرار صح اسمع عنه
احنا بننتج بترول صح لكن بنستورد مشتقاته
انتاجنا مش كفاية ...
انا مش متأكد اننا بنصدر بترول او لأ
لكن لو بنصدربترول .... لكن بنستورد مشتقاته ... ومنها البنزين ....
....
نرجع لوضوع الدعم
الدعم بشكله الموجود حاليا هو الوسيلة الامثل للسرقة والنهب
لازم يبقى فيه وسيلة لضمان وصول الدعم للمستحقين فقط .... ايا كانت الوسيلة
لكن اللي احنا فيه ده ..... قته محلولة على رأي المثل
سبيل ببلاش .... اي حد يعدي يمد ايده ويغرف
انا عاوز حد يجاوبني
الاجانب والسائحين في مصر بيستخدمو بنزين بأقل من نصف قيمته ليه ؟؟؟؟؟
السفارات
الشركات
المليونيرات
...
كل دول بياخدو حقي وحقك
ده غير اللي بيتسرق في السكة على ما الدعم يوصل لغير مستحقيه
...
لازم الوضع ده يتغير
انا نصيحتي للزملاء
لازم تهتمو ببطاقات التموين بتاعتكو ...... دي ح تكون لها دور اساسي في المستقبل القريب